برجاء مساعدتي و الاشتراك في الاستطلاع

**echo7** · 14-09-2014 11:19 AM

انا في حيره شديده لشراء سياره جديده وبعد لف علي المستعمل وجت ان في معظم الحالات ينطبق عليها المثل الي بيقول لو كان فيها الخير ماكان رماها الطير . المهم انا قررت اشتري بالقسط وقع خياري علي كيا سيراتو عربيه شكلها رائع و كلها اوبشن. بس في نفس الوقت قدامي اوكتافيا بيزك الفرق في سعر الجديد مش كتير. فا انا محتاج مساعدتكم اجيب سيراتو عربيه مليانه اوبشن ولا اوكتافيا فاضيه مفيهاش اي اوبشن؟وياتري انهي فئه من الموجودين في الاستطلاع في السيراتو احسن

**DEVIL333** · 14-09-2014 12:30 PM

حضرتك انا اشتريت الهاى لاين بصراحة عربية ممتازة و السحب و التسارع ممتاز و و طبعا الكماليات لا تحصى

**Sameh samy** · 14-09-2014 12:33 PM

ولية مدخلتش كورولا معاهم

**echo7** · 14-09-2014 12:41 PM

المشاركة الأصلية كتبت بواسطة sameh samy

ولية مدخلتش كورولا معاهم

للاسف شكلها من جوه منزليش من زور. ومش ياباني و التجار بتوع المستعمل بيضربوا فيها من دلوقتي. انا استريحت نفسيا للسيراتو. بس كله بيقولي هات سكودا علي شان الاسم بس بصراحه مفيهاش اي كماليات فا انا عاوز اعرف ارائ الناس المفروض اني خلاص ححجز خلال اسبوع ولا حاجه

**Hosam_Optrawy** · 15-09-2014 12:30 AM

عشاق الأوكتافيا اللى مابيركبوش غيرها بيقولوا أول فئه دى ماتتركبش

بالنسبه لفئات السيراتو شوف انت محتاج اوبشنز ايه وتستاهل فرق الفلوس ولا لا

**.Mohamed Abdo** · 15-09-2014 03:00 AM

فكر فى رينو فلوينس ممكن تعجبك

**2CODE** · 15-09-2014 03:36 AM

الاوكتافيا عربية جميلة بس بطيئة واول فئة فاضية اوي اوي اوي مش هتعجبك نهائي

انا اخترت fo بـ 177 الف ومبروك عليك مقدماً

**denjouan83** · 15-09-2014 11:49 AM

رايي الشخصي ,, كورولا او استرا او سكودا او شوف رابيد space back ,, اعتقد اي واحده احسن من سيراتو , الكوري مشاكله كتير بعد كده

**Sameh samy** · 15-09-2014 01:28 PM

المشاركة الأصلية كتبت بواسطة echo7

للاسف شكلها من جوه منزليش من زور. ومش ياباني و التجار بتوع المستعمل بيضربوا فيها من دلوقتي. انا استريحت نفسيا للسيراتو. بس كله بيقولي هات سكودا علي شان الاسم بس بصراحه مفيهاش اي كماليات فا انا عاوز اعرف ارائ الناس المفروض اني خلاص ححجز خلال اسبوع ولا حاجه

حكاية موش ياباني دي اختلف معاك فيها كدة البي ام والمرسيدس مصري (ماهي بتتجمع في مصر) دي بلد تقفيل وموش بلد منشأ

علي فكرة انا املك تويوتا 2015 وبحكم عملي كمهندس مستلم من شغلي سيراتو 2014 بتاعة الشغل وانا مستلمها زيرو

الكرولا افضل من جميع النواحي والفرق هاتحس بية اكتر بعد 3 سنين لما تلاقي السيراتو بتخبط منك

علي فكرة السيراتو حلوة واحسن من الانترا بس موش احسن من الكورولا
موضوع الشكل ازواق بس كرولا الجديدة كماليات عالية ثبات موتور ارتفاع ريسيل ممتاز