رقم العضوية : 153386
تاريخ التسجيل : 18Dec2013
المشاركات : 13
النوع : ذكر
الاقامة : طنطا
السيارة: اوبل استرا
السيارة[2]: هيونداي فيرنا
الحالة :
لو سمحت بعد اذنكو انا كنت عايز اروح العين السخنه من علي الزراعي وبالتحديد فندق علي طريق اسمه الزعفرانه فاذا امكن لو ممكن حد يوصفلي الطريق بالظبط بالظبط يعني الدخلات والاماكن المميزه اللي هعدي عليها ان شاء الله عشان اتاكد اني ماشي صح
وشكرا مقدما يا رجاله
رقم العضوية : 9339
تاريخ التسجيل : 21Apr2008
المشاركات : 702
النوع : ذكر
الاقامة : CAIRO
السيارة: مايكترش علية(سبحان العاطى الوهاب)
السيارة[2]: Chery A11 2007
دراجة بخارية: yes
الحالة :
حضرتك لو جاى من زراعى اسكندرية ح توصل الى الدائرى ح تعدى من تحته وتمسك يمين وتطلع الدائرى وتفضل ماشى ف الدائرى كتير أكتر من 30 كم الى نزلة القطامية ح تنزل يمين حتلاقى بنزينه على يمينك والشارع ح يلف يمين مع المنزل وح تلاقى ميدان حتلف الميدان شمال تقريبا تلت دايرة وح تلاقى نفق ادامك تدخل فى الشارع اللى فيه النفق تنزل منه وتطلع من الناحية التانية حتلاقى طريق اتجاهين بالعرض ح تقطع الشارع و تلف شمال بردو وتمشى على طول وتمسك يمين مش كتير ح تلاقى زرع كتير جنينة او مشتل مش عارف وبعدها دخلة طريق السخنة على اليمين ح تدخل وتمشى على طول ح يقابلك بوابة رسوم وكمين شرطة وبعد 120 كيلو ح تلاقى البوابة التانية ح تعدى وتمشى لأخر الشارع وتدخل يمين اجبارى (ما فيش غيره) بعد شوية صغيرين حوالى 2 ل 3 كيلو حتلاقى كمين شرطة بعد كدة انت على طريق السخنة الزعفرانة دلوقت وخلى بالك بعد الكمين الشارع اتجاهين وضيق نوعا ما وحتلاقى على يمينك تنكات بترول السوميد والطريق ح يلف شمال خليك وراه يلف يمين وراه بعد 10 كم حتلاقى منطقة ملفات حادة هدى السرعة وامسك يمين وبالسلامة.
ملحوظة هامة:
السرعات : على الزراعى 90 كم/ساعة.. داخل المدينة 50 كم/ساعة.. الدائرى 90 كم/ساعة.. طريق السخنة 120 كم/ساعة طريق السخنة الزعفرانة 90 كم/ساعة إلا الملفات على الهادى.
وبالسلامة ان شاء الله يا باشا وابقى طمنا عليك لما ترجع.
.
أحمد شحاتة صالح
المفضلات