عندما يصبح تعديل وضع الدركسيون اوبشن ملغي rb

**zalabia** · 08-09-2014 12:56 PM

السلام عليكم ورحمة الله وبركاته

الحمد لله ربنا اكرمني واشتريت اكسنت اربي ب130 الف الفئة التانية .. وكان معايا قبليها نيو اكسنت 2011 فول اوبشن مانيوال .. طبعا مش عاوز اقولكم علي صدمتي في اول مرة اسوقها وبحط ايدي تحت علبة الدركسيون ادور علي مفتاح تعديل وضعية عجلة القيادة والاقي العلبة مصمته .. الاوبشن ده كان موجود في الاربي الفئة الاولي من ساعة مانزلت في 2012 .. غبور الهبور قالك ده اوبشن باهظ الثمن يلغي من الفئة الاولي والتانية .. مش عاوز اقولكم ان النيو اكسنت اللي هيا موديل 2011 فيها المفتاح ده .. مش بس كدة ببص علي فرش ارضية العربية لقيته كرتون متغطي بطبقة بوليستر كدة تحس بمدي حقارة التقفيل والخامات المضروبة .. علي عكس الموكيت المعقول جدا في النيو اكسنت 2011 .. قالولي كتير ان النيو اكسنت محترمة اوي ماتبيعهاش وتجيب الاربي منظر وشكل وغلو .. بس ماصدقتهمش .. و ألبس يا زبوووووون

**2CODE** · 08-09-2014 01:05 PM

مركبتهاش واتفرجت عليها ليه قبل ما تشتري ؟؟؟؟ مين قالك اشتري وبعد كده اركب ؟؟؟؟

ما العربية موجودة في 90% من معارض مصر روح افحصها كويس اوي الاول

ولا يهمك وحاول تتعود عليها كده غير في وضعيات الكرسي لغاية ما توصل لوضعيه كويسه للدريكسون مش مشكلة تظبط الدريكسون على الكرسي اعكسها ظبط الكرسي على الدريكسون :)

**toty_305** · 08-09-2014 01:12 PM

-بدون مقارنة مع النيو أكسنت ﻷن الفرق كبير على اﻷقل موتور و فتيس

-فعلا حكاية الدريكسيون دي فضيحة :) و فعلا الموكيت تعبان و أنا جبتها لما لما كانت رخيصة في 2012 فكنت مش زعلان من الموكيت قوي و فعلا عندي إمكانية تعديل وضع الدريكسيون..

-يا ترى عربية دلوقتي بقى فيها immobiliser ??

**crazy car** · 08-09-2014 01:15 PM

معقولة !!!!
هيا بقت بتتقفل هنا ولا ايه

**eng.m7md.ali** · 08-09-2014 01:19 PM

انا هقول لحضرتك علي مبدأ كل التجار بيتبعوه .. خامات التقفيل بتقل مع زيادة المبيعات او النجاح

الشارك زمان غير دلوقتي
البوما زمان غير دلوقتي
حتي الفيرنا 2005 غير الفيرنا بتاعت دلوقتي

**Sameh samy** · 08-09-2014 01:32 PM

المشاركة الأصلية كتبت بواسطة 2code

مركبتهاش واتفرجت عليها ليه قبل ما تشتري ؟؟؟؟ مين قالك اشتري وبعد كده اركب ؟؟؟؟

ما العربية موجودة في 90% من معارض مصر روح افحصها كويس اوي الاول

ولا يهمك وحاول تتعود عليها كده غير في وضعيات الكرسي لغاية ما توصل لوضعيه كويسه للدريكسون مش مشكلة تظبط الدريكسون على الكرسي اعكسها ظبط الكرسي على الدريكسون :)

عمرك ماتعرف تتفرج علي عربية كويس وخصوصا ان حكاية تعديل الدركسيون من البديهيات وياريت لما تلاقي حد مصدوم متححسوش انو غلطان كمان مفاية اللي فية مكفية يا باشا حرام
دانا رحت استلم عربيتي و كان فيها عيوب وفليناها انا وواحد سواق من الشركة عندي ومشفناش العيوب داحنا نمنا تحت العربية كمان
الراجل اتفرج علي موديل اقدم ومحدش يتوقع ان العربية هاتتغير كدة
باشا موضوع الارضية سهل موش هايتكلف 200 300 جنية ولو تعديل الدركسيون مهم اوي هات قطمة استيراد وامرك للة

**drcobra** · 08-09-2014 04:06 PM

يا باشا كله بتمنه دلوقتى
قريب غبور هيدينا دركسيون واربع كاوتشات ويقولك اركب
الحمد لله على الصحة ههههههههههههههه
اه يا مصر

**monamize4** · 08-09-2014 04:16 PM

ياباشا ماتضايقش نفسك و تخلى الموضوع دا يضيع فرحتك بالعربية

اركب و انبسط :)

**speed_magnum** · 08-09-2014 05:41 PM

معلش حاول تتاقلم عليها
هي فعلا حاجه غبيه ومقرفه انك ما تعرفش تعدل الدريكسيون

**Mohab555** · 08-09-2014 10:15 PM

الريو بتاعتى يا باشا 2013
شوف ال 2015 دلوقتى عامله ازاى .. شاله كل الحاجات الحلوه الى فى العربيه بما فيها الفوانيس حتى و غلوها 24 الف جنيه ...
كل التجارو الوكلاء كده