من الاخر ....

**ناسى الناس** · 12-09-2014 03:38 PM

السلام عليكم يا اعضاء المنتدى الكرام
من الاخر ....... اجيب a516 ولا لا واجيبها ليه ومجبهاش ليه
وشكرا
اخوكم ف الله ... محمود

**crazy car** · 12-09-2014 04:00 PM

لا فيه خيارات احسن كتير

**ناسى الناس** · 15-09-2014 11:49 PM

زى اى ي فندم وجبهاش ليه ؟
وبعدين فين ردود الناس بتوع اسبرينزا

**دكتور خالد** · 16-09-2014 04:35 AM

حضرتك بتسأل فى موضوع قتل بحثا ... ال 516 عربية كويسة جدا بالنسبة للسعر فى السوق وهيه افضل من الفيرنا واللانوس على الاقل ... طبعا يفضل كيلومتر قليل و عربية مش متهانة .. اهم المميزات واسعة جدا - اوبشن عالى - فرامل abs+ EBD ممتازة - ثبات فوق الممتاز على السرعات و فى الملفات - التكييف ممتاز ...... اهم العيوب العفشة الناشفة و دى بتتحل بتغيير بعض اجزاء العفشة بعفشة لانسر بومة - تانى عيب ان مش اى حد يشتغل فى العربية دى لازم صنايعى فاهملها لانها بعيدة جدا عن الكورى واليابانى فى الكهربا و الموتور - ثالث عيب انها عربية وزنها تقيل و علشان كده سحبها بطىء شوية (مش بتاعت شد وحركات ) لكن بتوصل لسرعات عالية 170 ( اخر حاجة جبتها ) لكن فى زملاء هنا فى المنتدى كسرو بيها ال 180 بس بتحتاج وقت علشان توصل السرعة دى - لازم كمان تكون مبتضايقش لو حد قالك دى عربية صينى

**bassemali** · 16-09-2014 09:20 AM

المشاركة الأصلية كتبت بواسطة دكتور خالد

حضرتك بتسأل فى موضوع قتل بحثا ... ال 516 عربية كويسة جدا بالنسبة للسعر فى السوق وهيه افضل من الفيرنا واللانوس على الاقل ... طبعا يفضل كيلومتر قليل و عربية مش متهانة .. اهم المميزات واسعة جدا - اوبشن عالى - فرامل abs+ ebd ممتازة - ثبات فوق الممتاز على السرعات و فى الملفات - التكييف ممتاز ...... اهم العيوب العفشة الناشفة و دى بتتحل بتغيير بعض اجزاء العفشة بعفشة لانسر بومة - تانى عيب ان مش اى حد يشتغل فى العربية دى لازم صنايعى فاهملها لانها بعيدة جدا عن الكورى واليابانى فى الكهربا و الموتور - ثالث عيب انها عربية وزنها تقيل و علشان كده سحبها بطىء شوية (مش بتاعت شد وحركات ) لكن بتوصل لسرعات عالية 170 ( اخر حاجة جبتها ) لكن فى زملاء هنا فى المنتدى كسرو بيها ال 180 بس بتحتاج وقت علشان توصل السرعة دى - لازم كمان تكون مبتضايقش لو حد قالك دى عربية صينى

الموضوع فعلا قتل بحثا ... والعربيه داخله ف 9 سنين النهارده ف السوق .. وكل المميزات والعيوب اللي ذكرت ف التقرير ده صحيحه واحب أضيف عليها .. إن ال516 ماتتقارنش باللانوس أو الفيرنا نهائي .. وممكن تعمل إختبار بسيط .. إنزل روح مشوار ف يوم زحمه بالفيرنا أو الانوس .. هتنزل منهم ظهرك مكسور .. لو روحته بال 516 هتلاقي نفسك نازل مرتاح .. ده كمثال بسيط غير إن ثباتها أحسن من اللانوس وأحسن بمراحل من الفيرنا .. وكذلك تكييفها أقوى من الأتنين تابلوه وشكل خارجي أشيك .. قطع غيار بنفس السعر وأحيانا ارخص .. لكن طبعا الرك كله على حالة العربيه اللي بتشتريها .. لازم تنقي حاله كويسه .. ده الكلام عموما بقى مش مخصوص للأسبرانزا لإن أي عربيه مستعمله هتشتريها حالتها مش كويسه والله لو مرسيدس هتبهدلك .. حاجه أخيره .. ماتسترخصش .. يعني ماتسيبش عربيه حالتها نظيفه وتروح لواحده تانيه عشان ألف ولا ألفين جنيه فرق سعر .