برجاء عمل قسم خاص بالفلونس

**ahmed.teawater** · 19-09-2014 06:56 AM

السلام عليكم ورحمه الله وبركاته

احنا ليه مش عاملين قسم خاص بالفلونس وتتجمع فيه كل المواضيع الخاصه بالعربيه للافاده
انا بقول كدا عشان انا واحد من الناس الى بدور على موضوعات فلوانس داخل القسم
ده طبعا بعد اذن الشخصيه المحترمه م.هانى سعد

تحياتى للجميع

**ENG.MaRk** · 19-09-2014 10:20 AM

I agree

**تامر.محمد** · 19-09-2014 07:13 PM

سلام عليكم
ايه المشكلة اللي قابلت حضرتك بخصوص المواضيع بالظبط
يمكن انا تابعت فهرسة مواضيع ميجان2 لكن الصراحة ما بصيتش في فهرسة مواضيع فلوانس

**تامر.محمد** · 19-09-2014 10:29 PM

المشاركة الأصلية كتبت بواسطة ahmed.teawater

مفيش مشكله ولا حاجه
الاقتراح ده للتسهيل اكتر ان الى داخل يلاقى قسم خاص بالعربيه زي الميجان كدا

تحياتى لحضرتك

انا فاهم , انا هدفي افهم ايه وجه الصعوبة اللي بيواجه الاخوة ملاك الفلوانس عشان نشتغل عليه مش عشان نقول الرد المصري الشهير "مفيش صعوبة ولا حاجة" هههههههههههههههههههه

هي العربية اللي ليها قسم لوحدها هي اللوجان و اظن حضرتك تقصدها

هل المشكلة مثلا ان حضرتك عايز تفتح القسم فتلاقي كله مواضيع فلوانس , بمعنى ان كتر مواضيع الميجان عامل لحضرتك مشكلة في تصفح القسم ؟
ولا المشكلة ان حضرتك بتبقى عايز توصل للمعلومة و بتلاقيها بصعوبة فالموضوع بالنسبة لحضرتك محتاج فهرس , زي اللي معمول للميجان ده مثلا ؟
http://www.nilemotors.net/Nile/321055-2.html

**ahmed.teawater** · 20-09-2014 01:56 AM

المشاركة الأصلية كتبت بواسطة تامر.محمد

انا فاهم , انا هدفي افهم ايه وجه الصعوبة اللي بيواجه الاخوة ملاك الفلوانس عشان نشتغل عليه مش عشان نقول الرد المصري الشهير "مفيش صعوبة ولا حاجة" هههههههههههههههههههه

هي العربية اللي ليها قسم لوحدها هي اللوجان و اظن حضرتك تقصدها

هل المشكلة مثلا ان حضرتك عايز تفتح القسم فتلاقي كله مواضيع فلوانس , بمعنى ان كتر مواضيع الميجان عامل لحضرتك مشكلة في تصفح القسم ؟
ولا المشكلة ان حضرتك بتبقى عايز توصل للمعلومة و بتلاقيها بصعوبة فالموضوع بالنسبة لحضرتك محتاج فهرس , زي اللي معمول للميجان ده مثلا ؟
http://www.nilemotors.net/nile/321055-2.html

وبرده اكيد بشجع ان يتعمل قسم خاص للميجان لانها مظلومه من زمان
من ساعه ما نزلت مصر مع انها عربيه فوق المحترمه
وسبقت اى حد ف التكونولوجيا لكن مشكله فتيسها والكهربا الكتير الى كانت فيها واعطالها المتكرره
جابت العربيه الارض . لكن دلوقتى بقى فيه حلول كتير

تحياتى

**Super_Star_h** · 20-09-2014 03:35 AM

الميجان هى اللى المفروض يكون ليها قسم خاص بيها
لانها مواضيعها كتيره جدآ وعامله احتلال
وفي نفس الوقت القسم الخاص بداتشيا ميت تمامآ !

**ahmed.teawater** · 20-09-2014 09:31 AM

المشاركة الأصلية كتبت بواسطة super_star_h

الميجان هى اللى المفروض يكون ليها قسم خاص بيها
لانها مواضيعها كتيره جدآ وعامله احتلال
وفي نفس الوقت القسم الخاص بداتشيا ميت تمامآ !

انا مع حضرتك طبعا
وانا فعلا قولت ان الميجان تستحق قسم خاص بها

عموما اكيد احنا بنتكلم للمصلحه العامه لملاك رينو

**yassin_wael** · 20-09-2014 10:49 AM

انا مؤيد للرأي ان كل عربية يبقى ليها قسم خاص بيها، يمس التحسينات و المشاكل و اسعار الصيانات و حلول الاعطال و هكذا، لان الواحد علشان يشوف موضوع مرتبط بالعربية مضطر يفتح كل أغلب البوستات لان اصحابها بيبقوا كاتبين عناوين مش واضحة زي "الحقوني.... العربية عملتها معايا!!" و "مشكلة الدوارة الصبح" و " الكاسيت مش بيتصل بالتليفون" و "مقاس الجنوط" و هكذا.

شكرا لصاحب الموضوع و منسق منتدى رينو.