المرور المصري وحلاوته ووساخة المعارض!!

**SheeroviC** · 21-09-2014 08:38 PM

السلام عليكم ياشباب...!!

انا حبيت اشارك بحاجات حصلتلي من ساعة ماجبت السيراتو 2015 توب لاين خليجي من 3 اسابيع!!

أولا": العربيه جبتها من معرض سمير الريان و استلمتها وشوفتها وعلى قد خبرتي كشفت عليها مكنش في اي حاجه تعيبها بصراحه، لحد ماروحت اعملها فرش جلد وبشيل الاكياس فوجئت ان مخدع راس كرسي السواق مكبوس وفيه عيب مش منفوخ صح، مكنتش عارف ده عيب صناعه ولا سوء استخدام من المعرض، ولا لقدر الله السقف كان نازل عليه وهو اللي كبسه كده والعربيه اتسمكرت واترش سقفها مع اني مستبعد الاحتمال ده واكيد حيبان عالسقف وخصوصا انها بفتحة سقف، ولا انتوا ايه رايكوا؟!! كله ياخد باله وهو بيستلم ويفلي العربيه والحمد لله كبرت دماغي وفكست للتوكيل ونجدته عند بتاع الفرش وبقى 100%!!!

ثانيا": مرور النزهة سلموني نمر مستعمله وقالولي خلاص مفيش اصدار نمر جديده وناس كتير زي استلموا نمر مستعمله،،، المهم واحد صاحبي بعد مارخصت باسبوع بظبط قالي اكشف على مخالفات النمره دي عالنت، دخلت و لقيت عليها مخالغات ب210 جنيه وهي مش بتتحرك اصلا"!!! D: اعمل ايه رايكوا في الموضوع ده وازاي احله؟!!!

ده غير ان العربيه لونها موكا وكل اللي اعرفعم رخصوا كيا موكا مكتوبلنا في الرخصه اللون بورنزي!!!! xD

**aymanshebl** · 21-09-2014 08:56 PM

طب ماروحتش للمعرض ليه و تشوف ايه الحكاية و بعدين لازم تروح المرور و تشيل المخالفات اللى على النمرة ديه

**Alirussia** · 25-09-2014 09:34 PM

انتوا يا جماعة في مصر معندكمش الجهاز اللي بيكشف علي العربية مدهونة ولا لا او متسمكرة قبل كدة ولا لا...... جهاز اصغر من كف الايد وبيريح دماغك خالص وتبقي مطمن

**mr.moustafa** · 25-09-2014 09:44 PM

المشاركة الأصلية كتبت بواسطة alirussia

انتوا يا جماعة في مصر معندكمش الجهاز اللي بيكشف علي العربية مدهونة ولا لا او متسمكرة قبل كدة ولا لا...... جهاز اصغر من كف الايد وبيريح دماغك خالص وتبقي مطمن

ده فين مين ليه ؟!!!

**J A G U A R** · 26-09-2014 01:33 AM

المشاركة الأصلية كتبت بواسطة alirussia

انتوا يا جماعة في مصر معندكمش الجهاز اللي بيكشف علي العربية مدهونة ولا لا او متسمكرة قبل كدة ولا لا...... جهاز اصغر من كف الايد وبيريح دماغك خالص وتبقي مطمن

متبعتلنا واحد من روسيا :)