الموضوع: اللي يشوف مرات ابوة يعرف قيمه امه

المشاركة الأصلية كتبت بواسطة ahmedya1976

نفسي كلنا نعرف قيمه توكيل نيسان وفي اسوأالظروف يعتبر من احسن التوكيلات في مصر .
انا عندي عربيه سانديرو حصل فيها مشكله في عداد الحراره , روحت اول يوم توكيل رينو في العبور استلموا مني العربيه بعد ساعتين بحجه ان فيه مهندسن استقبال غايبين والشغل كتير , افتكرت لما كنت في السبع واستلموا العربيه بعد ساعه الا ربع ويومها بهدلت الدنيا واشتكيتهم في التقييم .
المهم بعد 4 ساعات من الانتظار قالولي العربيه محتاجه حساس حراره جديد بس للاسف مش موجود دلوقتي وهنبعت نجيبه من المخازن في ابو رواش فتاعلي بعد 3 ايام يكون توفر , قولت ماشي خلينا صابريين والمهندس قالي تعالي في اي وقت . روحت بعد اسبوع الساعه 12 الظهر المهندس الباشا قالي ياه انت جيت متأخر لازم العربيه تبات وطبعا دي التطفيشه بتاعت التوكيل قولتله لا طبعا هاجيلك تاني من بدري .
روحت بعد 4 ايام ووصلت الساعه 10 قعدوا يستعبطوا ويقولوا مافيش حجز وطبعا طلعت فيهم واستلموا العربيه بعد ساعه . تتخيلوا العربيه قعدت اد ايه ؟؟؟؟ 6 ساعات علشان يغيروا حساس الحراره . قمه الفوضي واللامبالاه وعدم النظام والتعامل الغير ادمي مع العملاء فعلا من اسوأ التوكيلات اللي في مصر . تحس ان الامور ماشيه زي المهلبيه مافيش توزيع ارقام للحجز , عربيتك تخلص وماحدش يعبرك يقولك انها خلصت ده طبعا غير انك لو في الضمان يحاولوا يهربو منك بأي طريقه ويفسر اي عطل في العربيه ان هو ده الطبيعي .
يا جماعه بعد ماشوفت البهدله دي وقارنتها بتوكيل نيسان المحترم سواء السبع او اوتو ايجيبت لازم نعترف ان فيه فرق كبير بينهم وبين التوكيلات التانيه وده اللي الحمدلله مخالي الواحد عندك ثقه في عربيته بعد الله طبعا .
وآ سف جداا للاطاله

ياسعادة الباشا أنا عايز أقول لحضرتك أزاى تحجز العربية في الصيانة معلش أسمع من أخوك الصغير بتتصل بيهم و بتحجز ميعاد الأول باليوم والساعة و بعدين بتروح في الميعاد المحدد و لما بتروح بتسلمهم الرخصة و مافيش عشر دقايق بالكتير قوى و ينده أسمك و يخرج معاك يستلم العربية ويشوف العربية فيها أيه يالظبط و يسلمها للورشة ده اللى بيحصل في توكيل العبور الكلام ده في حاجة تزعل أو تضايق لكن سعادتك بتقول أن حضرتك روحت لهم الساعة 12 و بدون حجز اللى بيروح بدون حجز ده يا أما بيروح الساعة 8 يا أما عنده مصيبة في عربيتهطبعا أنت روحت لهم و أنت متضايق و بالتالى هما كمان أتضايقوا لأن هما أتنين في أستقبال العبور مافيش غيرهم و الشغل ممكن يكون كتير و مواجهة العملاء لابد أن يكون فيها قدر من الشفافية هما كمان ليهم بعض المواقف مش ظريفة لكن أنا بأعديها من منطلق أن كان ليك عند.............. قولله ياسيدى بالأسلوب و الطريقة تقدر تخد أي حاجة من أي حد و ده ما يمنعش أن توكيل نيسان هو أحسن ما في هذه السيارة و لو كان توكيل تانى ما كنتش العربية دى أتباعت