هل الثلج بالثلاجة مياه مقطرة يجوز استخدامها بالردياتير

**mohamedbamby** · 24-09-2014 08:26 PM

[justify]هل الثلج بالثلاجة مياه مقطرة يجوز استخدامها بالردياتير لان عندي الثلاجة تكون ثلج ومش عارف هل تندرج ضمن المياه المقطرة ام لا؟
منتظر الكميائييا الفزيائيا ارجو الرد

واشكر كل شخص يساهم بمعلومة للافادة
[/justify]

**rotanamasoud** · 24-09-2014 09:03 PM

فيما اعتقد نعم لانه ناتج من تكثف بخار الماء

**hesham fawzy h** · 24-09-2014 11:19 PM

متابع

**khaled_k21** · 25-09-2014 02:19 AM

مع احترامي الكامل لطرح سيادتك للموضوع الا اني اعتقد ان الموضوع غير قابل للتطبيق

هو نظريا ان الثلج المتكون في الثلاجه فعلا نتيجه تكون بخار الماء الموجود في الهوا و اعتقد انه به نسبه املاح تكاد تكون غير موجوده به

لكن عشان اوصل لكميه 4 ليترات عشان املي الرادياتير انت محتاج تفتح التلاجه يومين عشان تعمل الكميه المطلوبة

عموما نرجو من سيادتك ابداء السبب في السؤال

**amr 2** · 25-09-2014 11:11 AM

يجوز استعمال اى مصدر لبخار الماء ( ناتج عن ثلج الثلاجه او مياة التكييف ) فى تزويد مياة الريداتير . خلى بالك ( تزويد مياة الريداتير ) وليس ملئ او ملو مياة الريداتير بالكامل . يعنى ايه ؟
لو عربيتك ما بتحتاجش ميه غير كميه بسيطه وكل كام يوم ( عربيه حديثه فى الغالب ) فبننصحك تستعمل مياة ريداتير صناعيه ( اللى هى لونها فى الغالب اخضر او ازرق وبعدها يكون تعويضها عند النقص بمياة مقطرة ايا كان مصدرها ( لان المقصود هو تزويد مستوى الماء بدون زيادة املاح لان الماء المعدنى اللى حضرتك زودت بيه فى البدايه اللى لونه اخضر مثلا يحتوى على املاح ومعادن بالكميه المطلوبه واى نقص ناتج عن التبخر لازم تعويضه بماء مقطر لبقاء نفس نسبه الاملاح .
لو عربيتك بقى زى عربيتى وفيها تسريب فى الريداتير يبقى لازم تزود ميه من الحنفيه عادى لان بها نسبه من الاملاح والمعادن هتعوض النقص اللى حصل .
فى ناس مفكرة ان مياة الريداتير لازم تكون كلها مقطرة ودة غلط . ليه ؟ فاكر حضرتك لما بتيجى تسلق البيض تقوم حاطط شويه ملح فى مياة السليق ؟ زيادة الاملاح فى المياة يرفع من درجه حرارتها يعنى شويه الملح على مياة سليق البيض يخلى المياة تغلى عند 103c بدلا من 100c ودة بدورة يعطى كميه حرارة للبيضه اعلى نتيجه زيادة فرق درجات الحرارة .
نفس الموضوع فى ريداتير العربيه . لازم وجود نسبه املاح بس ياريت تكون مضبوطه ولذلك احسن طريقه هى منع التسريبات فى المياة والبخار ( احكام الغلق على مياة الريداتير ) وو ضع مياة معاير بها نسبه الاملاح ( معاير على حسب نوع الموتور ودرجه حرارة تبريدة ) وعند نقصانها يتم تزويدها بماء مقطر ( لان بخار الماء المتسرب لا يحتوى على اى املاح وبالتالى فإن الممياة المتبقيه اصبحت ذات محتوى املاح اعلى ويجب تقليله بزيادة مياة مقطرة ) .
فى بردة اسباب تانيه زى ظاهرة التأكل المعدنى وخلافه بس بلاش وجع دماغ انا تعبتكم معايا .

