استفسارات عن مؤشر البنزين سوزوكي ماروتي

**elpilot** · 11-09-2014 12:44 AM

السلام عليكم
لو سمحتم كنت قريت ان تانك الماروتي 30 لتر بس في عربيتي لاحظت حاجه غريبة
المؤشر بيبقي فوق اخر شرطة بحاجات بسيطة فبروح افول تاخد صفيحه بس 20 لتر مع العلم اني لما بفول العداد بيقلب الناحية التانية ويعدي اخر شرطة ناحية اليمين فهل معني كده ان الشرطة الاخيرة دي يعني العربية فيها 10 لتر
ياريت لو امكن توضيح للشرط دي يعني عند كل شرطة العربية بيبقي فيها كام لتر عشان الواحد يظبط حالة في السفر والمشاوير البعيده
بالنسبة لاستهلاك البنزين هل طبيعي يذيد شوية لما يقرب معاد تغيير الزيت يعني انا الصفيحه كانت بتعمل معايا 300 كيلو دلوقتي بتعمل 280 او 270 فهل كده فيه مشكله ولا البنزين هو اللي بقي مغشوش مع العلم بحطلها92 دايما ولا دي حاجه طبيعيه لقرب موعد تغيير الزيت؟
عايز اعرف انتوا بتفولو العربية لما التانك يوصل لحد فين لاني بروح افول الاقي الناس بتفول ب100ج ولا90ج وانا افول ب50 او55 بحس عمال البنزينة بيستهتروا بالعربية مفكرينها توكتوك وهل يمكن اعمل تانك صغير احتياطي بحيث يذود البنزين شوية ولا ملهاش لازمة وماقعدش امون كل شوية
بالنسبة لو حد ركب في الكرسي اللي ورة تخين شوية ناحية اليمين ساعات احس فيه خربطه بتيجي من تحت كده بس مش عارف سببها ايه تفتكروا دي سببها ايه مع العلم انها مش مستمرة يعني ساعات وساعات
اخيرا بالنسبة للكلاكس بحس صوته واطي والناس بتستهتر به مهما اكلكسلهم بينفضولي ويعدوا قدام العربية فقلت للكهربائي قريبي قالي هنجيبلك جوز كلاكسات ياباني يعملوا 120ج وهجيبلك كتاوت ياباني من عندي وهركبهملك فهل الكلاكسات الياباني دي هتأثر علي حاجه في العربية وهتضعف البطارية ولا عادي وهل سعرهم فعلا 120جنية الاثنين وهل لو ركبتهم هتخرج العربية برة الضمان؟؟

