قطع غيار لانشيا ديدرا 95

**mohamedmag** · 20-09-2014 06:17 PM

السلام عليكم ورحة الله وبركاتة
ان مشتري عربية لانشيا ديدرا 1995
من خمس ايام وانهاردة حبيت اشتري فوانيس الاشارة الموجودة في الرفرفين والجمب وفانوس الاشارة الشمال والمساحات
وعندي فوانيس الشنطة مكسرة
والظهر بتاع السماعات والستارة مدمر وكنت عايز اشتري الحاجات دي ونزلت اشوفهم في الوكالة بس مش لاقيهم ولا عند الكيلاني
اروح فين الاقي حاجتها لان انا مش لاقي ليه اي شئ خالص في حد يعرف مكان بيبيع حاجات لانشيا كلها فين
وكنت عايز كهربائي كويس نواحي فيصل كده او المهندسين علشان عندي بعض اللمبات في الطابلوة والصالون والكاست مش شغالين
وفي كمان مشكلة ان انا لو سبت البطارية متوصلة لغايت تاني يوم الصبح بلاقيها فاضية فلازم افك قطاش البطارية علشان ادورها الصبح
بس اهم حاجة عايز قطع غيار العربية دي ضروري لاني اتصدمت مش لاقي ليه احاجة
وشكرا

**amro_ahameed** · 20-09-2014 08:50 PM

اولا: مبروك يا باشا على العربية ربنا يديك خيرها ويكيفك شرها
ثانيا: يوم الاثنين الصبح توكل على الله وانزل التوفيقية، عشان يوم الاحد هاتلاقيهم قافلين
ولفها من شرقها لغربها وبإذن الله ترجع مجبور الخاطر وخد لك فكره عن باقي قطع الغيار المعتادة الاستهلاك وكمان احتفظ باسماء المحلات وارقام تلفوناتهم عشان لو احتاجتها في اي وقت.
ثالثاً: لما ترجع ابقي طمنا عملت ايه؟ وجبت ايه وبكام؟
واخيرا: ربنا يوفقك

**mohamedmag** · 21-09-2014 12:35 AM

المشاركة الأصلية كتبت بواسطة amro_ahameed

اولا: مبروك يا باشا على العربية ربنا يديك خيرها ويكيفك شرها
ثانيا: يوم الاثنين الصبح توكل على الله وانزل التوفيقية، عشان يوم الاحد هاتلاقيهم قافلين
ولفها من شرقها لغربها وبإذن الله ترجع مجبور الخاطر وخد لك فكره عن باقي قطع الغيار المعتادة الاستهلاك وكمان احتفظ باسماء المحلات وارقام تلفوناتهم عشان لو احتاجتها في اي وقت.
ثالثاً: لما ترجع ابقي طمنا عملت ايه؟ وجبت ايه وبكام؟
واخيرا: ربنا يوفقك

**mohamedmag** · 21-09-2014 12:39 AM

عمرو باشا
مساء الفل والله يبارك فيك
انا فعلن سبقت كلامك ونزلت التوفيقية ورحت من شرقها لغربها لدرجة حتي اني اخت شارع شمبليون عند الكيلاني لحااااد التوفيقية لشارع زكي ملقتش اي شئ ليها خالص غير اني جبت حاجة وحده بس وهي المساحات بتاعت العربية
ولقيت شركة اسمها الاهرام خاصة بصب الفوانيس ودي النا شكلي هتعامل معاها بعد كده لاني مجبر على ذلك
وفي واحد قلولي علية اسمو فيات 2000 وقلي متتعبش نفسك مش هتلاقي حاجتها
انا اتصدمت للاسف
عايز اعرف حاجتها فيين العربية دي والناس انا شايفهم جايبين حاجات ليها جديده منيين
انا كده حاسس اني رميت ثمن العربية دي في الشارع مع انها عربية فخمة وجميلة اوي من جوة

**تامر.محمد** · 21-09-2014 02:03 AM

متابع

**t78eg** · 21-09-2014 01:28 PM

يا باشا انزل عزية شلبى فى مسطرد هتلاقى كل حاجة هناك استيراد موجودة وزى الفل هم متعبين شوية فى التعامل الخاص بحاجات الميكانيكا بس شغال والكيلانى عنده حاجات كتيره جديدة زى المقاصات والمساعدين وطقم السرفيس

**mohamedmag** · 21-09-2014 02:50 PM

المشاركة الأصلية كتبت بواسطة windofchange

شكلك في ماس او تسريب كهرباء فالعربية بس قيس شحن الدينامو الاول علشان نتأكد ان الدينامو سليم والبطارية سليمة والله اعلم

انا البطارية العندي بطارية جافة
وهوا ممكن يكون في تسريب في الكهرباء
ونا هشوف الكهربائي العندي يمكن يعرف في العربية دي

**mohamedmag** · 21-09-2014 02:54 PM

المشاركة الأصلية كتبت بواسطة t78eg

يا باشا انزل عزية شلبى فى مسطرد هتلاقى كل حاجة هناك استيراد موجودة وزى الفل هم متعبين شوية فى التعامل الخاص بحاجات الميكانيكا بس شغال والكيلانى عنده حاجات كتيره جديدة زى المقاصات والمساعدين وطقم السرفيس

صراحة انا لسه منزلتش عزبة شلبي
ولاكن انا معنديش اي مشكلة في الميكانيكا او عفشة العربية لانها شبه عربيات كتير بتركب عليها يعني انا لسه مغيرلها امبارح كوتشة كوبلن كبتها من عند وااحد في الدقي جمب السبكي اسمو تقريبا يوسف محمد على طول
ولاكن انا بسئل على الكشافات والطبلوة مثلا والفرش الداخلي للسيارة والشبكة الامامية
هم دول النا مش لاقيهم خالص وكمان اشارات الرفرفين الفي الجمب مثلا
والمكان البيركب في السماعات الخلفية والستارة الظهر ده مدمر عايز وحده جديده وبس

**khaled_k21** · 22-09-2014 02:02 AM

الاخ الكريم

لو عايز تجمع لانشيا من الالف الي الياء عليك و علي عزبة شلبي

اعمل بحث في رابطه التمبرا هتلاقي علي سبيل المثال و اللي انا باتعامل معاه

فاروق فوزي

لو عايز مسمار فيها هتلاقيه إن شاء الله و كمان ميزته انه فاهم في الميكانيكا بتاعتها

لو عايز نص شنطة كامله هتلاقيها ب 400

لو عايز مقاس زيت موتور هتلاقيه - ماتدورش عند الجديد و تتعب نفسك

و خاصة ان اغلب قطع الغيار الموجودة في السوق مضرووووووووووبة ( و دا كلام الصنيعيه نفسهم دلوقتي )

لو انت عايز كهربائي بيتقي ربنا و انت ساكن قريب من شارع العشريني فيصل قولي - موجود بإذن الله