عطل مفاجى وقف العربية صنى 2014 الشكل القديم

**selim1976** · 11-09-2014 10:54 AM

السلام عليكم
امس حدث حوالى الساعة 3 عصرا على المحور مشكله كبيرة مع عربيتى نسيان صنى2014الشكل القديم والعربيه والعداد 9000 كيلو فقط تتلخص فى الاتى:--

اثناء القيادة حدث عطل مفاجى ترتب عليه ان العربية توقفت وترتب على ذلك اصبحت بلا فرامل والدركسيون كان تقيل ولكن الحمد لله عرفت اركن على اليمن مع العلم انى كنت على شمال الطريق وكان مع اولادى وزوجتى وانت تعلمون السيارات اللى على المحور بتمشى على سرعة كام وفجأة ظهر مكانيكى وقالى ان العطل ياباشا فى طلمبة البنزين وحولت اكثر من مرة الاتصال
بالخط الساخن 16666 اكثر من خمس مرات بلا استجابه المهم تم تغيير طلمبة ( موتور الداخلى ) ووبعد التركيب كانت المفاجاه الباشا المكانيكى سعىر الموتور بس 700 جننيه وبعد الفصال وصلنا الى 500 جنيه والعربيه مشيت كويس
ذهبت للتوكيل علشان اثبت الواقعة فى توكيل اوتو ايجيبت بابواواش والاستقبال كان كويس وانا الان فى انتظار الرد منهم المفروض انى اطلبهم بالتعويض لان انا واسرتى تعرضنا للخطر والا اعمل ايه هل ده ممكن يحصل فى العربيات الزيرو وهل التصرف الى انا عملته كان صحيح او كان المفروض انتظر فى الشارع ارجو الافادة

تم تعديل العنوان ليتناسب مع المحتوى
م ب 3

**Adnfalcon** · 11-09-2014 11:44 AM

بالنسبه ان طلمبه بنزين عربيه زيرو تعطل دي حاجه وارده
بس الحمد لله ربنا ستر

**moumen_hs** · 11-09-2014 12:31 PM

أعتقد كان لازم تخليك وراهم لحد لما يرودوا الاول علشان تثبت كلامك وبعد كدة ننتقل لمرحلة التفاوضات والتعويضات أنما الى حضرتك عملتة أسعفت نفسك والاولاد ولللاسف دة ميهمهمش هما الا لو كنت مأمن على العربية وصلحتها فى مكان معتمد وأنت مكانش قدام غير كدة فربنا يعوض والحمد للة أن محصلش حاجة سية ليكم .

**selim1976** · 11-09-2014 01:49 PM

شكرا لحضرتكم للرد
على فكرة هم ركبوا القديمه تانى وقالى وساخة بنزين مع العلم انى مش مقتنع بده

**Mecha** · 11-09-2014 03:03 PM

المشاركة الأصلية كتبت بواسطة adnfalcon

بالنسبه ان طلمبه بنزين عربيه زيرو تعطل دي حاجه وارده
بس الحمد لله ربنا ستر

ا باشا
ازاي طلمبه تشتغل ع الاقل ١٢٠ الف تضرب علي ٩ الف
موش وارد ابدا ابدا , دي كارثة مصنع
العربيه دي بالزات كتييييييير بيلعنوا فيها
اتخربت في التجميع هنا. لسه واحد امبارح مشتكي من علبة دركسيون
والتوكيل لبسهالو اول ما الضمان ما خلص

**Adnfalcon** · 11-09-2014 03:58 PM

المشاركة الأصلية كتبت بواسطة Mecha

ا باشا
ازاي طلمبه تشتغل ع الاقل ١٢٠ الف تضرب علي ٩ الف
موش وارد ابدا ابدا , دي كارثة مصنع
العربيه دي بالزات كتييييييير بيلعنوا فيها
اتخربت في التجميع هنا. لسه واحد امبارح مشتكي من علبة دركسيون
والتوكيل لبسهالو اول ما الضمان ما خلص

طلمبه بنزين ال c180 الجديده حصل فيها كده علي فكره

**selim1976** · 11-09-2014 07:09 PM

الحمد لله استلمت العربيه وتم تغير الطلمبه بالكامل وأخص بالشكر المهندس / احمد الرزاز مدير الصيانة والمهندس غريب مشرف الاستقبال

**Msanad** · 11-09-2014 09:36 PM

المشاركة الأصلية كتبت بواسطة mecha

ا باشا
ازاي طلمبه تشتغل ع الاقل ١٢٠ الف تضرب علي ٩ الف
موش وارد ابدا ابدا , دي كارثة مصنع
العربيه دي بالزات كتييييييير بيلعنوا فيها
اتخربت في التجميع هنا. لسه واحد امبارح مشتكي من علبة دركسيون
والتوكيل لبسهالو اول ما الضمان ما خلص

صاحب الموضوع بيتكلم عن الشكل القديم مش الجديد - اعتقد حضرتك تقصد الشكل الجديد

**Mecha** · 12-09-2014 05:26 PM

المشاركة الأصلية كتبت بواسطة Adnfalcon

طلمبه بنزين ال c180 الجديده حصل فيها كده علي فكره

c180 والاروبي عموما عادي يحصل
لكن دي نيسان يعني وحش ياباني
يعني مجاميع الاشعال والدواره توب التوب
اعتماديه عاليه
لا يمكن طرمبه بنزيم تطب فجأه لازم اشارات قبلها
ولا يمكن علي ٩الاف كم بس

**Adnfalcon** · 12-09-2014 05:39 PM

المشاركة الأصلية كتبت بواسطة mecha

c180 والاروبي عموما عادي يحصل
لكن دي نيسان يعني وحش ياباني
يعني مجاميع الاشعال والدواره توب التوب
اعتماديه عاليه
لا يمكن طرمبه بنزيم تطب فجأه لازم اشارات قبلها
ولا يمكن علي ٩الاف كم بس

حتي لو ياباني . . عيوب الصناعه وارده أكيد
أمال ملايين العربيات الياباني اللي بيتم استدعائها تقول عليها ايه !!

الموضوع: عطل مفاجى وقف العربية صنى 2014 الشكل القديم

LinkBack

أدوات الموضوع

عرض

-

-

-

المواضيع المتشابهه

اريال لوجان 2014 الشكل القديم

من الافضل mitsubishi lancer 2014 الشكل القديم اوتوماتيك ام chevorlet optra 2014

نيسان صني 2014 الشكل القديم

هل نيسان صني الشكل القديم 2014 نزلت و لا لسه

صنى الشكل القديم 2014 .. عاوز رايكم ؟

الكلمات الدلالية لهذا الموضوع

المفضلات

المفضلات

ضوابط المشاركة