الموضوع: طلب مساعده ضروري ف اختيار و شراء جولف 4

المشاركة الأصلية كتبت بواسطة EL_ZANATY

سلام عليكم كنت بس طالب مساعده منكم في قرار شراء
انا شوفت جولف 4 النهارده و انا الجولف 4 لبست في دماغي بشكل عجيب مع نصايح كل اللي حواليا اني ما اجيبهاش بحجة انها صغيره و حرام فيها الفلوس دي و الشغل ده
المهم. العربيه موديل 99 كامله اوتوماتيك.فتحة سقف حالتها نضيفه هو بيقول مواصفات امريكي هي ابوابها معموله جلد كده و تقفيلها نضيف كراسي ريكارو بس مش جلد فابريكه جوه و بيتهيألي راشه بره نضافه و تكييفها كويس جدا و الموتور بتاعها 1800 تيربو ادائه شكله كويس هو بيقوللي 155 حصان متسقط و ماشي كله 40 الف العفشه رياضيه العربيه عاجباني بصراحه شكلها مش متهانه ماشيه كله ع العداد 146 الف
هو طالب 78 الف و لسه هيجدد و يثبت الموتور بس مش ناوي ينزل في تمنها خالص ايه رأيكم عشان انا محتار بصراحه

بص ياباشا مبدايا كده الجولف 4 عربيه مايختلفش عليها 2 بس موضوع مواصفات امريكي دي من انهو اتجاه يعني ايه الزياده اللي فيها غير فتحه السقف ده غير ان العربيه معدله يعني متسقطلها الموتور ده وعموما المواصفات الامريكي مش بتنزل اقل من 1800 ودي متسقطلها 1800 يعني مش فابريكه بالموتور وطبعا 80% من الجولف بينزل مانيوال واللي مسقط اكيد مسقط موتور بفتيس اوتو بتوع بورا اهم حاجه في التسقيط انه مايبقاش فيه مشاكل يعني تكشف علي الموتور والفتيس كهربا بكابل الاعطال وتتاكد انهم شغالين تمام ومفيش اعطال متسجله والفتيس يكون نقلاته تمام بس هتقابل حاجه الموتور التربو علي قد ماهو موتور قوي وهو علي فكره 150 حصان مش 155 وعزمه 210 نيوتن موتور رهيب علي الجولف لانه علي الباسات بيخليها تطلع من الفيرنا مابالك بالجولف الاخف من الباسات بتاع 400كجم بس مشكلته انه هيبقي الحوض زحمه اوي لانه علي الباسات بيخلي الحوض زحمه جدا مابالك بالجولف اللي حوضها اصغر من الباسات ده غير ان اللي بيشتغلوا في التربو قليلين يعني لازم ميكانيكي فاهم في الموتور ده مش اي ميكانيكي فولكس هتلاقيه بيشتغل فيها ولازم تكون دوره تبريده علي الشعره يعني العربيه تحط مياه حمرا اصليه g12 وماتضغطش عليه في الحر علشان التربو غير كدا هتاخد اداء ممتاز بس نصيحتي دور علي جولف 4 متعدله موتور 1600 sr لانه متوفر وقطع ىغياره موجوده واي حد بيشتغل فيه واعطاله قليله وابعد عن قرف التربو لانه مواتير التربو علي قد حلاوتها بس لو فتحت تزهقك من العربيه وموضوع العداد انا باكدلك ان العداد متغير لانه عداد الاوتو غير المانيوال وعداد الاستبترونيك غير الاوتو العادي ولو ملاقيتش جولف تعجبك شوف بورا هيا هيا نفس قطع العيار او لو انت عايز تركب اللي احلي من الجولف شوف الاودي A3 هاتشباك بس شكلها وهمي وكفايه علامه اودي لوحدها وقطع غيارها جولف 4 وبورا واوكتافيا A4 وسيبك من العربيات المعدله بصراحه مش بحب اشتري معدل انا اشتري استوك واعدل بمزاجي وربنا يكرمك بالاصلح بس سؤال هي العربيه دي الجولف الحمرا اللي معروضه علي دوبيزيل وكونتاكت ولا لا واعذرني علي التاخير في الرد لظروف بمر بيها واي استفسار انا في الخدمه

المشاركة الأصلية كتبت بواسطة el_zanaty

يا باشا الف شكر ردك.شافي و وافي الصراحه مع انك.ما ردتش عليا ففكي موضوع الشعر بس ملحوقه
و مش هي الحمرا لا التانيه سيلفر موديل 99
بس انت كده طلعتلي العربيه شوربه خالص هههههههههه
يعني دي كده متغيرلها موتور و فتيس و عداد و عفشه و طقم كراسي و كاسيت
ههههههههههههههههههههه
اومال فين العربيه كده
المشكله اني مش عايز اركب مانيوال مع اني بحبه و سوقت مانيوال كتير بس قرفت منه في الزحمه هنا مش متخيله
انا ركبت العربيه الفتيس ناعم و مش بينتش ولا اي حاجه و هو طبها هاخدها لحد لو هاخلص يكشفلي علي الحاجات اللي حضرتك قولتلي عليها
و بمناسبة ان حضرتك بتقول ان احب اجيب ستوك و اعدل انا
و الله انا جت في دماغي من كام يوم اوقعلي واحده ستوك حتي لو مانيوال و اظبطها
و انا مع اني عارف عيوب التيربو بس هتصدقني لو قولتلك.اني من ضمن الحاجات اللي عاجباني في العربيه دي انها تيربو
مهمع اني كان نفسي في خاجه اخر الموديل من 2003 ل 2005 مثلا
و رينا يعينك في ظروفك ان شاء الله و تطلع منها على خير

