الموضوع: برجاء الرد من الخبراء

السلام عليكم يا احبائى
معلش ممكن تقولوا عليا عبيط بعد ما تقروا الكلام ده بس انا عايز النصيحة.
المشكلة انى مخى مشغول اليومين دول بموضوع كدة . وده خلانى مش متابع العربية وانا سايق خالص. يعنى بابقى فى عالم تانى فعلا.. ومن تلات ايام شميت ريحة زيت بيتحرق والعربية صوتها عالى .. وبجد مخدتش واديت لأن ربنا العالم بمخى بقة..
المهم النهاردة الصبح برضه ريحة الزيت والصوت العالى ... فراحت عينيا رايحة على مؤشر الحرارة (قال يعنى هو بعيد قوى) فلاقيت الحرارة عالية... رحت راكن فورا على جنب وفتحت الكابوت ولاقيت مافيش ولا نقطة مية فى العربية وكمان العربية كلها عرقانة زيت والموتور كله زيت.... بصراحة انا كنت فى الطريق رحت مبطل العربية واتصرفت فى مية واستنيت لما بردت شوية ورحت كزود والعربية دايرة... راح صوت الموتور وطى ومؤشر الحرارة اتظبت.... انا دلوقتى ركنت عند الشغل ولما انزل ان شاء الله هقيس الزيت عشان تبقى العربية بردت خالص.. انا مشيت عليها بعد محطيت المية حوالى 20 كيلو من غير مشاكل.... بس انا مرعوب يكون حصل حاجة فى الموتور...
السؤال بقة هل انا محتاج اكشف على الموتور والا طالما مشيت معايا يبقى مفيش مشاكل؟
عارف انى غلطان بس ربنا يكفيكم شر شغلة الدماغ... ارجو الرد لو سمحتم

افتكر ان اخر مرة زودت فيه مية كانت امتى يعنى من فترة قصيرة ولا طويلة

لو قصيرة يبقى فيه تسريب

وبص زى ما لاساتذة الافاضل قالولك لو الماتور جاب طحينة زيت ع مية

يبقى وش سلندر

لكن ان شاء الله خير