ix25

**ENG.MaRk** · 09-09-2014 11:59 PM

بصراحة لما شفت العربية لأول مرة هوستني ... عربية ملهاش حل و لو نزلت بموتورها ده بدون أي تعديل هتنافس الx1 بدون مبالغة ... أتمني تنزل مصر قريب و أتمني ربنا يقدرني و أقدر أجيبها ... اللي عنده أي معلومات عنها مايبخلش لو سمحتوا

**2CODE** · 10-09-2014 12:21 AM

تنافس x1 بدون مبالغة ؟؟؟ هيونداي ؟؟؟ انا كانت معايا كيا قبل البي ام ودي حمادة ودي حمادة تاني خاااالص :) :)

**mohaismail** · 10-09-2014 12:30 AM

الهيونداى هتنافس بى ام ازاى بس

**محمود حسن** · 10-09-2014 06:36 AM

المشاركة الأصلية كتبت بواسطة 2code

تنافس x1 بدون مبالغة ؟؟؟ هيونداي ؟؟؟ انا كانت معايا كيا قبل البي ام ودي حمادة ودي حمادة تاني خاااالص :) :)

سيدي الفاضل و اخي الكريم
لا أخفيك إني زهقت من البي ام من كلام حضرتك عليها
في اي حتة تدخل وتعلق مثلا"انت شاري عربية رخيصة يبقى استحمل" "البي ام غالية ومدفوع فيها مينفعش تتصين مع البريلنس" بالإضافة إلى تعليقك الأخير ..
يا اخي انت ربنا رزقك بعربية بي ام سعرها غالي ،بلاش تحسس الناس بكدة وتعقد مقارنات محسومة للبي ام
متاخدش الكلام ع صدرك ؛)

**hugan** · 10-09-2014 10:49 AM

سعرها كام

**2CODE** · 10-09-2014 03:52 PM

المشاركة الأصلية كتبت بواسطة محمود حسن

سيدي الفاضل و اخي الكريم
لا أخفيك إني زهقت من البي ام من كلام حضرتك عليها
في اي حتة تدخل وتعلق مثلا"انت شاري عربية رخيصة يبقى استحمل" "البي ام غالية ومدفوع فيها مينفعش تتصين مع البريلنس" بالإضافة إلى تعليقك الأخير ..
يا اخي انت ربنا رزقك بعربية بي ام سعرها غالي ،بلاش تحسس الناس بكدة وتعقد مقارنات محسومة للبي ام
متاخدش الكلام ع صدرك ؛)

سيدي العزيز ,,

أولا هو أنت حضرتك شايف ان ده رأيي انا بس ؟؟؟ ده رأي الناس كلها لانها دي حقيقة ولا يخفيك سراً !!!
ثانياً متقراش الكلام عادي

ثالثاً عايزك تتجاهل ردودي تماماً !!!!!!

**2CODE** · 10-09-2014 03:53 PM

المشاركة الأصلية كتبت بواسطة ENG.MaRk

أنا مش ببالغ لما أقول هتنافس الx1 و علي فكرة هي هتتفوق عليها ... الix25 شكلا أحلي من البي ام و لو نزلت بالموتور ال2000 سي سي هتبقي روعة ... كانت موجودة في أوتوماك باللون النحاسي و شكلها تحفة و من جوة انا شايفها مليانة كماليات خرافة أكتر من البي ام و بالنسبة للأمان أنا شايف إنها ماتقلش أي حاجة عن البي ام لأنها لو نزلت مصر زي ماهتنزل برة هيبقي فيها 8 إيرباجز و ABS و EBD و BA و ESP مع TRC و TMPS لمراقبة ضغط الكاوتشات و ASR و HA و أعتقد مافيها كافي جدا يخليك تتقلب بيها براحتك :)
أنا شخصيا أتوقع إنها هتنزل فاضية تماما ب 2 إيرباجز و ABS و EBD بس و من المتوقع يكون سعرها 240000 للهاي لاين
هذا الكلام مجرد توقعات عشان محدش يكدبني ...أنا قريت علي الofficial site بتاع هيونداي إنها هيبقي فيها كل ما توصلت له الشركة من وسائل أمان و الله أعلم

مش بأنظمة الأمان الالكترونية في ما يسمي بالـActive Safety و الـPassive Safety !!!!

الأمان في العربية والثبات مش أنظمة الكترونية بس فيها اهم حاجة لسه هيونداي وكيا معملتهاش حلو وهو الـSuspension نظام تعليق العربية ده لسه شويه على هيونداي وكيا

**aly_hosny** · 10-09-2014 04:22 PM

المشاركة الأصلية كتبت بواسطة 2code

تنافس x1 بدون مبالغة ؟؟؟ هيونداي ؟؟؟ انا كانت معايا كيا قبل البي ام ودي حمادة ودي حمادة تاني خاااالص :) :)

احسن عربية في امريكا سنتين ورا بعض هيونداي جينيسيس

**Hosam_Optrawy** · 10-09-2014 07:32 PM

ix25 مش فئة ال X1 خالص دا مبدأيا , العربيه في حجم الكيا سول كدا , أكبر منها حاجه بسيطه أوى , وأصغر من ال ix35

لسه هاتنزل الصين الشهر الجاى , وهاتنزل الهند في 2015 , لسه مش معروف هاتنزل الشرق الأوسط ولا لأ

لو نزلت مصر مستحيل تكسر ال 200 الف وهاتبدأ من 150-160 زى السول , خصوصا لو كانت تقفيل صيني أو هندى مش كورى , ماينفعش تبقى غاليه