الموضوع: عربيتي تسوى كام ؟؟؟

السلام عليكم ورحمة الله ... ممكن ياجماعة تساعدوني اقيم عربيتي وتاريخها كله على المنتدى هنا من يوم ما جبتها ... وانا هحط لينكات لكل حاجة

دايو لانوس جوليت موديل 2001 كاملة مانيوال فضي ميتاليك ودي حالة السيارة بالتفصيل دون تجميل أو تزييف.
http://www.nilemotors.net/Nile/235880-a.html

حالة الموتور:
الموتور بحالة جيدة جدا ونسبة كبسه 70% وقمت باجراء الاختبار في شهر رمضان في بنزينة كالتكس عباس العقاد و عدد الكيلومترات المقطوعة 132000 ولا يوجد أى تسريب أو ترشيح من أى جوانات ولا دخنة من أى نوع ولا أى لون من الشكمان.
http://www.nilemotors.net/Nile/432147-a.html
http://www.nilemotors.net/Nile/419122-a.html


اخر صيانة 130000 (سير كاتينة – سير دينامو – سير تكييف – بوجيهات – فلتر هواء – فلتر بنزين)
اخر زيت وفلتر الزيت 128000 (زيت فيسكو 3000 نصف تخليقي) باقي له 1000 كيلو وللاسف مفيش لسنك فيه الكلام ده لاني مكتبتوش لانى لسة عامله بعد مانويت على البيع

حالة العفشة:
للأمانة السيارة بها لحام في الركبة اللى ماسكه المقص الشمال وده حصل بسبب المطبات والكسر اللى في الطرق واتصلحت في ورشة نايل موتورز على اعلى مستوى وزي ما الكتاب بيقول ومعاها تم تغيير علبة الدركسيون وكوبلن شمال كامل ومجموعة جلب المقصات وتم تربيط العفشة بالكامل وضبط الزوايا على 130000 و تغيير الكوبلن اليمين وكاوتش الميزان على 150000وطلمبة الباور متغيرة في شهر 9 اللى فات
http://www.nilemotors.net/Nile/437816-a.html
http://www.nilemotors.net/Nile/304959-a.html

تيل الفرامل متغير على 120000 كيلو ومعاه شوية صيانات قديمة
http://www.nilemotors.net/Nile/379473-2001.html

كاوتش جي تي اندونيسي عند 115000 والاستبن كان فردة من الفرد القديمة جي تى اندونيسي برضه.
http://www.nilemotors.net/Nile/306935-a.html

حالة الهيكل:
السيارة فابريكة دواخل ورشة خارج في ورشة نايل موتورز العام الماضي وحالة الصاج ممتازة ويوجد بعض الخرابيش البسيطة في الاجناب نتيجة شوارع مصرنا الحبيبة.
www.nilemotors.net/Nile/379972-a.html

حالة دورة التبريد:
السيارة بها مياه عادية و تم تغيير طلمبة المياه عند 115000 و تغيير جميع طبب الموتور وكوعة المياه وغطاء القربة عند 130000 ولا يوجد بها أى تسريب أو نقص
http://www.nilemotors.net/Nile/436990-a.html

حالة التكييف:
تم تغيير كمبريسور التكييف وفلتر الفريون وخرطوم الفريون الرئيسي وتنظيف السربنتينة الداخلية في بداية الصيف شهر أبريل الماضي ويعمل بكفاءة
http://www.nilemotors.net/Nile/418865-a.html

حالة الصالون:
الصالون بحالة جيدة جدا والفرش جلد تفصيل فوق الفرش الاصلي على خياطة الفابريكة والارضية جلد وطقم الدواسات جديد ومعمول في اليجانس كار في مدينة نصر، والسقف يحتاج تنظيف في كار كير

الكماليات:
سنتر لوك وجهاز انزار وولف – كاسيت أدريان بمخرج usb و aux – باور ستيرنج – 4 جنوط سبور أصلية مرشوشة لون فيراني غامق – زجاج كهربائي – بطارية السيارة تعمل بكفاءة وهى جافة ولكن مضى عليها حوالي سنتين وقد تحتاج للتغيير قريبا.
http://www.nilemotors.net/Nile/314277-a.html

العيوب:
طبعا اللحام في الركبة نقدر نعتبره عيب لكنه والمرايا اليمين كانت كهرباء وانكسرت وغيرتها بواحدة عادة – زر الزجاج الكهربائي الخلفي يمين لا يعمل ومحتاج تغيير – والزر الخاص بنفس الزجاج في وحدة باب السائق بينزل الزجاج فقط وانا لا استخدم السيارة سوى لى ولزوجتى ولذا لم اهتم بتصليحه – زرار الانتظار في التابلوه بيعلق شوية

الرخصة:
السيارة مرور شبرا الخيمة والرخصة سارية حتى 28/2/2015 وبأسمي ولا يوجد بها أى توكيلات ويمكن البيع بتوكيل أو عقد مسجل حسب رغبة المشتري.

كارت البنزين:
السيارة معاها كارت البنزين الخاص بيها وتم اصداره في شهر اكتوبر 2013

http://www.nilemotors.net/Nile/384426-a.html

سبب البيع :
التغيير لسيارة موديل احدث ان شاء الله