سمكرة ودهان السبع ولا اوتو ايجيبت؟! - شارك تجربتك

**tatasamy** · 22-09-2014 07:53 AM

وحوش نيسان،

الحمدلله على تمام النعمة واكتمال المنه، عملت حادثة بالقشقاي من الأمام مع وحش من وحوش التريلات المصرية! المهم جت سليمة الحمدلله في كبوت وشبكة والاكصدام الامامي محفور

كتير نصحوني اصلح الخبطة نظرا ان الكبوت بقى مفتوح والدنيا بقى شكلها مش تمام. فقلت أسألكم عن خبرتكم في ورشة السمكرة والدهان بتاعت السبع واوتو ايجيبت؟!

المطلوب تغيير كبوت ودهانه، تغيير الشبكة الأمامية، معجون للاكصدام ودهانة

طبعا انا لازم اعملها بالتوكيل عشان أغير الكبوت، وكمان درجة اللون الكمبيوتر ذي ما فهموني!...عاوز اعرف رأيكم عن تجربة وسابق خبره في التعامل مع الورش ده.

عافانا الله وعافاكم!

**tatasamy** · 23-09-2014 10:55 AM

ايه يارجالة فوق ال 60 مشاهدة ومحدش شارك تجربته لغاية دلوقتي؟!

متابع رأيكم ونصيحتكم!

**heeshooheeshoo** · 23-09-2014 02:28 PM

سيدى الفاضل .. تجربتى الوحيدة كانت مع السبع بزهراء المعادى وكانت خبطة صغيرة أمامية كان فيها تغيير كبود وإكصدام وسمكرة رفرف وبالمرة كان عندى فى الشنطة فعصة قد الكف قلت أعملها بالمره

طبعا الحاجات دى كلها كان ممكن تتسمكر عند أى سمكرى شاطر بره وتبقى زى الفل .. ولكننى لم أكن أتعامل إلا مع التوكيل لأننى كنت أصلح على حساب التأمين ، وكلنا عارفين أن معظم التوكيلات بيستسهلوا التغيير وليس السمكرة ، ولكننى تمسكت بعدم تغيير الرفرف وغطاء الشنطة لأنها بصراحة كانت مش مستاهله خالص

وبالفعل تمت السمكرة للرفرف وغطاء الشنطة وتم تغيير الكبود وتم أيضاً تغيير الإكصدام لأنهم مابيلحموش فبر (بيكبروا دماغهم)
النتيجة النهائية كانت ممتازة من ناحية السمكرة والتغيير والدهان ودرجة اللون طبعاً .. كأن شيئاً لم يكن وكل حاجة رجعت زى ما كانت (كأنها زيرو)
أرجو أن أكون إستطعت الإفادة .. وربنا يخلف عليك

وتقبل تحياتى ،،،ِ

**hatahet** · 23-09-2014 06:03 PM

انا كنت عالم حادثة من فترة كدا 3 شهور تقريبا و عملت السمكرة فى اتوايجبت
السمكره الحمد لله زى الفل و الدهان 100% و العربية تمام بس المشكله هناك الوقت يعنى ممكن ياخدوا العربيه منك اسبوع على شغل يوم او اتنين وفى مهندس قسم السمكرة دا اسمو محمد يحيى انا مش بحب اسلوبوا بس شغله كويس فاستحمله

**tatasamy** · 25-09-2014 08:05 AM

المشاركة الأصلية كتبت بواسطة heeshooheeshoo

سيدى الفاضل .. تجربتى الوحيدة كانت مع السبع بزهراء المعادى وكانت خبطة صغيرة أمامية كان فيها تغيير كبود وإكصدام وسمكرة رفرف وبالمرة كان عندى فى الشنطة فعصة قد الكف قلت أعملها بالمره

طبعا الحاجات دى كلها كان ممكن تتسمكر عند أى سمكرى شاطر بره وتبقى زى الفل .. ولكننى لم أكن أتعامل إلا مع التوكيل لأننى كنت أصلح على حساب التأمين ، وكلنا عارفين أن معظم التوكيلات بيستسهلوا التغيير وليس السمكرة ، ولكننى تمسكت بعدم تغيير الرفرف وغطاء الشنطة لأنها بصراحة كانت مش مستاهله خالص

