الموضوع: اتصورت رادار والرخص اتسحبت :(

السلام عليكم

كنت اليومين اللى فاتو مسافر مطروح وخدت الطريق الساحلى من اسكندريه وتوكلت على الله وطبعا الطريق ممل ومشوار كبير 270 كيلو من اسكندريه لمطروح والمسموح للملاكى اقصى سرعه 100 واللى يمشى على 100 ده ممكن يحصله شلل

قولت يلا مش مشكله اتصور اتصور عندى ادفع 150 جنيه غرامه بس ممشيش على سرعه 100
وكان متوسط السرعه 150 و 160 وكان ممكن اجيب 220 بس كان معايا اسرتى وكل شويه والدتى تقولى هدى يا بنى هدى يا حبيبى والصراحه الواحد بيتخنق من الحاجات دى وكويس انى كنت معدى ال 140 اصلا

وبعد ما وصلنا بالسلامه عند الكمين اللى عند مدخل مطروح لمحت من بعيد عربيات ملاكى واقفه على جنب والمهم كان قدامى اوتوبيس سياحى وسمعت الظابط واحد بيمليه ماركات عربيات وارقامهم فعرفت على طول انها رادار وكان قدامى اوتوبيس سياحى وعدا وجيت اعدى لاقيت الظابط بيقولى هات رخصتك يا فندم وعندك مخالفه رادار 170 واركنلى على جنب وركنت على جنب ورجعت علشان ادفع الغرامه واخد الرخصه وبحط ايدى فى جيبى وهب لقيت واحد قريبى بيقولى انت بتعمل ايه هنا وسلمت عليه وقولتله اخدت مخالفه رادار ودخل للظابط يجيب الرخصه وسلمهالى واى حاجه هنا انا تحت امرك :)

قولت والله المعارف بتنفع برضه