اى سؤال او مشكله بخصوص بريليانس انا فى الخدمه

**bugatti.beah** · 08-09-2014 07:42 PM

بسم الله . انا اتشرفت انى انضميت الى نايل موتورز افض موقع للسيارات واللى فيه بنلاقى اى حاجه بندور عليها بخصوص السيارات . واحب اقدم خدماتى بخصوص اى استفسار متعلق ببريليانس بموديلاتها

**khaledelshafie** · 08-09-2014 07:49 PM

اهلا بيك يا فندم انا نفسى اشترى عربية عالية شوية وبصراحة القاشقاى والسبورتاج والسوبارو اسعارهم جامدة اوى ولما دورت عرفت العربية بريايانس v5 وقريت كل المواضيع عنها في المنتدى وعاجبانى جدا بس خايف من تجربة الصينى علما انى كنت راكب لانسر بومة سبورت وراحت منى في حادث شديد وبعتها خردة فانا حاليا بفاضل بين لانسر شارك تانى فئة او ال v5 او ازود شوية واجيب كيا سول ....حضرتك تنصحنى بايه ؟؟؟علما ان العربية هتكون للمدام والاولاد لانى حارج مصر حاليا

**bugatti.beah** · 08-09-2014 08:02 PM

العربيه امكانياتها معقوله بس علشان اكون صريح فيها عيوب ممكن حضرتك تتقبلها او لا
اولاً علبه دركسيون . العدادات بتتحرق . الريموت بيضعف . مشكله صوت من الشنطه
يفضل انك لو قررت تشترها انك تجيب فئه ال gl وبلاش ال gls علشان فيها كنترولات كتير فى اماكن عرضه للتلف ( اسفل الكراسى ) فى اى اسئله فى الخدمه

**bugatti.beah** · 08-09-2014 08:09 PM

وللعلم هى موتور ميتسوبيشى مايفك بس صناعه صينى

**khaledelshafie** · 08-09-2014 09:58 PM

الف شكر لرد حضرتك...
بس انا كده قلقت منها لانى عايز حاجة المدام تركبها وما تعملش معاها مشاكل ومتابعة الصيانة فى مواعيدها فى التوكيل فقط .............يعنى الواحد بيجب يجيب زيرو علشان ما يمرش باى مفاجئات

**TylerDurden** · 09-09-2014 02:21 AM

السلام عليكم، اولا احب اشكر حضرتك علي الخدمه دي لاعضاء المنتدي
ثانيا: انا كنت ناوي علي اول عربيه ليا.. وكنت عايز حاجه معقوله ولقيت البريليانس frv cross كاختيار.. كنت حابب اعرف تقييمك للعربيه بشكل عام.. وايه مشاكلها؟ وشكرا لك

**ozo_93** · 09-09-2014 07:25 PM

اولا احب اشكرك على المجهود
ثانيا كنت عاوز اسأل عن جالينا 2012 من غير فتحة سقف 60000 كيلو مش راشة أي حاجة
تعملها كام ؟؟؟ يعني ممكن حضرتك تقولي الرانج اللي بتتباع فيه

وشكرا مقدما

**bugatti.beah** · 09-09-2014 08:14 PM

والله يا فندم مفيش عربيه مفيهاش مشاكل والمشاكل اللى قلتها موجوده فى اغلب العربيات وعلى العموم كل اللى قلته بيتغير على الضمان

**bugatti.beah** · 09-09-2014 08:18 PM

الشكل الجديد من الكروس نازل اخر السنه لو ممكن حضرتك تستنى بدال ما تشترى الشكل القديم اما بالنسبه للعربيه مشكلتها المساعديين وعلبه دركسيون وحساس الاكسجين وبردو كل ده ضمان وبيركب الحاجات المتعدله يعنى بدون مشاكل

**bugatti.beah** · 09-09-2014 08:23 PM

الجالينا اخر موديل فيها 2010 ده اخر انتاج من المصنع والكميه اللى اتبقت عملوها موديلات السنه علشان تتباع .اما بالنسبه للعربيه اللى حضرتك سالت عنها تعمل حوالى 60.65 بس يفضل تقرير حاله من الوكيل علشان قطع غيار العربيه دى غاليه نسبياً والتقرير بيشمل الصاج والشاسيه والمحرك والكهرباء