وبالفعل تمت السمكرة للرفرف وغطاء الشنطة وتم تغيير الكبود وتم أيضاً تغيير الإكصدام لأنهم مابيلحموش فبر (بيكبروا دماغهم)
النتيجة النهائية كانت ممتازة من ناحية السمكرة والتغيير والدهان ودرجة اللون طبعاً .. كأن شيئاً لم يكن وكل حاجة رجعت زى ما كانت (كأنها زيرو)
أرجو أن أكون إستطعت الإفادة .. وربنا يخلف عليك

وتقبل تحياتى ،،،ِ

عزيزي، بارك الله فيك وعلى الرد الوافي خاصة موضوع اللوت ده لان ناس كتير حذرتني منه نظرا لتعرض بوية العربية للشمس والاتربة! كلام مشجع عن ورشة السبع بس ممكن حضرتك تكولي الكلام ده كان من امتى؟ نظرا للتدهور الطبيعي لكل حاجة على مر الزمن :)

**tatasamy** · 25-09-2014 08:08 AM

المشاركة الأصلية كتبت بواسطة hatahet

انا كنت عالم حادثة من فترة كدا 3 شهور تقريبا و عملت السمكرة فى اتوايجبت
السمكره الحمد لله زى الفل و الدهان 100% و العربية تمام بس المشكله هناك الوقت يعنى ممكن ياخدوا العربيه منك اسبوع على شغل يوم او اتنين وفى مهندس قسم السمكرة دا اسمو محمد يحيى انا مش بحب اسلوبوا بس شغله كويس فاستحمله

شكرا يا باشا على الرد، انا قابلت محمد يحي ده قبل كده وفعلا تحس معاه بالبرود وعدم الراحة تماما ذي ماقلت...بس موضوع الزحمة ده اعتقد ان السبع ازحم بكتير نظرا انه في المعادي مش مترف في أبو رواش!

في الآخر طبعا الكفاءة والصنايعية أهم حاجة! بس هما اتفقوا معاك على ميعاد التسليم ولا ماطلوا؟!

**heeshooheeshoo** · 25-09-2014 02:08 PM

المشاركة الأصلية كتبت بواسطة tatasamy

عزيزي، بارك الله فيك وعلى الرد الوافي خاصة موضوع اللوت ده لان ناس كتير حذرتني منه نظرا لتعرض بوية العربية للشمس والاتربة! كلام مشجع عن ورشة السبع بس ممكن حضرتك تكولي الكلام ده كان من امتى؟ نظرا للتدهور الطبيعي لكل حاجة على مر الزمن :)

الكلام ده كان فى سنة 2012 .. من حوالى سنتين ونصف بالتحديد

**yasnme** · 26-09-2014 12:42 PM

الحمد لله ان اتخبطت مرتين و كانت النتيجة تغيير اكصدام امامى و بابين شمال و رفرف شمال و دة كان فى السبع ناس محترمة خصوصا المهندس امل و المهندس ايمن و المهندس محمد مدير الاستقبال راجل محترم جدا و بالنسبة للشغل العربية زيرو و ذلك بشهادة زملائى و بعضهم بيتاجر فى السيارات

**tatasamy** · 30-09-2014 01:47 AM

المشاركة الأصلية كتبت بواسطة yasnme

الحمد لله ان اتخبطت مرتين و كانت النتيجة تغيير اكصدام امامى و بابين شمال و رفرف شمال و دة كان فى السبع ناس محترمة خصوصا المهندس امل و المهندس ايمن و المهندس محمد مدير الاستقبال راجل محترم جدا و بالنسبة للشغل العربية زيرو و ذلك بشهادة زملائى و بعضهم بيتاجر فى السيارات

ربنا يحفظنا جميعا من التهورات العجيبة الي بنشفها على الطرق...كده تمام الواحد يطمن انه يصلح بالسبع ان شاء الله وانا كنت قابلت م/أيمن ده قبل كده تحس انه صنايعي كده مش مهندس استقبال وخلاص

بس همه عندهم تكدس رهيب في عدد العربيات الي في ورشة السمكرة والدهان، فقالولي اسأل كده بعد العيد لو الدنيا راقت شوية!