الموضوع: تغيير مساعدين خلفي كروز 2014 .. الاسباب

المشاركة الأصلية كتبت بواسطة ashouhdy

الموضوع وجهة نظر شخصية و قد لا ينتبة الية البعض او يهتم

...

بسم الله الرحمن الرحيم

العربية مثال يحتذي بة في الثبات ما شاء الله

ملفات علي سرعات .. غرز تنقل بين حارات

ولكن فاكر لما قولتلك ان حاسس ان المساعدين خفاف وانا فعلا حسيتهم فى المطبات ببص فى المراية الجانبية بلاقى فى المطب العربية بتتهز كذا مرة وكمان لما بتوك محمل العربية ورا تحس اكثر ان العربية عايمة من ورا والمساعدين الامامى برضه خفاف

حاجة واحدة مكنتش عجباني

مطبات الهوا

كنت بحس ان ضهر العربية بيلعب في مطبات الهوا

ولاحظت اني لو ضغطت علي الشنطة ورا 3 او 4 ضغطات قوية متتالية انها بتروح و بتيجي بسهولة قوي بدون مقاومة ولو سبت ايدي بتكمل مرتين لوحدها.

سألت وعرفت ان 2013 و 2014 اتصمموا كدة لراحة الركاب.

بس انا مكنتش مبسوط

قابلت صديق ليا معاة كروز 2010
ربنا يباركلة فيها ما شاء الله ..

لاحظت و فرجتة ان العربية عندة من ورا ماشاء الله ماسكة نفسها قوي عن عندي

عندي لو في مطبات هوا علي سرعة 80 وطالع بلاقي ضهر العربية نزل و رد بسهولة ... مساعدين خفاف و طري بزيادة

المساعدين في 2014 و 2013 اللي ورا خفاف جدا من وجهة نظري.

لو ضغطت عليهم بينزلوا و يردوا جامد

عندة ما شاء الله تبارك الله حاجة تانية جامدين وماسكين نفسهم

و هو شاف بعينية كمان

نزلت غيرت المساعدين بتوعي ب 750 اصلي خلفي

نفس ال part number GM وعليهم علامة منصور المائية

و العفشجي خلصها في 20 دقيقة

واخد 50 جنية

والحمد لله العربية من ورا بقت صخرة .. واختفي تماما لعب الضهر و كان في كركبة كدة و صوت ورا في النقر والمطبات الخفيفة اختفي هو كمان.

واختفي طريان الضهر

وبقت كاملة والكمال لله من حيث الثبات

وغير كدة مفيش اي نشفان زيادة في العفشة

الفكرة ان المساعدين الجداد مش بيردوا لفوق نهائي في مطبات الهوا

احنا صورنا فيديو و حبقي انزلة افرجكم قد اية المساعد طري