عندى مشكله فى العربيه السينا 1400و عاوز مساعده

**hany_s_s** · 11-09-2014 11:43 AM

انا عندى مشكله فى العربيه السينا و مش عارف هل هى مشكله كهرباء و لا ميكانيكا
و انا بمشي بالعربيه ساعات الاقى العربيه بتتخنق و لكنها ماشيه
و الاقى لمبه حمرا على شمال التابلوه نورت
اللمبه الحمرا دى بشوفها منوره و انا ببتدى فى تشغيل العربيه
الناس بتقول دى لمبه السيرفيس
و الميكانيكى بيفتى و بيقول ان ممكن بوبينه ساعات بتقطع
و بعد فتره و انا ماشي اللمبه بتطفى و العربيه تبقى عادى و مفيش الخنقه دى
ممكن القصه دى تتعمل 3-4 مرات فى المشوار
حد يعرف المشكله دى هى ايه؟ و ايه حلها؟
انا ساكن فى الهرم
حد يعرف مركز صيانه لفيات قريبه من شارع الهرم ؟
و الف شكر للمساعده

**Gelgel2004** · 11-09-2014 02:19 PM

روح عند الصفا لضبط الانجكشن - عنوانهم بهيدر المنتدى العام

**mohamedmmm2** · 15-09-2014 01:33 PM

دى لمبه الانجكشن اللى منورة والمفروض كدة يا يبقى رشاش الانجكشن او برضه خلى الميكانيكى يبص على الالمباين (جمع موبينه) وسلك البوجيهات والبوجيهات (انا ميال اكتر انه يبقى رشاش الانجكشن بس لازم تتاكد)

**eng_amg** · 15-09-2014 01:53 PM

مركز الخدمة المعتمد لفيات في شارع العريش (برقان) هو مقسوم 2 واحد لهيونداي والتالي لفيات. ممكن تروح تكشف هناك.
وغالبا حيكون لإما رشاشات . أو أيديال. لكن لازم تكشف الأول علشان متغيرش حاجة تطلع غلط.
ولو عايز حد يفهم فيها كويس إبعتلي علي الخاص لأن كان معايا سينا 1600 ودوختني عقبال ملقيت ناس كويسيين شغالين فيها.