تقرير عن تركيب سماعات و جي ام لنيسان صني 2008

**johnson11** · 23-09-2014 03:06 PM

اولا انا بعتذر ان مافيش صور انا كنت مصور كل حاجه بالتفصيل بس الموبايل باظ و اول ما هاصلحه هنزل الصور انشاء الله

ثانيا : انا كنت ناوي انزل اشتري السماعات و الجي ام من التوفيقيه وكنت هشتري سماعات بايونيير 500 و جي ام في حدود 400 جنيه و خليت ناس اصدقائي كانوا بيشتروا حجات من التوفيقيه يسألوا علي السماعات هناك ب كام و قالولي انها عامله هناك 350 جنيه فقررت انزل اشتريهم و اشتيري الجي ام ووانا نازل قلت اعدي الاول علي فانتازيا اللي في جسر السويس قدام الشبراوي اهو اخد فكره برضوا علي الاسعار و كانت المفاجأه اني لاقيت السماعات ب 375 فرق 25 جنيه و الجي ام ب 400 فقلت اشتري المشوار ب 25 جنيه احسن و اوفر علي نفسي مشوار وسط البلد و فعلا اشتريت منهم الحاجه

الاسعار :
1- سماعات بايونير 500 وات فيتنامي 375 جنيه
2- جي ام كينوود 400 وات ب 400 جنيه + التركيب مجانا و معاه ضمان سنه و دي صورته http://www2.crutchfield.com.edgesuit...KAC5001-F.jpeg

3- سلوك ل الجي ام ب 90 جنيه

و تم تركيب الحاجه في الفرع التاني في الحجاز و الراجل ماخدش ربع ساعه و خلص الشغل كله

الاداء :
فرق رهيييييييييييييييب جدا الصوت حاجه تانيه خالص د انا ببقي عامل فرح في الشارع و الصوت نقي جدا كمان , انا كنت ناوي اركب صب او بازوكا بس دلوقتي انا مش محتاجها

ملحوظات :
1- الحته اللي بتتقطع في الصاج ورا بتبقي حته صغيره و هما شاطرين في حته التقطيع ديه اينعم كان قلبي بيتقطع و هو بيقطع في الصاج بس بعد كده الصوت و قوته هون عليا كا حاجه ههههههههههه

2-خدوا علي تركيب السماعات و القطع في الصاج 50 جنيه

3- السماعت من غير جي ام ولا حاجه لازم لازم لازم السماعات يكون معاها جي ام

و اي حد ناوي يعمل الموضوع ده و عايزني اجي معاه انا في الخدمه و مش هتأخر علي اي حد

**aymanshebl** · 23-09-2014 03:15 PM

الف مبروك

**akmm** · 23-09-2014 03:35 PM

الف مبروك ............. والعيد داخل علينا واستمتع .......................

**johnson11** · 23-09-2014 03:41 PM

المشاركة الأصلية كتبت بواسطة aymanshebl

الف مبروك

الله يبارك فيك :)

**johnson11** · 23-09-2014 03:43 PM

المشاركة الأصلية كتبت بواسطة akmm

الف مبروك ............. والعيد داخل علينا واستمتع .......................

الله بيارك فيك ..... و كل سنه و انت طيب مقدما :)

**hesham fawzy h** · 23-09-2014 07:08 PM

الف مبروووووووك
بس اية الفرق بين الصب و البازوكا ؟
و السماعات تبقى كينود ولا بايونير احسن ؟

**ahmedamgad18** · 23-09-2014 10:11 PM

الف مبررروك يا باشا بس لى كام استفسار..

السماعات اللى ركبيتها بيضاوى ولا دائرية ذى اللى جاية مع العربية ؟؟
والتقطيع كان فى اى مكان بالظبط ؟؟ والتقطيع عشان تركب الجى ام ؟؟ عشان انا معايا صنى 2008 ايضا ونفسى اعمل لها الموضوع ده .
انت ركبت الحاجات ديه على الكاسيت الاصلى بتاع السيارة ولا انت مغير الكاسيت ؟؟؟
الجى ام ؟ بييضيف ايه للصوت ؟؟؟
اسف على كثرة الاسئلة .... بس من حضرتك نتعلم

**johnson11** · 24-09-2014 06:39 AM

المشاركة الأصلية كتبت بواسطة hesham fawzy h

الف مبروووووووك
بس اية الفرق بين الصب و البازوكا ؟
و السماعات تبقى كينود ولا بايونير احسن ؟