**shiko85** · 11-09-2014 02:08 AM

المشاركة الأصلية كتبت بواسطة elpilot

السلام عليكم
وعليكم السلام ورحمة الله وبركاته
بالنسبة لاستهلاك البنزين هل طبيعي يذيد شوية لما يقرب معاد تغيير الزيت يعني انا الصفيحه كانت بتعمل معايا 300 كيلو دلوقتي بتعمل 280 او 270 فهل كده فيه مشكله ولا البنزين هو اللي بقي مغشوش مع العلم بحطلها92 دايما ولا دي حاجه طبيعيه لقرب موعد تغيير الزيت؟
اسهتلاك البنزين بيتأثر بعوامل كتير سواء جوده البنزين - اسلوب القياده - اتجاه الهواء - متوسط سرعه السياره - الحموله اثناء القياده - اوقات القياده و من الصعب انك تحدد ايه سبب ان الأستهلاك اتغير
الزيت بيعمل طبقه عزل للأجزاء الداخليه للموتور و بيقلل الأحتكاك فده بيزود كفاءه الأجزاء دى و كل ما لزوجه الزيت تقل ده بيأثر على كفاءه أجزاء المحرك الداخليه
عايز اعرف انتوا بتفولو العربية لما التانك يوصل لحد فين لاني بروح افول الاقي الناس بتفول ب100ج ولا90ج وانا افول ب50 او55 بحس عمال البنزينة بيستهتروا بالعربية مفكرينها توكتوك
الأحسن انك تحاول على قد ما تقدر ان البنزين ميقلش عن ربع التانك و لو نص التانك يبقى افضل لان فيه رواسب فالتانك و لما منسوب البزين بيقل بيسحب الرواسب معاه
موضوع انك بتفول بـ 50 او 55 و هما 100 ده مش عيب
تنك البنزين عندك صغير - و هم بيستنوا لما التانك يقرب يفضى خالص
و عمال البنزينه هيستهتروا بالعربيه ليه ؟؟!! هو ليه ياخد فلوس مقابل البنزين بغض النظر عن نوع العربيه
وهل يمكن اعمل تانك صغير احتياطي بحيث يذود البنزين شوية ولا ملهاش لازمة وماقعدش امون كل شوية
ممكن بس بلاش احسن
بالنسبة لو حد ركب في الكرسي اللي ورة تخين شوية ناحية اليمين ساعات احس فيه خربطه بتيجي من تحت كده بس مش عارف سببها ايه تفتكروا دي سببها ايه مع العلم انها مش مستمرة يعني ساعات وساعات
مساعد بايظ او سوست المساعد بايظه او عيب طريق
اخيرا بالنسبة للكلاكس بحس صوته واطي والناس بتستهتر به مهما اكلكسلهم بينفضولي ويعدوا قدام العربية
فيه ناس اللى ينفع معاها كلاكس بتاع قطار
قلت للكهربائي قريبي قالي هنجيبلك جوز كلاكسات ياباني يعملوا 120ج وهجيبلك كتاوت ياباني من عندي وهركبهملك فهل الكلاكسات الياباني دي هتأثر علي حاجه في العربية وهتضعف البطارية ولا عادي وهل سعرهم فعلا 120جنية الاثنين وهل لو ركبتهم هتخرج العربية برة الضمان؟؟
مفيش تأثير من تركيبهم على العربيه او البطاريه بس لو لازم كتاوت يبقى الضفيره هتخرج من الضمان
ممكن تركبهم من غير كتاوت
السعر تقريبا فالحدود دى اخر مره من سنتين كانوا بـ 80 او 90 و اكيد دلوقتى اغلى

**elpilot** · 11-09-2014 02:24 AM

شكرا جزيلا يا هندسة علي الاهتمام والرد ردود في منتهي الجمال بس فيه حاجه صغيرة مش فاهمها يعني ايه اصلا كتاوت وفايدتها ايه وبتركب ازاي؟
وشكرا مرة اخري علي اهتمامك

**lidosasa** · 12-09-2014 03:17 PM

المشاركة الأصلية كتبت بواسطة elpilot

شكرا جزيلا يا هندسة علي الاهتمام والرد ردود في منتهي الجمال بس فيه حاجه صغيرة مش فاهمها يعني ايه اصلا كتاوت وفايدتها ايه وبتركب ازاي؟
وشكرا مرة اخري علي اهتمامك

الكتاوت تقدر تقول إنها منظم للكهربة عشان توزع الأحمال ومتعملش قفلة أو تسيح الفيوزات والسلوك ... ودى صورتها

وبتتركب عند أى كهربائى مع شوية سلوك وفيوزات وتتكلف من 80 إلى 120 جنيه كلها على بعضها بالأوايل والمصنعية

**dr.hazem** · 19-09-2014 12:01 PM

بالظبط التنك 27 لتر فقط
الكاوتش بيتظبط على 27
B-) B-)
تحياتي

Sent from my mobile using Forum Runner

**dr.hazem** · 20-09-2014 01:40 AM

المشاركة الأصلية كتبت بواسطة joesph2010

معلش انا بظبط الكاوتش على 30 هل فى مشكلة

مش مشكلة لو 30 فعلا
المشكلة ساعات القياس عند بتوع الكاوتش يايظه وال30 بتاعتهم بتبقى 37و ساعات 40 وربنا يستر طريقنا جميعا
تحياتي

Sent from my mobile using Forum Runner