الموضوع: تجربة قيادة النيو كارينز و مقارنتها بسيارتي الحالية

انت لو راكب a4 وركبت الكارينز الجديدة حتنزل تجري منها بسبب فرق الثبات ������:)

دة انت ممكن تحس ان في فردة سايبة :)

مقدرش انصحك بحاجة مجربتهاش

بس اعمل تيست درايف للسول والسوباروxv و السبورتاج (بس انسي الثبات عشان العلو)

شوف الكورولا الجديدة برضوا والاسترا اكيييد

كلم ال call centre بتاع كل ماركة واستفسر منة

وانا لو مكانك ححصر اختياراتي مابين الاسترا و الكورولا

اتفق تماما مع الرأي اللي بيقول إن المقارنة لا تصح مع الكروز


الكروز سيارة سيدان تحت المتوسطة ... وما دام قلنا سيدان .. فمن المؤكد إن اتزانها على الطريق أفضل بكتير من أي سيارة فان أو ميني فان أو كروس أوفر


أما موضوع الأداء والسحب.. فأنا أتفق معاك إن موتور الـ1600 ضعيف على حجم السيارة دي.. والأفضل هو موتور الـ2000 بدون شك

بس اللي مانعك هو جمرك السيارة .. هيخلي سعرها يوصل فوق الـ350 ألف إذا ما كانش 400 ألف جنيه.


لازم لما آجي أقارن.. أعرف الأول إيه المطلوب من السيارة وأبدأ أقيم من الناحية دي...

العربيات العائلية تقييمها أساسا بيبقى على الراحة الداخلية والتجهيزات العملية اللي تخلي الناس اللي قاعدة فيها رايحين مشوارهم وهما مستريحين


وأعتقد إنك لو معاك أولادك في العربية.. لا يمكن تدخل بيها ملف على 120... ولا إيه؟؟



إنما لو حضرتك عايز تقارن الكروز بعربية كيا... فيا ريت تعملنا مقارنة بينها وبين السيراتو الجديدة :)

وساعتها.. نتكلم في إيه عيوب الكيا سيراتو.. مش الكيا عموما.



...