لا انا مش قصدي اطلع العربيه شوربه بس لازم تبقي عارف ان كل الحاجات دي متغيره وعموما لو التسقيط لو تمام ومفيهوش مشاكل يبقي هتكون كويسه باذن الله بس لازم تعرف هوا مسقط عند مين علشان تتعامل معاه وتبقي تكشف عند هاني سمير اللي ورا حديقه بدر ده مستواه قريب من التوكيل في الكشف وبالنسبه لتمن العربيه طبعا هوا زياده 5 الالف جنيه ده علي اساس انها معدله يعني تبقي اغلي من الاستوك بعشره الالف جنيه مش اكتر طالما شغاله تمام ومفيهاش مشاكل يعني لو هتبقي غاليه تبقي 75000ج متزيدش جنيه لاني بالتمن ده اركب باسات موديل 2000 وعربيه ركوبه ركوبه يعني عموما اتفق معاه واكشف عليها عند هاني سمير وخد راييه وشوف وربنا يوفقك للاصلح وبرضه شوف كده علي دوبيزيل وكونتاكت الاودي a3 موديل 2000 وشوفها من جوا ومن برا هتعجبك شوفها كده من باب العلم بالشئ وبرضه انا متابع معاك ان شاء الله

[quote=el_zanaty;3875749073]

المشاركة الأصلية كتبت بواسطة ahmed saad

لا انا مش قصدي اطلع العربيه شوربه بس لازم تبقي عارف ان كل الحاجات دي متغيره وعموما لو التسقيط لو تمام ومفيهوش مشاكل يبقي هتكون كويسه باذن الله بس لازم تعرف هوا مسقط عند مين علشان تتعامل معاه وتبقي تكشف عند هاني سمير اللي ورا حديقه بدر ده مستواه قريب من التوكيل في الكشف وبالنسبه لتمن العربيه طبعا هوا زياده 5 الالف جنيه ده علي اساس انها معدله يعني تبقي اغلي من الاستوك بعشره الالف جنيه مش اكتر طالما شغاله تمام ومفيهاش مشاكل يعني لو هتبقي غاليه تبقي 75000ج متزيدش جنيه لاني بالتمن ده اركب باسات موديل 2000 وعربيه ركوبه ركوبه يعني عموما اتفق معاه واكشف عليها عند هاني سمير وخد راييه وشوف وربنا يوفقك للاصلح وبرضه شوف كده علي دوبيزيل وكونتاكت الاودي a3 موديل 2000 وشوفها من جوا ومن برا هتعجبك شوفها كده من باب العلم بالشئ وبرضه انا متابع معاك ان شاء الله[/quote

يا ريس ده شغل عالي تسلملي
هو انا فكرت برضه في الباسات بس قطع غيارها و شغلها خوفني
و الودا بس صراحه ما حبيتش شكلها
الاودي ال a3 طبعا هتبقي تحفه بس هل قطع غيارها زي الجولف
و هو برضه يا باشا عشان تبقي معايا ف الصوره انا مش بتاع تسقيط و شد و الجو ده انا اللي شجعني للجولف انها عربيه صغيره و حلوه ف الزحمه و في نفس الوقت قويه و تسافر و اعتماديه الباسات كان اختيار افضل ليا بس حسيتها كبيره سنا و مصاريف

بص الاودي a3 هيا هيا الجولف 4 والبورا والاوكتافيا a4 والسيات توليدو كلهم نفس الشاسيه a4 وقطع غيارهم واحده عدا الاكسسوارات يعني فوانيس واكصدامات وصاج وكده بالنسبه للباسات عربيه محترمه بس بتضايقني بصراحه لو عايز اركن في مكان زحمه بدوخ على ملاقي مكان قدها لأنها ما شاء الله طويله اوى ودي عيب في الركن بس ميزه لأنها واسعه وشنطتها واسعه وبالنسبه لقطع غيارها رخيصه عدا طقم المقصات الامامي غير كده انسى وعيبها التاني صيانتها صعبه ورخمه بس انا اتعودت عليها وبصلحها بنفسي والحمد لله بس عايزه اللي يفهمها عموما هيا الجولف 4 والاودي a3 حلاوتهم انهم عفاريت ماشيه في أي حته تركنهم وثباتهم عالي جدا وأمان عالي مع اني بحس ان الاودي احسن واشيك شويه وربنا يوفقك للاصلح وأي استفسار انا تحت أمرك