بما اني بقالي فترة كبيرة معايا فيسبا
فا طبعا لما بسوق ببقي وسط العربيات وبشوف الناس اللي سايقة
الغريب بقي من مواقف الناس دي
يعني العدي تلاقي واحد ماسك الموبايل وفاتح فيس ولا حاجة
لكن الاغرب بقي وبالذات الصبح في الزحمة
تلاقي واحد مطلع ساندوتش وعمال ياكل طيب ده ممكن
لكن الجديد لقيت واحد جايب فراخ تقريبا وفارش علي الكرسي اللي جمبة وشغال بقي
سلطة وطحينة وعايش حياتة وهو سايق
وواحد تاني علبة كشري وشغااااااااال طيب هتسوق ازاي وتاكل ازاي
وواحده من كام يوم بتغير بامبرز لأبنها
وواحدة تانية ماسكة علبة سلطة واخر سلطنة
وانهارده الصبح واحد بقي زي العسل بيصحح الكراسات بتاعت التلاميذ
بقي انا مش عارف الناس دي فاكرة السواقة ايه
علي كده لو لقيت واحده بتلف محشي هقول عادي يعني ايه المشكلة
انا كان نفسي اصور الناس دي بس شايف انها انتهاك للحرية
اللي شاف موقف غريب ياريت يتحفنا بيه علشان لما نشوفة منستغربش