ارجو المساعدة سريعا

**سهرينا سهرينا** · 16-09-2014 07:16 PM

ياريت حد يرد عليا ويدلنى عشان انا كمان محتار جدا بين اوبل فيكترا اوتوماتيك 1994 2000 cc فبريكة برا وجوا عاملة 100000 كم ، فيات بيترا اوتوماتيك 2003 1300ccفبريكة جوا ورشة بره وعاملة 140000 كم

**سهرينا سهرينا** · 17-09-2014 04:59 PM

هو مفيش حد بيرد ويساعد ليه هو مش ده قسم الفيات برده ....... يعنى الفيات ده لا توكيل يصد ولا حد فى منتدى بيرد

**سهرينا سهرينا** · 23-09-2014 04:11 PM

ارجو الرد على المقارنة ...... اهل الخبرة يكسبوا فينا ثواب

**mamdouhelsayd** · 23-09-2014 09:54 PM

المشاركة الأصلية كتبت بواسطة سهرينا سهرينا

ياريت حد يرد عليا ويدلنى عشان انا كمان محتار جدا بين اوبل فيكترا اوتوماتيك 1994 2000 cc فبريكة برا وجوا عاملة 100000 كم ، فيات بيترا اوتوماتيك 2003 1300ccفبريكة جوا ورشة بره وعاملة 140000 كم

عايز نصيحتى بصدق ؟؟؟؟؟
ولا دى ولا دى........................ !!!!!!!!!

الإتنين قطع غيارهم نااااااااااااااااااااار

**سهرينا سهرينا** · 27-09-2014 12:42 PM

طب لو موضوع قطع الغيار ده تجاوزنا عنه ياريت حد يقولى البيترا اوتو 1300 cc اشتريها ولا مشتريهاش ولو فى عيب سائع فى العربية يقول عشان ده اول مرة اسوق فيها

**amr 2** · 27-09-2014 02:20 PM

بصراحه كان نفسى أفيدك بمعلومات مؤكدة لكن انا لاعندى ناقه ولا بعير فى الموضوع دة . لكن عايز اعرف اشمعنى الاختيار بين الاتنين دول ؟ انت بتختار بين موديل 1994 و 2003 يعنى فارق 9 سنوات من الاستخدام ؟
بصراحه لو خيرونى بين الاتنين ( وانا ما امتلكتش عربيه فى حياتى غير الفيات القديم ) هختار الاوبل لان الفيات الجديدة بصراحه لها سمعه غير مشرفه فى خدمتها وتوكيلها وصيانتها و اسعار قطع غيارها . دة غير سبب تانى إنى بصراحه امنيتى اركب اوبل يإما فيكترا او كورسا الاتنين ركبتهم وحلويين جدا ( المانى المانى يعنى ) . انا فى اعتقادى ممكن جدا تكون الاوبل بعد 20 سنه شغل ولو حالتها حلوة قدامك ( زى ما بتقول ) تكون احسن من الفيات بيترا اللى بقالها 11 سنه فقط .
فى النهايه دة رأى شخصى على الورق . انت اللى هتحكم وانت اللى عاينتهم على الطبيعه وطبعا لازم تاخد واحد بيفهم فى العربيات كويس جدا ويطلع لك عيوب الاتنين وتشوف كل واحدة منهم محتاجه ايه وتكلفته قد ايه . وربنا يوفقك ويعطيك احسنهم .