استلمت الوحش

**wwwhalawa** · 10-09-2014 06:13 PM

استلمت امبارح الكورولا 2015 فئة تانية اوتو من فرع التجمع
وفي البداية احب اشكر المشاركين في المنتدى لاني استفدت منهم كتير للاستقرار في الاول على نوع العربية اللي هجيبها لاني كنت محتار وكمان عشان افهم حاجات كتير عن العربية قبل ما اشتريها
استلمت الساعة 5 وكلمتهم قبل ما اوصل ركبوا وحدتي الرفع والضم ولما وصلت كانت العربية والورق جاهزين والعربية مغسولة وزي الفل واشتربت كمان دواسات وغطا العربية
قضيت اليوم في التجمع ورجعت المنصورة متأخر ومازودتش في السرعة عن 120 والار بي ام عن تلاتة
كان في صوت في الفرامل اول ما سوقتها بس راح بعد شوية
التكييف اكثر من ممتاز
العفشة روووووووووعة والارتفاع عامل شغل عالي.... حكيت في مطب واحد بس كان مرتفع قوي
كنت مبسوط ومرتاح وانا سايق وفضلت اركز عشان اطلع اي صوت من التابلوه بس ما سمعتش اي حاجة
كنت فاكر الفتيس ال cvt بتاعها زي البومة كدة بس طلع في شيفتات وكنت متضايق في الاول بس اتعودت عليه
دريكسيون العربية حاسه صغير مش عارف ليه
الكلاكس تقريبا محدش سامعه الا انا بس انا اصلا مش من هواة استخدام الكلاكس
العربية واسعة جدا من جوة وخليت اتنين اصحابي طوال يقعدوا ورا وكانوا مرتاحين وانا مرجع الكراسي ع الاخر
نزلت من شوية جربت كل حاجة في العربية تقريبا مستعينا بالكاتلوج
الانطباع الاول بعد 233 كيلو ممتاز ويارب يستمر
مش عارف اتحكم في مستوى اضاءة التابلو وبرضه مش عارف افعل الاوتو بارك فياريت حد يساعدني

**mhkorayem** · 10-09-2014 06:26 PM

1000 مبروك وربنا يباركلك فيها

**Mecha** · 10-09-2014 07:48 PM

وحش الجبال الرماح

**khaledelshafie** · 10-09-2014 08:02 PM

بسم الله ما شاء الله ....الف مبروك وربنا يرزقك خيرها ويكفيك شرها ويبارك لك فيها ....اختيار ممتاز

**omar101970** · 10-09-2014 08:23 PM

الف مبروك وربنا يحفظها ليك.................

**amr elsisi** · 10-09-2014 09:12 PM

ربنا يحفظهالك

**mahmoud bakr** · 10-09-2014 10:16 PM

الف مبروك ياباشا ربنا يباركلك فيها وبجد اختيار مش هتندم عليه انا برده مكنش متفعل عندي بس فعلته حضرتك هتدور العربية ويكون الدريكسيون في النص وبعدين تضغط على زرار الاوتو بارك وتلف الدريكسيون لاخر يمين وبعدين لاخر الشمال وتجيبه على النص بس بسرعة وهتلاقه اتفعل ان شاء الله
http://www.nilemotors.net/Nile/420654-sipa.html