مرجع لجميع اعطال و مشاكل اللوجان و حلولها

**محمود نجيب** · 10-09-2014 08:38 AM

السلام عليكم ورحمة الله وبركاته
أحبتي في قسم اللوجان

أقترح عليكم اليوم فكرة منقولة من قسم اللآنوس استفدت منها كثيرا لما كانت معايا لآنوس

كلما كان عند أحد الأعضاء مشكلة صغيرة أو كبيرة ينقل لنا تفاصيل الصراع مع المشكلة حتي الوصول للحل

أهم حاجة :-

أعراض المشكلة / سبب المشكلة / حل المشكلة / تكلفة المصنعية

و بكده لو اتكررت هذه اﻷعراض عند حد تاني هيكون عنده فكرة عن احتمالات لسبب المشكلة
وطبعا عن تكلفتها وده هيوفر عليه القلق و الوقت ويخليه يتكلم مع الميكانيكي وهو فاهم
و يكون عارف هيآخد منه كام منعا للإشتغالات و النصب

أبدأ بنفسي :

1) أعراض المشكلة /
انا كان عندي عضة كلما جبت مارشدير وكنت منزعج منها غاية الإنزعاج

علاجها/
الشهر الماضي لما كنت في مركز الخدمة المعتمد لرينو
كنت بغير فلتر هواء و بوجيهات و الزيت و الفلتر
كلمتهم عن العضة

وكل اللي عمله الفني انه كشف او رفع الغطاء الجلدي اللي تحت عصاية الفتيس
و وضع كمية لا بأس بها من الشحم و قعد يغير النقلات عشان الشحم يتوزع كويس
ثم اضاف شحم كمان ونزل الغطاء والنتيجة كانت سحرية

عضة الفتيس في المارشدير بفضل الله اختفت من عندي

التكلفة /
مجاناً بس دفعت لهم مصنعية اشياء اخري

2) أعراض المشكلة /
وجود تسريب زيت خفيف اسفل السيارة

السبب/
تسريب من كارتيرة الزيت

علاجها/
تم فك الكارتيرة و وجد الجوان بحالة ممتازة فلم يغيره و قام بغسله بالبنزين هو و شفتي الكارتيره من اسفل و أعلي
و قام بوضع سليكون امريكي و ربط الكارتيره مكانها و اختفي التسريب بفضل الله

التكلفة /
100جنية ﻷني عملت حاجات تانية معاها
نظفت العمة
و ظبط دواسة البنزين و غير زيت و فلتر

**mkaram84** · 10-09-2014 10:17 AM

وعليكم السلام ورحمة الله وبركاته
فكرة كويسة جداً يا محمود باشا ربنا يبارك فيك
انا بس عايز اضيف نوع وسنة صنع السيارة لسجل المشكلة
هابدأ بمشكلة كانت عندي وحليتها من اسبوعين بفضل الله

السيارة /
لوجان أوتوماتيك 2014

أعراض المشكلة /
كان عندي باب السواق مش بيقفل كويس وفارق كام مللي عن مكانه ففكيته وركبته تاني عند واحد صاحبي وكانت الدنيا تمام - بس لقيت بعدها بيومين ان سنسور الباب بيديني علطول مفتوح..
كمان كان عندي مفتاح الزجاج الخلفي بيعلق

علاجها/
عند واحد متخصص في الابواب في صقر قريش المعادي اسمه كسبان - بالنسبة للباب: ربط جامد على سكاكة القفل والدنيا بقت تمام الحمد لله - وبالنسبة للمفتاح الخلفي فكه وحطه في سائل (اعتقد تنر) لاني مشفتوش كويس وهو بيعمله جوه المحل لكن شغال الحمد لله ومعلقش ولا مرة من ساعتها

التكلفة /
20 جنيه

**mkaram84** · 10-09-2014 10:29 AM

السيارة /
لوجان أوتوماتيك 2014

أعراض المشكلة /
كنت في توكيل العبور وقت صيانة ال 10000 اشتكيت من تصفير الفرامل ففكوا التيل وركبوه تاني بعد تنظيفه غير اللى عملوه في الصيانة المعتادة - ولكن تاني يوم وانا راجع من الشغل وداخل على الشارع عندي شميت ريحة شياط جامدة جدااااا والاقي العجلتين الخلفيتين بيدخنوا من ورا رحت راكن واتأكدت ان الدخان طالع من عند التيل الخلفي

