سؤال مهم جدا

**en.uosef** · 12-09-2014 07:16 AM

السلام عليكم ورحمة الله وبركاته
اولا تحيياتى لجميع القائمين على نايل موتوز
وتحياتى لجميع الاعضاء الافاضل
ثانيا

انا بقالى اكتر من 6 شهور بدور على عربيه اسكودا a5
وبصراحه تعبت جدا جدا من كتر الكلام على موضوع الفتيس

دلوقتى انا ادامى عربيه 2007 هاى لاين ماشيه 80 الف كيلو
وصاحبها صارحنى وقالى انه مغيرش زيت الفتيس عند 60000 كيلو

ومن كتر ما سمعت عن المشكله بقيت خايف اخدها مع ان العربيه كويسه جدا جدا وحالتها نظيفه

فيايرت لو تفضل عليا احد الاعضاء باعطائى النصيحه المفيده فى المشكله دى
وعلى فكره العربيه معروضه عليا ب 120000 جنيه

ومعادى النهارده الساعه 7 اروح اشوفها واخلص فيها

وان شاء الله بناءا على ردود حضراتكم حقرر اذا كنت حاخدها او لا

ارجوكم النصيحه لانى تعبت بجد

واتمنى التفضل عليا بسرعة الرد قبل الموعد حتى القرار
وجزاكم الله خيرا مقدما على النصحيه

خالص تحياتى للجميع

^يوسف^
المنصوره

**ahmedhassan92** · 12-09-2014 10:11 AM

لو حضرتك مهتم بالشراء و مش فارق معاك الكماليات انا عربيتى 2006 بيز لاين و مغير زيت الفتيس عند 50000 و مفيهاش اى مصاريف و رشة جانبين فقط و فيها خبطة بسيطة عند غطا التانك و طالب فيها 90000 جنيه
و عموما سواء عربيتى او غيرها لازم يكون متغير زيت الفتيس في معاده و على فكرة و انا بشترى كان معروض عليا 2007 هاى لاين برده بس 88000 كيلو و رشة جانبين و صاحبها وصلت معاه لغاية 100000 جنيه بس انا خوفت و كان ممكن ينزل تانى و الكلام ده من سنة و نص تقريبا..........خلى بالك
ربنا يوفقك للاصلح

**Adnfalcon** · 12-09-2014 11:35 AM

ابعد عنها أكيد

**en.uosef** · 12-09-2014 02:49 PM

استاذ احمد انا متشكر جدا لاهتمام حضرتك بالرد
واسف جدا لحضرتك انا بدور على حاجه هاى لاين
وصاحب العربيه ماسك على 120 وحيدفع تكاليف تغيير زيت الفتيس
وربنا يكرمك يارب

**en.uosef** · 12-09-2014 02:50 PM

المشاركة الأصلية كتبت بواسطة adnfalcon

ابعد عنها أكيد

مع انى محتاج العربيه جدا جدا
بس ححاول اسمع كلام حضرتك وادور على حاجه تانى

وربنا يوفق

**Moratoz** · 12-09-2014 04:51 PM

الفيصل الكشف
هوا طبعا عدم تغير الزيت في معاده من اسباب حدوث المشكله ولكن برده طريقه السواقه وطبيعه الطرق بتبقي مؤثره جداً في حدوث المشكله ووقت حدوثها
لو انت شايفها كوبسه بوجهه عام ومرتضي السعر اكشف كشف توكيل والرأي ساعتها التوكيل هيقولولك علشان لو تمام تبقي تغير الزيت هناك وتعرف تكلفته بالمصنعيه

**Adnfalcon** · 12-09-2014 05:42 PM

المشاركة الأصلية كتبت بواسطة en.uosef

تمام ومتشكر جدا لحضرتك
بس يا ترى فى التوكيل يقدر يحددلى فيه مشكله من عدمه
لان صاحب العربيه بيقلى الفتيس حلو ومافيش فيه اى مشكله ؟؟

عشان أكون واضح ف كلامي . .
ممكن تشتريها وتلاقي الفتيس تمام التمام وبعد ألفين او 3 ألاف كم يجيب عقل فتيس !! دي مجازفه بصراحه

**en.uosef** · 12-09-2014 05:51 PM

المشاركة الأصلية كتبت بواسطة adnfalcon

عشان أكون واضح ف كلامي . .
ممكن تشتريها وتلاقي الفتيس تمام التمام وبعد ألفين او 3 ألاف كم يجيب عقل فتيس !! دي مجازفه بصراحه

تمام
متشكر جدا لحضرتك

**Moratoz** · 12-09-2014 07:18 PM

كشف التوكيل بيكشف عليها ساعه الكشف وبيشوف فيها مشكله ولا لأ بس هوا ما بيضمنش انها بعد كده تبقي كويسه من عدمه علشان كده بقول بعد الكشف والاتفاق علي السعر لو تمام غير زيت في التوكيل مباشره
وطبعا الموضوع بيرجع تقييمه لحضرتك بعد تقييم المشاركات المختلفه
ربنا يوفقك للأصلح وبرده متحصرش نفسك فيها بس شوف حاجات تانيه وخليها في التقييم
تحياتي