متعة السواقة فى المانيوال ولا الاوتوماتيك

**Mahmoud_Yassin** · 24-09-2014 01:31 AM

فاكرين العبارة دى (متعة السواقة)
انا حاسس ان الجملة دى خلاص اندثرت واصبحت من المأثورات الشعبية . انا متعود اسوق المانيوال وبحس فعلا انى باسوق عربية . وبحس بمتعة السواقة . وكنت لما اسوق عربية حد من اصحابى اتوماتيك اخرها معايا ربع ساعة سواقة وبعدين باتخنق من سواقتها .
ومن 3 اسابيع جبت كروز 2014 اتوماتيك . هى والحمد لله عربية جميلة ومبسوط منها . بس اكتر حاجة مضايقانى هو موضوع الاوتوماتيك . انا عارف كل واحد وهو بيقرا الكلام دة بيقول اية عليا .هههههههههه
عشان انا باسمع الكلام دة من اصحابى . لما باقولهم انا مخنوق من الاوتوماتيك . من عينة انت فقرى وغيرة والكروز دى لو كانت مانيوال كانت حتبقى عربية رياضية 100% .
وانا باسوق الاوتوماتيك جاييلى احساس غريب . انى عندى 65 سنة وعندى تصلب شرايين .هههههههههه
مش عارف لية . واشمعنى 65 برضة مش عارف .
حاسس انى راكب عربية اتارى .
واللى غاظنى اكتر ان عمرو اديب فى البرنامج بتاعة كان بيتكلم عن الحاجات اللى اندثرت وكان بيقول زمان كان فية عربيات اسمها مانيوال فيها دبرياج وتقعد تنقل الغيارات بأيدك .
كأن المانيوال دة تخلف عن الحضارة .
بصراحة مابقتش عارف انا انسان طبيعى . ولا . المفروض اروح عند دكتور نفسانى يعالجنى .

**J A G U A R** · 24-09-2014 01:43 AM

يا باشا مفيش امتع من المانيوال

ان سوقت الاوتوماتيك بجميع انواعه وشايف ان الاوتوماتيك ميجيش حاجه جنب المانيوال من ناحيه متعه القياده بس بشرط ان الطريق يكون مفيهوش زحمه

بحس وانا سايق الاوتو انى سايق عربيه ملاهى
وبحس ان رجلى الشمال مشلوله :))

بس فعلا عندنا فى مصر وداخل المدن بالذات المانيوال مبقاش ينفع

**Super_Star_h** · 24-09-2014 01:57 AM

والله انا كان بيجيلى شد عضلى لما بسوق لمده طويله
دلوقتى انا بقعد وبأنتخ
بلا مانيوال بلا بتاع يا راجل هى دى بلد بقى ينفع فيها مانيوال ؟

**shiko85** · 24-09-2014 02:26 AM

الزحمه خلت المانيوال متعب جدا و ممل كمان و الأوتوماتيك افضل كراحه طبعا بس الـ 2 مفيش فيهم متعه
اعتقد متعه السواقه فمصر حاليا هى ان الواحد يخلى حد تانى يسوق له العربيه

**Mohamed.Ramah** · 24-09-2014 02:34 AM

المتعة الفعلية فى الركوب فى الخلف وتجيب سواق للعربية لان ولا دة طرق ولا دة سواقة دة جو بهايمى وياة بقى لو حاجة E class او S وتتعزل عن الحجات الغريبة البنشوفها فى الشارع

**JapRuleZ** · 24-09-2014 02:50 AM

اقولك الصراحة

- لو معاك قرشين هاتلك عربية اتوماتيك نكون حمارة شغل و اعتمادية و قطع غيار متوفرة و معمرة و تكون للشغل و الهمك و المشاوير الممله ( التويوتا يارس مستعمل اوتو )
- و هات عربية تانيه مانيوال 1600 و عفشتها تكون رياضية و تكون عربية للسفر و الرحلات و الفسح و المناسبات السعيده (نادرة جدا العربيات المانيوال ال 1600 المحترمه .... و يا سلام لو عربية موتور قوى و دفع خلفى او دفع رباعى - سوبارو \ بى ام )

و الاسهل من كده انك تهاجر :)

**AlGazar2** · 24-09-2014 04:33 AM

مانيوال طبعا مفيش كلام

حتى لو هجيب زيرو هجيب حاجة محترمة مانيوال حتى لو هطلبها سبيشيال من الوكيل

**aymanshebl** · 24-09-2014 07:09 AM

مانيوال بكل تاكيد

-

الموضوع: متعة السواقة فى المانيوال ولا الاوتوماتيك

LinkBack

أدوات الموضوع

عرض

-

-

-

-

المواضيع المتشابهه

فى حد هنا ممكن يعلمنى السواقة المانيوال ؟ (باجر طبعا)

متعة السواقة في مصر انهاردة

نصيحة عن السواقة الاوتوماتيك

متعة السواقة...مانوال ولا اوتوماتيك

ليه الاوتوماتيك 4 لما المانيوال 5 ؟؟؟!!!

الكلمات الدلالية لهذا الموضوع

المفضلات

المفضلات

ضوابط المشاركة