الله يبارك فيك :)

الصب عباره عن سماعه دائريه كبيره في منها 15 انش و 12 انش و يتوضع في بوكس و كل مقاس سماعه و ليها مقاس البوكس بتاعها الصب بيتميز ب ان البيز بيبقي ناعم بيدب جوه العربيه لاكن مابيسمعش بري في الشارع اوي اغلبيه البيز بيدق جوه العربيه حلو لو انت بتسمع ترانس و الحاجات الهديه ديه و ده شكل الصب
http://www.dealercostcaraudio.com/im.../GT51202BR.jpg

اما البازوكا فهي عباره عن ان السماعه محطوطه في سيلندر فا البيز بيقعد يرن جواها و بيبقي بيز غشيييم و ممكن يسمع لاخر الشارع ينفع في الاغاني الشعبي و الجو ده مثلا و دي صورته
http://img.alibaba.com/photo/1128255...be_Cs1204t.jpg

بالنسبه ل موضوع السماعات تبقى كينود ولا بايونير احسن فده حصل عليه كلام كتير اوي في المنتدي ناس شايفه ان البايونير احسن و ناس شايفه ان الكينوود احسن ف انا قولت اشتيري بايونير 500 سمعات كويسه و محترمه فعلا بس انا شايف مثلا ان سماعات الدوبيل بيز في الكينوود احسن من البايونير دوبل بيز و في الاخر الشركتين دول شركتين محترمين

**johnson11** · 24-09-2014 07:00 AM

المشاركة الأصلية كتبت بواسطة ahmedamgad18

الف مبررروك يا باشا بس لى كام استفسار..

السماعات اللى ركبيتها بيضاوى ولا دائرية ذى اللى جاية مع العربية ؟؟
والتقطيع كان فى اى مكان بالظبط ؟؟ والتقطيع عشان تركب الجى ام ؟؟ عشان انا معايا صنى 2008 ايضا ونفسى اعمل لها الموضوع ده .
انت ركبت الحاجات ديه على الكاسيت الاصلى بتاع السيارة ولا انت مغير الكاسيت ؟؟؟
الجى ام ؟ بييضيف ايه للصوت ؟؟؟
اسف على كثرة الاسئلة .... بس من حضرتك نتعلم

الله يبارك فيك يا باشا :) و انا تحت امرك في اي اسئله و مافيش اي ازعاج :)

لأ السماعات بيضاوي عشان كده انا قطعت في الصاج ورا مكان السمعات الدائريه

التقطيع كان مكان السمعات الدائريه و هيقطع حته صغيره عشان المكان الدائري يبقي بيضاوي و طبعا كله بامقاس مش بيقطع كده و خلاص و بلنسبه للجي ام فده مش بيتقطعله في اي مكان ده بيتحط في شنطه العربيه و بيبقي متاخدله سلكتين يركبوا فيه من ورا الكنبه لشنطه العربيه و طبعا مافيش اي سلوك بتبقي باينه

لأ انا مغير الكاسيت من اول ما جبت العربيه بس حضرتك لو حبيت تركبه علي الكاسيت الاصلي فا عادي بس يستحسن تغير الكاسيت الاصلي لأن خارجه مش قوي مثلا لما كنت بشغل الراديو علي الكاسيت القديم كان الارسال وحش اويييييي بعد لما غيرت الكاسيت الارسال بقي قوي جدااا

الجي ام عباره عن ان هو مضخم للصوت بيدي صوت انقي و بيز اقوي للسماعات . بيطلع الخارج و قوه السماعه كلها

**tito32** · 24-09-2014 08:14 AM

1000 مبروك ياباشا وشكرا على المعلومات

الموضوع: تقرير عن تركيب سماعات و جي ام لنيسان صني 2008

LinkBack

أدوات الموضوع

عرض

-

-

المواضيع المتشابهه

سؤال بخصوص تركيب فلتر هواء اسبور لنيسان صنى 2008

تقرير مصور عن تركيب عزل وفرش لنيسان صنى

تقرير تركيب فوجات + زينون لنيسان صني

تقرير مفصل بالصور عن تركيب سبويلر لنيسان صنى

تقرير بالصور تركيب كمبيوتر لنيسان تيدا

الكلمات الدلالية لهذا الموضوع

المفضلات

المفضلات

ضوابط المشاركة