هل النترا 2012 فيها مشاكل

**zkralla** · 11-09-2014 06:53 AM

فى حد معرفة قال قدامى إن النترا موديل 2012 ( السنة ديه بالذات ) فيها مشاكل
هل الكلام ده مظبوط ؟

**WAEL .H** · 11-09-2014 11:56 AM

مفيش فيها ايموبلزر لحد نص 2013
علبة دركسيون وورد كوبلن ومساعدين ورا ولو في الضمان بيتغيروا ببلاش

**ibnmoaz** · 11-09-2014 12:14 PM

المشاركة الأصلية كتبت بواسطة wael .h

مفيش فيها ايموبلزر لحد نص 2013
علبة دركسيون وورد كوبلن ومساعدين ورا ولو في الضمان بيتغيروا ببلاش

مع حضرك في علبة الدريكسيون كعيب شائع فيها .....بس انا غيرتها مره في فترة الضمان و كان شكلهم مستنيني اجي اول ما اتكلمت غيروهالي هههههههه غير كده بتبقي حاﻻت فرديه .انا داخل على 90 الف و الحمد لله مافيش مشاكل مع الصيانه الدورية كل 5000 وتغيير قطع الغيار اﻻصليه في مواعيدها اللي في كتالوج العربيه مش على حسب سرقة التوكيل !!!!

**said.d.y** · 11-09-2014 12:25 PM

حسب معلوماتى كان فى مشكلة فى كفائة التكييف ، نتيجة وضعية هوايات التكييف فى التبلوة (كانت اسفل التبلوة تقريباً وبالتالى لم تكن فى مستوى الراكب) والمشكلة اتحلت اعتباراً من موديلات 2014 لانهم غيروا وضعية هوايات التكيف واصبحت فى مستوى الراكب.

**ibnmoaz** · 11-09-2014 12:39 PM

المشاركة الأصلية كتبت بواسطة said.d.y

حسب معلوماتى كان فى مشكلة فى كفائة التكييف ، نتيجة وضعية هوايات التكييف فى التبلوة (كانت اسفل التبلوة تقريباً وبالتالى لم تكن فى مستوى الراكب) والمشكلة اتحلت اعتباراً من موديلات 2014 لانهم غيروا وضعية هوايات التكيف واصبحت فى مستوى الراكب.

ما اقدرش اوافق حضرتك علي موضوع كفاءة التكييف ده

دا موضوع قوة التبريد بتاعته و توزع الهواء في السياره هو من اميز الحاجات اللي في العربيه دي !!!!! انا بقول كده بعد استهلاك ثلاثة سنين ونص كلهم تقريبا التكيف شغال وما شاء الله لا قوة الا بالله لا مشاكل .....
وبالنسبه لموضوع ان ما فيهاش ايموبلايزر فعلا صحيح بس انا اتصرفت في الموضوعين الاتيين
httpwww.nilemotors.netNile353485-md.html
httpwww.nilemotors.netNile360968-md.html

**Ahmed_Eldesoke** · 11-09-2014 12:42 PM

المشاركة الأصلية كتبت بواسطة said.d.y

حسب معلوماتى كان فى مشكلة فى كفائة التكييف ، نتيجة وضعية هوايات التكييف فى التبلوة (كانت اسفل التبلوة تقريباً وبالتالى لم تكن فى مستوى الراكب) والمشكلة اتحلت اعتباراً من موديلات 2014 لانهم غيروا وضعية هوايات التكيف واصبحت فى مستوى الراكب.

حضرتك دي مش مشكلة دا عيب تصميم. والتكييف لما بيشتغل شوية خلاص مش فارق انت موجهه لفين
وعيب التصميم دا ان المكيف بيوجه على ايديك مش على وشك او جسمك وبالتالى علشان اخليه على وشي بضطر اسوق بايد واحدة والطرق هنا كلها سرعات :d

انما فى مشاكل فعلا فىالعفشة الخلفية وعلبة الدريكسيون الحمد لله علبه الدريكسيون عندي مفيهاش مشاكل من اسبوعين وانا فى صيانة ال 30 غيروالي قنطرة ومسامير ميزان وشوية مسامير كدا مش فاكرها والعربية فعلا فرقت بعدها كتير سواء فى الباور او فى تخبيط العفشة من قدام خصوصا لو الطريق مكسر

**Hacker5** · 11-09-2014 02:00 PM

هى بس فيها عيب صغير مش هايضايقك
العربية بتتسرق فى ثوانى

**WAEL .H** · 12-09-2014 10:24 AM

[/size]

المشاركة الأصلية كتبت بواسطة hacker5

هى بس فيها عيب صغير مش هايضايقك
العربية بتتسرق فى ثوانى

هو مش عيب في الهيونداي تحديدا دا عيب في اي عربية من غير ايموبليزر
واشتهر في الالنترا علشانها مغرية والحرامية بيحبوا يسوقوها

**adel_edrees** · 13-09-2014 11:05 AM

أول ما العربية بتتطلع بيبقى فيها مشاكل زى الميجان 2005 و زى الفلوانس وزى الصنى وزى عربيات كتير يفضل أنك ما تشتريش العربية اللى الموديل لتاعها أول ما بتنزل العربية

الموضوع: هل النترا 2012 فيها مشاكل

LinkBack

أدوات الموضوع

عرض

هل النترا 2012 فيها مشاكل - انشر الموضوع فى :

-

-

-

-

المواضيع المتشابهه

النترا 2012-كيا سول 2012 - بيرسونا اليجانس 2012

مشاكل مشاكل النترا 2006

مساعده مين معاه النترا 2012 او 2013 و عايز يعمل فيها تعديلات 2014

هل النترا 2012 التسارع فيها بيزيد انا عامل بيها 1000 كيلو ب

هل النترا 2012 فيها قفل مركزى عند تحرك السياره

الكلمات الدلالية لهذا الموضوع

المفضلات

المفضلات

ضوابط المشاركة