الموضوع: ونة الجيربوكس و صليبة الكوبلن

المشاركة الأصلية كتبت بواسطة ahmedvaio

السلام عليكم و رحمة الله و بركاته

كنت من فترة كده كتبت موضوع عن (حد عنده جيربوكس فيليشيا للبيع ) و كانت المشكلة الاساسية و الوحيدة هى ونة الجيربوكس
المهم .. من يومين كدة سمعت خبط تحت رجلى فقط مع اتصال الجيربوكس بالموتور ( معشق) و فى وضع المور مع حركة السيارة يذهب الصوت
اكتشفت ان قاعدة الموتور اللى مربوطة فى ديل الجيربوكس من الاعلى مقطوعة ..اشتريت قاعدة و بعد تغييرها عند الميكانيكى لم يذهب الصوت و قاللى انها صليبة الكوبلن
قمت بشراء صليبتين للجانبين و تم تغييرهم و اختفى صوت الخبط و الغريب اختفاء ونة الجيربوكس نهائيا و توقعت انها بسبب عدم وجود شحم بين الصليبة و الكوبلن ... اتصلت بالميكانيكى و سألته قاللى الصلايب و الشحم مالهومش علاقة باختفاء الونة !!!

يا ترى حد عنده اى تفسير

الونة اللى كانت عندك سببها صليبة الكوبلن او الكوبلن الداخلى او الصرة دولا ال3 حجات اللى بتعمل خبط وونه فى الجيربوكس اثناء الحركة ومدام المشكلة انتهت بتغيير الصلايب يبقى الحمد الله مشكلتك انحلت ومبروك وعاوز تبص على الموضوع بتاعى اللى فى الرابط لأنى كنت حتجنن من صوت الونة اللى فى الفتيس والتى انتهت بتغيير الصورة الشمال *
http://www.nilemotors.net/Nile/439528-a.html
*

المشاركة الأصلية كتبت بواسطة عبد الرحمن الب

سلام عليكم ورحمة الله وبركاته
انا عندى مشكله حاصله ومش لاقى ليها حل

انا كنت غيرت فتيس لعربيتى استيراد من الحرفيين ولما الميكانيكى جه يركب طلب صليبة كوبلن جبتها غيرها ومن بعد ما ركبت الفيتيس الجديد دا وانا سمعت صوت عضعضه طول ما انت سايق والعربيه مش مموره وواخده الغيار الصوت دا يبان اكتر لو كسرت الدريكسيوين حاجه بسيطه اوى ويبان فى اول غيار وتانى غيار فى الطلوع

غيرت كبالن خارجى وداخلى جديد بالصلايب وللاسف انا من الصعيد والصنايعيه هنا ضايعين جدااااااااااااا ومازلت اعانى من المشكله دى هيا مضايقانى جدا وانا سايق بس الصوت دا بيختفى لو مورت العربيه طبعا انا بفكر اجى القاهره اشوف ميكانيكى متخصص اسكودا فليشيا يكون عنده ضمير وكويس


ارجو الافاده لان الميكانيكى بعد تغيير الكبالن والصلايب كله جديد وكبالن نضيفه مش صينى .. قالى ممكن يكون رمان بلى جوا الفتيس من نايحة الكوبلن الداخلى انا مش عارف اوصل لحل وللاسف ما فيش صنايعيه شاطرين فى الصعيد

ياريت حد يقدر يفيدنى

وعليكم السلام ورحمة الله وبركاته

طيب كدا انتا تقريبا عملت كل حاجة فتيس كبالن صلايب الا حاجة واحدة مذكرتهاش فى مشكلتك وممكن تكون هى السبب لنى دوخت نفس الدوخة دة من حوالى شهرين وغيرت زيك الكبالن والصلايب والصوت لم يختفى واتضح اخيرا انه من نلية السرة غيرة الدشمة بالكامل استيراد والحمد لله ربنا شفاها**

عاوزك ترفع الفردة واتحاول تلفها وتجزبها من الجوانب لو مبوشة يبقى كلامى سليم واعمل كدا مع الفردة الثانية لفها على المور واكشف ولفها وهى واخده غيار علشان تعرف مصدر الصوت من فيس بالظبط بس اعتقد ان مشكلتة بلية العجل واحذر انك تكبس بلية البلى فى السوق عمره اسبوع فقط اشترى الدشمة على بعضها سرة وطنابير وفرامل انا شريهم الجنب ب100 وتركيبهم ممكن حضرتك تركبهم فى البيت شوف كلامى وجرب اللى قلت لحضرتك عليه وانا فى الخدمة**


ملحوظه ياريت تنشئ موضوع منفصل بالمشكلة علشان الكل يشارك فى حلها بلاش تدخل موضوع عضو اخر وتسرد مشكلتك***