الموضوع: طريقه قياس زيت الفتيس الاتوماتيك بالكابل وبرنامج vcds

بص ياباشا انا دوخت علي طريقه قياس الزيت بتاع الفتيس بالكومبيوتر او اي حاجه بس مفيش طريقه خالص الحاجه الوحيده هيا انك لما بتغير زيت الفتيس وبتغير الجوان بيبقي كل حاجه تمام كل فتره مع الصيانات تبص علي الفتيس من تحت لو لاقيت نشع او تسريب بتفتح غطا صغير كده موجود علي انبوبه صغيره اللي بيتملي منها زيت الفتيس لو الانبوبه نزلت زيت يبقي المستوي تمام لو منزلتش بتملي لغايه ماتنزل بس قبل فتح الغطا بتوقف العربيه علي ارض مستويه والعربيه تكون مستويه مش مايله وتدور العربيه وتجيب الفتيس علي كل غيار 10ثواني وفي الاخر تجيب ال p وتبطل وتشيل الغطا لو لاقيت الزيت بينزل بسهوله يبقي تمام ولو ملاقيتش حاجه بتنزل يبقي تزود لغايه ماتنزل الطريقه دي من كتالوج عربيتي الباسات وبتمشي علي كل العربيات الاتوماتيك من فولكس فاجن طبعا عدا ال dsg ويارب اكون افدتك واي استفسار انا تحت امرك

المشاركة الأصلية كتبت بواسطة m07mad

طيب ممكن اعرف بعد اذنك الغطه الصغير اللي موجود على الانبوبه الصغيره اللي بيتملي منو زيت الفتيس دا فين بالضبط في الجيتا ؟؟

معلش والله ياباشا انا مخدتش بالي بس عموما هعرفلك مكانه فين بس بكره بإذن الله هشوف عربيه واحد صاحبي معايا في الشغل اوكتافيا a5 هشوف مكانها واقولك

المشاركة الأصلية كتبت بواسطة gho_ah

شكرا يا كبير بس سؤال اخير ايه رايك فى موضوع انه لازم نفضى التراككنفرت من ال2 لتر مش نحط 5 لتر وخلاص

بص ياباشا في الدول الأوروبية يقولون ان زيت فتيس فولكس فاجن lifetime وفي كتالوجات العربيه مفيش اي حاجه بتقول تغير الزيت غير انه لو نقص نزوده ده في حاله السواقه المعتدلة بس بما اننا في مصر وزحمه وقرف فبنغير الزيت كله مع الفلتر مع ان الشركه مش ذاكره ده في كتالوجات الصيانه لسيارتها بس بما اننا عملنا ده في التوكيل اول مره اللي هيا 60000كم فخلاص لازم تغير كل 60000كم وكمان مشاكل انسداد الفالف بدي برضه يخلينا نخاف فبنغير عموما الزيت اللي في التورك كونفيرتر مش بينزل انت بتنزل اللي في الكارتيره والفلتر وتستني يتصفي الزيت خالص وبعدين تغير الفلتر والجوان بتاع الكارتيره لو متهالك وتحط الزيت وكده كده لو فيه اي شوائب صغيره الفلتر الجديد هيمسكها والزيت هيبقى كويس ماتخفشبسيطه اأن شاء الله