الموضوع: اعتزار واستفسار ؟؟؟

اولا انا كنت وعدت اني اظبط التكييف للعربيه واجبلكم الفيديو اليي يبين درجه التبريد عن طريق الترموميتر

وبالفعل جبت فلتر الفريون والبلف والزيت وربنا يكرمه الاستاز طناني ساعدني كتيير ورحت اركب الحاجه بس الراجل بتاع التكييف كان عنده زحمه وكان شعال في اكتر من 5 عربيات وقالي هتستني كتيير

المهم انا رجعت وما عملتش حاجه لحد الان لان عندي امتحانات والوقت ضيق جدا.. فانا بعتزر جدا و في اقرب فرصه لما اظبط التكييف هعمل التقرير


بس انا عندي مشكله تانيه الان وهي ان العربيه سعات تقطع النفس وما ترضاش تدور الصبح.. بس لاحظت اني لو رزعت الباب والكونتاكت مفتوح الاقيها بتحاول تدور لوحديها ثم تدور

ومره ما رضتش تدور الا لما نزلت وخبط علي المارش

فغالبا كده المرش بيودع .. فهل كلامي صح ؟؟ وايه الحل ؟ هل هو بيتصلح ولا بيتغير ؟ جديد ولا استيراد؟ وياريت السعر لو حد يعرف بعرفه من فضلكم؟؟؟

اسف للاطاله

المشاركة الأصلية كتبت بواسطة فادى محمد

انا كنت شاكك في فبره الكونتاكت اول ماقريت المشاركه انما في الاخر لما قولت ( مابتدورش الا لما بخبط ع المارش ) يبقي مارش ..
هتروح لكهربائي يفكه وينظفه بالبنزين ويشوف اللازم يعمله . ممكن يكون محتاج مخدات - شربون ..وكلها امور بسيطه انما المارش نفسه نادر لما يتغير

تمام كده استاذ فادي.. هروح لكهربائي عندي في التجمع وهخليه يفكه ويظبطه ان شاء الله

المشاركة الأصلية كتبت بواسطة hesham.h

بالظبط كده ... انا كنت فكيته من فتره وغيرت له فبره كانت فى حدود ٧٠ جنيه و ٣٠ جنيه فك وتركيب
هو صعب يبوظ ... ممكن عاوز شويه نضافه ... وعامه الفك هو اللى هايبين

الف شكر استاذ هشام.. ربنا يسهل ويطلع شربون او ما شابه

المشاركة الأصلية كتبت بواسطة amr elsisi

جرب ادي مارش لاقتة من برة لازم كهربائي فاهم
لو دار يبئي فبرة كونتاك
لو مادرش يبئي شربون مارش

استاذ عمرو .. انا النهارده نزلت مشوار بالعربيه ومن اول مره دارت

بالرغم اني اخر مره ركنتها مكانتش راضيه تدور

فغالبا هو مارش خاصه ان فيره الكونتاكت لسه مغيرها من شهر تقريبا