مشكلة ف تكييف بيجو 301 لسة جديدة

**Port Said** · 11-09-2014 03:03 PM

السلام عليكم ورحمة الله وبركاته

يا جماعة انا لسة جايب عربية بيجو 301 ولسة مرخص وحاسس ان التكييف اللي مش هو حااسس انه جايب هواء بس لكن مش سقعان ... ازي اعرف ان التكييف تمام علما باني بعاليه علي الاخر ولا عشان الجو ولا ايه والله ما عارف المشكلة ديه لسة حاصلة معايا مع انه كان شغال زي الفل حد يفيديني لحسن قلقان وخايف ليكون التكييف بايظ علما باني وانا سايق العربية بحس ان في صوت عامل زي بخة كومبرومس هواء كدة زي العربيات النقل لما تفرمل هل ليه علاقة ام لاء

معلش انا طولت عليكم ....

**amrelsaqqa** · 11-09-2014 03:08 PM

ده صوت الفريون في المواسير
على وصفك الصوت ده معناه ان ضغط الفريون ضعيف والله اعلم
روح التوكيل بس قول له اسحب الشحنة وحطها تانى بالكمبيوتر ، التكييف هيبقى تلاجة ان شاء الله

**Port Said** · 11-09-2014 03:15 PM

ده عادي يعني ولا ايه وكمان العربية انا لسة معايا بقالها اسبوع ده طبيعي يعني وايه السبب ان التكيف عمل كدة .؟؟؟؟

**amrelsaqqa** · 11-09-2014 03:20 PM

عادى ممكن هى جاية الشحنة ناقصة شوية مش مشكلة روح اعملها ومش هتدفع حاجة اكيد

**Port Said** · 11-09-2014 03:24 PM

شكرا يا باشا لاهتمامك واسف علي ازعاجك واروح للتوكيل امتي طبعا وانا بعمل الصيانة ؟؟؟

**amrelsaqqa** · 11-09-2014 03:42 PM

يفضل تروح بسرعة لو فاضى عشان ما يتلككوش اتصل بـ 19207 واحجز بس عادى ممكن تعملها مع صيانة 2500

**abohend** · 11-09-2014 06:35 PM

قبل متروح التوكيل انت دايس على البكرة و البكرة مركزها منور و لا مجرد بتشغل الهوايات؟؟؟

انا عارف ان السؤال شكله غريب....بس لو مش دايس على البكرة يبقى انت مشغل التكييف مروحة