السبب/
كلمت التوكيل وبهدلتهم على المشكلة ولقيت مشوارهم جامد عليا ورحت لميكانيكي جنبي ووجد ان التوكيل قرص علي التيل الخلفي وفرامل اليد شوية وخلي التيل يمسك في الكاوتش ويتقل العربية

علاجها/
عملتها عند ورشة عادل رينو في اول صقر قريش على الاوتوستراد - وعالج المشكلة بانه هوي الواير بتاع فرامل اليد شوية لحد ما اتظبطت الحمد لله

التكلفة /
20 جنيه

**محمود نجيب** · 10-09-2014 12:00 PM

المشاركة الأصلية كتبت بواسطة mkaram84

وعليكم السلام ورحمة الله وبركاته
فكرة كويسة جداً يا محمود باشا ربنا يبارك فيك
انا بس عايز اضيف نوع وسنة صنع السيارة لسجل المشكلة
هابدأ بمشكلة كانت عندي وحليتها من اسبوعين بفضل الله

السيارة /
لوجان أوتوماتيك 2014

أعراض المشكلة /
كان عندي باب السواق مش بيقفل كويس وفارق كام مللي عن مكانه ففكيته وركبته تاني عند واحد صاحبي وكانت الدنيا تمام - بس لقيت بعدها بيومين ان سنسور الباب بيديني علطول مفتوح..
كمان كان عندي مفتاح الزجاج الخلفي بيعلق

علاجها/
عند واحد متخصص في الابواب في صقر قريش المعادي اسمه كسبان - بالنسبة للباب: ربط جامد على سكاكة القفل والدنيا بقت تمام الحمد لله - وبالنسبة للمفتاح الخلفي فكه وحطه في سائل (اعتقد تنر) لاني مشفتوش كويس وهو بيعمله جوه المحل لكن شغال الحمد لله ومعلقش ولا مرة من ساعتها

التكلفة /
20 جنيه

عندك حق فعلا( الموديل) مهم و كمان( عدد الكيلومترات) لكي نعرف الوقت التقريبي لظهور المشكلة او استهلاك قطعة الغيار و تلفها
ﻷن طبعا معظم المشاكل هتكون بسبب قطعة غيار تالفة لم يتم تغييرها في الموعد او عيب تصنيع او سوء استخدام او قطع غيار سيئة الصنع
لذلك من المهم ايضا كتابة ماركة قطع الغيار البديلة لقطع غيار التوكيل خاصة بعد فترة الضمان عند ذكر الحلول للمشاكل

**mohmmedzohier** · 10-09-2014 08:25 PM

المشاركة الأصلية كتبت بواسطة محمود نجيب

السلام عليكم ورحمة الله وبركاته
أحبتي في قسم اللوجان

أقترح عليكم اليوم فكرة منقولة من قسم اللآنوس استفدت منها كثيرا لما كانت معايا لآنوس

كلما كان عند أحد الأعضاء مشكلة صغيرة أو كبيرة ينقل لنا تفاصيل الصراع مع المشكلة حتي الوصول للحل

أهم حاجة :-

أعراض المشكلة / سبب المشكلة / حل المشكلة / تكلفة المصنعية

و بكده لو اتكررت هذه اﻷعراض عند حد تاني هيكون عنده فكرة عن احتمالات لسبب المشكلة
وطبعا عن تكلفتها وده هيوفر عليه القلق و الوقت ويخليه يتكلم مع الميكانيكي وهو فاهم
و يكون عارف هيآخد منه كام منعا للإشتغالات و النصب

أبدأ بنفسي :

1) أعراض المشكلة /
انا كان عندي عضة كلما جبت مارشدير وكنت منزعج منها غاية الإنزعاج

علاجها/
الشهر الماضي لما كنت في مركز الخدمة المعتمد لرينو
كنت بغير فلتر هواء و بوجيهات و الزيت و الفلتر
كلمتهم عن العضة

