تجربتي بعد تغيير رشاشات النوبيرا٢ ل رشاشات bmw m40

**CaptaiN-AhmeD** · 14-09-2014 01:02 AM

السلام عليكم ورحمه الله

تم بحمد الله التخلص من مشكله النوبيرا والسيطره عليها بنجاح والحمد لله والف الف مليون شكر للاخوه الي نصحوني بتغيير الرشاشات الى m40

جبتهم من محل في شارع البي ام للاسف مش فاكر اسمه هو اول ماشاف العربيه وداخل عليه قالي اكيد تبع نايل موتورز وجي عايز رشاشات الm 40 قولتله الله ينور عليك :D :D :d :D
المهم بكام ياعم قالي ب ٢٢٥
اشتريتهم بالظبط يوم الجمعه من الحرفيين وعملت قياس ليهم على جهاز هناك ف الحرفيين عند واحد اسمه رزق الميكانيكيً

وقالي تمام الحمد لله

ركب ياعم عشان تعبنا العربيه بتدور من رابع مره :(

ركب وجبت طبعا بوجيهات ٢ شمعه كنت مجهزهم الحقيقه لهذه اللحظه الفارقه للنوبيرا

وخليته ينضفهم وينضف البوابه وكله تمام وركب

ودور الله اكبر بتدور ع الشعره ياجماعه انا محروم من الشعور دا بقالي سنتين والله وحاجه تكسف خصوصا لو معاك ناس تدور من تالت ورابع مره

نيجي للجد السحب الله اكبر احساس مختلف تمامااااااااااااااااااا
تحسن بنسبه ٢٠٠ ٪ للسحب بدون مبالغه
استهلاك البنزين تقديري الشخصي قل بشكل ملحوظ وتحسن ف الاستهلاك من تقديري الشخصي بنسبه ٤٠٪
والصوت هدي خالص والعربيه فاقت بجد
انا فعلا احب اشكر كل الاخوه الي قالو ع موضوع الرشاشات بتاعت ام فورتي دا
وخصوصا استاذنا الكبير محمد ممدوح بارك الله له في والديه

وانصح اي حد معاه نوبيرا ولا كوري عامه ينسى الرشاشات ال راكبه فيها ويجيب بتاعت الام فورتي

**amoor89** · 14-09-2014 02:20 AM

مبروك الرشاشات وفعلا العربية بتختلف تماما بعد التغيير ربنا يباركلك فيها

**CaptaiN-AhmeD** · 14-09-2014 12:28 PM

الله يبارك فيك ياباشا
انا عندي ملاحظه معرفش تتعلق بالرشاشات ولا لا الا وهي صوت المكنه علي شويه معرفش دا عشان متقل رجلي وفرحان بفرق السحب ولا عشان الرشاشات اتغيرت

**Sameh samy** · 14-09-2014 12:49 PM

طيب هل فية فرق بين رشاشات الفيرنا والانترا والبي ام
انا مركب فيرنا

**CaptaiN-AhmeD** · 14-09-2014 07:51 PM

والله معنديش فكره عن موضوع الفرق بين بتوع البي ام و الالنترا او فيرنا غير ان شفت ناس كتير مركباها بس والميكانيكي قال نفس الكلام لي مجبتهاش دي بتوفر بنزين اكتر وبس