كورولا ٢٠١٥ ارجو المساعدة

**neromohamed** · 11-09-2014 03:42 AM

بسم الله الرحمن الرحيم
انا مقبل علي شراء تويوتا كورولا انا بس عايز بعض المساعدة من الناس اللي ممتلكاها انا معايا نيسان صني ٢٠١١ و بغيرها للاسف عشان العربية سيئة جدا و مش عايز اكرر التجربة دي تاني اولا من مشاكلي مع عربيتي ان صوت الماتور عالي جدا اكنك سايق نص نقل و استهلاك البنزين عالي جدا خراب بيوت و العزل زي الزفت سواء عزل الطريق او السقف او الصوت و العفشة اللي بتبدب و الباور اللي اكنه مش موجود فبصراحة انا عندي عقدة و عندي كام سؤال لملاك الكورولا
١- اخبار صوت الماتور اية مقارنة مثلا بالعربيات الهادية زي السيراتو بصراحة انا شغلتها في المعرض لقيت صوتها مسموع و انا جوه اتا فاهم ان دة علشان في اول الدوارة زي اي عربية بس مثلا السيراتو الشكل الجديد مش بيبقي الصوت واضح كدة اول مبتشتغل
٢- الباور عامل ازاي خفيف و حلو كدة زي الكوري ولا تقيل
٣- عزل العربية من ناحية صوت الماتور و الارض و الهواء و كدة
انا بقارن بالسيراتو علشان انا بسقها كتير و عارفها علشان محدش يقول مفيش مقارنه و الكلام دة و نفسي اللي ربنا يكرمه و يفيدني يقولي بس كان سايق ايه قبلها كنوع من المرجعية مش المقارنة و رايك الشخصي في العربية و العيوب من وجه نظرك و مش العيوب اللي في المنتدي انا اقصد عيوب التقفيل و الاداء و لو نصيحة يبقي تمام اوي شكرا مقدما

**mzowail** · 11-09-2014 01:55 PM

المشاركة الأصلية كتبت بواسطة neromohamed

بسم الله الرحمن الرحيم
انا مقبل علي شراء تويوتا كورولا انا بس عايز بعض المساعدة من الناس اللي ممتلكاها انا معايا نيسان صني ٢٠١١ و بغيرها للاسف عشان العربية سيئة جدا و مش عايز اكرر التجربة دي تاني اولا من مشاكلي مع عربيتي ان صوت الماتور عالي جدا اكنك سايق نص نقل و استهلاك البنزين عالي جدا خراب بيوت و العزل زي الزفت سواء عزل الطريق او السقف او الصوت و العفشة اللي بتبدب و الباور اللي اكنه مش موجود فبصراحة انا عندي عقدة و عندي كام سؤال لملاك الكورولا
١- اخبار صوت الماتور اية مقارنة مثلا بالعربيات الهادية زي السيراتو بصراحة انا شغلتها في المعرض لقيت صوتها مسموع و انا جوه اتا فاهم ان دة علشان في اول الدوارة زي اي عربية بس مثلا السيراتو الشكل الجديد مش بيبقي الصوت واضح كدة اول مبتشتغل (صوت الموتور هادي و قوي في السحب)
٢- الباور عامل ازاي خفيف و حلو كدة زي الكوري ولا تقيل (باور اليباني المعروف خفيف و هاندلينج علي السرعات اكثر من رائع)
٣- عزل العربية من ناحية صوت الماتور و الارض و الهواء و كدة (8-7 من 10)
انا بقارن بالسيراتو علشان انا بسقها كتير و عارفها علشان محدش يقول مفيش مقارنه و الكلام دة و نفسي اللي ربنا يكرمه و يفيدني يقولي بس كان سايق ايه قبلها كنوع من المرجعية مش المقارنة و رايك الشخصي في العربية و العيوب من وجه نظرك و مش العيوب اللي في المنتدي انا اقصد عيوب التقفيل و الاداء و لو نصيحة يبقي تمام اوي شكرا مقدما

**neromohamed** · 12-09-2014 07:57 PM

الف شكر ربنا يكرمك طيب بالنسبة للفتيس ال cvt ايه اخبارة علما اني قرات انه مش محبوب اوي برة نتيجة الاعطال و انه بيعلي صوت الموتور و غير مناسب في الشد و السحب و كدة و مش ممتع في القيادة زي الاوتماتيك العادي انا مجربتوش قبل كدة بس علشان الاسباب دي نزلت اوتوماتيك عادي في الخليج ياريت بس رايك انت و الاخوه في الموضوع ده

**abofandy** · 12-09-2014 10:28 PM

ربنا يقدرنى وارد ع كل النقاط ولو نسيت حاجة اهو نفكر بعض
نبدا ع بركه الله

* العربية بسم الله ماشاء الله عليها تحفة فنيه من الشكل
* بالنسبة للعزل .. العزل جيد جدا من ناحية صوت الموتور ولكن عند غلق الابواب الدنيا بتفصل معاك عن العالم الخارجى ولكن بتقدر تسمع صوت الكلاكسات والسرينات زى الاسعاف وغيره
* التسارع والسحب ممتاااااااز وتم تطويره عن ما قبله من تويوتا وذلك بفضل الفتيس cvt
* الفتيس ممتاز لابعد مما تخيله فى السحب والطلعه الاولى ممتازة جدا وبتفرق كتير جدا جدا عن التويوتا الاعوام السابقة والكورى ... الفتيس دة منزلش الخليج لانهم خايفين لانه كان فية مشاكل فى النيسان التيما من الحرارة وكدة فالخليج متعقد منه علشان كدة لكن فى السحب والجرى ممتاز ولا يضيع عزم الموتور خالص وموفر فى البنزين تمام
* العفشة ناعمه ماشاء الله ولكن انشف من تويوتا 2013 لانها عفشة اسبور علشان تديلك ثبات ع السرعات ولكن تظل انعم عفشة فى التويوتا هى عفشة 2013 لكن 2014 ناعمه ولكن ليست بنعومه العام السابق ودة مش هيحسها الا حد جرب الاتنين

* الباور فى الدركسيون طبعا زى ما انت عارف باور كهربا وباور ذكى جدا انعم بكتير من الكورى لانى انا ركبت كورى لكن الباور بيتقل ع السرعات كلما زادات وكذلك مع الاسبورت مووووووود

اتمنى اكون جاوبتك لو فية اى استفسار تحت امرك