وكل اللي عمله الفني انه كشف او رفع الغطاء الجلدي اللي تحت عصاية الفتيس
و وضع كمية لا بأس بها من الشحم و قعد يغير النقلات عشان الشحم يتوزع كويس
ثم اضاف شحم كمان ونزل الغطاء والنتيجة كانت سحرية

عضة الفتيس في المارشدير بفضل الله اختفت من عندي

التكلفة /
مجاناً بس دفعت لهم مصنعية اشياء اخري

2) أعراض المشكلة /
وجود تسريب زيت خفيف اسفل السيارة

السبب/
تسريب من كارتيرة الزيت

علاجها/
تم فك الكارتيرة و وجد الجوان بحالة ممتازة فلم يغيره و قام بغسله بالبنزين هو و شفتي الكارتيره من اسفل و أعلي
و قام بوضع سليكون امريكي و ربط الكارتيره مكانها و اختفي التسريب بفضل الله

التكلفة /
100جنية ﻷني عملت حاجات تانية معاها
نظفت العمة
و ظبط دواسة البنزين و غير زيت و فلتر

يعنى ايه ظبط دواسه البنزين

**adel_edrees** · 10-09-2014 09:53 PM

فكرة حلوة قوى و ياريت المشرف أو أدارة المنتدى تثبت الموضوع ده فكرة ممتازة جدا

**محمود نجيب** · 10-09-2014 11:40 PM

المشاركة الأصلية كتبت بواسطة adel_edrees

فكرة حلوة قوى و ياريت المشرف أو أدارة المنتدى تثبت الموضوع ده فكرة ممتازة جدا

ربنا يبارك فيك
ياريت طبعا الموضوع يتثبت بس المهم مدي قناعة اﻷعضاء بأهمية هذا الموضوع
و مدي إقبالهم علي تسجيل و نقل مشاكلهم و خبراتهم لنا

ﻷن ده هو اللي هيجعل الموضوع مفيد و ذو نفع للجميع
أما الإحجام عن الكتابة و الإكتفاء بالقراءة سيجعل الموضوع بلا فائدة

الفكرة وحدها لا تكفي ولكن المشاركة هي اﻷهم

بس عدد المشاهدات كبير بالمقارنة للمشاركات
وان شاء الله وحوش اللوجان و خبرائها في الطريق

و سيقوموا بإثراء الموضوع بمشاركاتهم المميزة

و نحن في إنتظارهم و لن نمل الإنتظار

**lanos_nissan** · 12-09-2014 08:24 PM

رينو لوجان 2014 المشكله تعليق بزرار الزجاج الخلفي الحل يتم فك الزراير وعمل تنظيف لها باسبري

**محمد الفاروق** · 13-09-2014 01:11 PM

تسلم اديك اخ محمد نجيب موضوع فى غايه الاهميه
انا معايا ميجان 2 موديل 2006 اشترتها من فتره ولقيت فيها عيوب كتير
خشونه بالمحرك
تسريب جامد فى كارتيره الزيت
البطاحات مقطعه
وبسمع طقتقة وانا ماشى الجنب اليمين ومش عارف بسبب البطاحات ولا جلب التراب
وفيه مشكله كبيره وانا ماشى فجأه تلاقى وانت بدوس بنزين متلقيش سحب نهائى وبعد كام دوسه تلقط معاك العربيه .. ارجو الافاده بهذه الاعطال علمآ بانى مشترى السياره من اسبوع فقط ولم اكتشف العيوب الا بعد الشراء وجزاكم الله خيرآ واسف على الاطاله

-

الموضوع: مرجع لجميع اعطال و مشاكل اللوجان و حلولها

LinkBack

أدوات الموضوع

عرض

مرجع لجميع اعطال و مشاكل اللوجان و حلولها - انشر الموضوع فى :

-

-

-

-

-

المواضيع المتشابهه

مرجع لجميع اعطال و مشاكل الانوس و حلولها

مرجع لجميع اعطال البيجو 405....

تشخيص اعطال فرامل السيراتو .و حلولها باذن الله .من توكيل كيا كوريا.

مرجع لجميع مشاكل المازدا3.....

مرجع لجميع اعطال و مشاكل اللانوس و حلولها #2

الكلمات الدلالية لهذا الموضوع

المفضلات

المفضلات

ضوابط المشاركة