**sfahmy6** · 25-09-2014 11:39 AM

المشاركة الأصلية كتبت بواسطة amr 2

يجوز استعمال اى مصدر لبخار الماء ( ناتج عن ثلج الثلاجه او مياة التكييف ) فى تزويد مياة الريداتير . خلى بالك ( تزويد مياة الريداتير ) وليس ملئ او ملو مياة الريداتير بالكامل . يعنى ايه ؟
لو عربيتك ما بتحتاجش ميه غير كميه بسيطه وكل كام يوم ( عربيه حديثه فى الغالب ) فبننصحك تستعمل مياة ريداتير صناعيه ( اللى هى لونها فى الغالب اخضر او ازرق وبعدها يكون تعويضها عند النقص بمياة مقطرة ايا كان مصدرها ( لان المقصود هو تزويد مستوى الماء بدون زيادة املاح لان الماء المعدنى اللى حضرتك زودت بيه فى البدايه اللى لونه اخضر مثلا يحتوى على املاح ومعادن بالكميه المطلوبه واى نقص ناتج عن التبخر لازم تعويضه بماء مقطر لبقاء نفس نسبه الاملاح .
لو عربيتك بقى زى عربيتى وفيها تسريب فى الريداتير يبقى لازم تزود ميه من الحنفيه عادى لان بها نسبه من الاملاح والمعادن هتعوض النقص اللى حصل .
فى ناس مفكرة ان مياة الريداتير لازم تكون كلها مقطرة ودة غلط . ليه ؟ فاكر حضرتك لما بتيجى تسلق البيض تقوم حاطط شويه ملح فى مياة السليق ؟ زيادة الاملاح فى المياة يرفع من درجه حرارتها يعنى شويه الملح على مياة سليق البيض يخلى المياة تغلى عند 103c بدلا من 100c ودة بدورة يعطى كميه حرارة للبيضه اعلى نتيجه زيادة فرق درجات الحرارة .
نفس الموضوع فى ريداتير العربيه . لازم وجود نسبه املاح بس ياريت تكون مضبوطه ولذلك احسن طريقه هى منع التسريبات فى المياة والبخار ( احكام الغلق على مياة الريداتير ) وو ضع مياة معاير بها نسبه الاملاح ( معاير على حسب نوع الموتور ودرجه حرارة تبريدة ) وعند نقصانها يتم تزويدها بماء مقطر ( لان بخار الماء المتسرب لا يحتوى على اى املاح وبالتالى فإن الممياة المتبقيه اصبحت ذات محتوى املاح اعلى ويجب تقليله بزيادة مياة مقطرة ) .
فى بردة اسباب تانيه زى ظاهرة التأكل المعدنى وخلافه بس بلاش وجع دماغ انا تعبتكم معايا .

مشكوووووووووووووووووووووو ر جدا على المعلومات القيمه

**Ahmed abdkarim** · 25-09-2014 12:02 PM

الناس اللى بتقول ميه التكيف ميه مقطرة الكلام ده غلط جدا ميه التكيف ميه منيله بنيله مليانه كل الجراثيم والميكروبات اللى فى الهواء . انا شغال فى المجال الطبى وفى جهاز مخصوص لتقطير الميه تمنه تقريبا 1000 جنيه ومفيش حاجه تغنى عنه . عشان يحصل تقطير بتسخن الميه و بعدين تعدى البخار اللى طالع على انبوبه مبرده بالفريون فده بيخلى البخار يتكثف و يتحول لميه .

**amr 2** · 25-09-2014 12:14 PM

شكرا جزيلا . ولا شكر على واجب .
وبالنسبه لموضع انها مش مياة مقطرة فكلام حضرتك صحيح من حيث الجراثيم والبكتريا والروائح كمان . لكن المياة تظل خاليه ( بنسبه عاليه ) من املاح المعادن ( فى الغالب ( TDS =0 ppm ) و البكتيريا والجراثيم دى طبعا بتموت عند تعرضها لدرجه حرارة عاليه تصل ل 90c .
وبعدين احنا ما قولناش ان ميه التكييف مياة مقطرة احنا قولنا انها تنفع كمياة للريداتير فقط . ( يعنى لم ننصح احد بأستخدامها للشرب او استخدامات طبيه )

**solly1979** · 25-09-2014 02:31 PM

عليك وعلى اى بنزينه القزازة ب 2 جوند لتر الاربع ودمتم

**mohamedbamby** · 25-09-2014 07:19 PM

[justify]انا كنت باسال عن الثلج بداخل الثلاجة لاني اثناء تنظيفها لقيت حوالي 70 سم في سمك 2 سم ثلج لدرجه اني سحبت رف الثلاجة وخرج مع كل الرفوف ونظرا لان الثلج مكلبش في الرفوف تركته حتي ذاب اخل كروانه ووجدت كميه كبيرة من المياه المذابه من الثلج داخل الكروانه البلاستك وخطرت لي فكره استخدامها للتبريد وكنت باسال هلي هي مياه خالية من المعادن والاملاح وام لا [/justify]