فيرنا ولا بيكانتو

**Mohamed_Ezz** · 25-09-2014 09:57 AM

السلام عليكم و رحمة الله و بركاته,

انا محتار ما بين الفيرنا و البيكانتو الاتوماتيك خصوصا ان الاتنين بنفس السعر تقريبا (الفرق 1000 جنيه لما سألت) بس الفكرة بالنسبالى ان دى اول عربية ليا و مش بفهم فى العربيات اوى. كنت بسوق شوية لكن مش عربيتى يعنى, فانا متحمس للبيكانتو بحكم صغر حجمها و هعرف استخدمها و اركنها كويس بسهولة إن شاء الله, دلوقتى هنقل ليكم كلام الناس لما سألت كذا واحد من اللى بيفهموا فى العربيات.

بالنسبة للفيرنا:-
الناس اجمعت انها عربية ناجحة و حلوة و قطع غيارها رخيصة و متوفرة بس تقفيل مصرى و توكيل كيا احسن منه و اكبر من البيكانتو طبعا و مريحة فى السفر و كدا.

بالنسبة للبيكانتو:
الناس بتقولى عربية حلوة من جوة و الكورى حلو طبعا و اثبتت نجاحها فى السوق و صغيرة و هتبقى مريحة فى السواقة بالنسبة ليا فى الاول بس ممكن تبقى وحشة فى السفر و بيعها اصعب من الفيرنا.

بصراحة كلام الناس لغبطنى اكتر مش عارف مين افضل, هل فعلا البيكانتو ( 1250 cc) وحشة جدا فى السفر و صعب انى ابيعها, و لو جبتها بتمنها دلوقتى 95,000 ممكن ابيعها بكام بعد 3 او 4 سنين مثلا لو حالتها نضيفة ؟

ارجو المساعدة, و جزاكم الله خيرا.

**Mohamed_Ezz** · 25-09-2014 01:10 PM

يا جماعة ارجو الرد لو سمحتم.

**shiko85** · 25-09-2014 01:22 PM

وعليكم السلام ورحمة الله وبركاته
المقارنه بين البيكانتو و الفيرنا صعبه شويه لان حضرتك لازم تحدد متطلباتك ايه من العربيه
هل حضرتك متزوج و عندك اولاد ؟؟ فمحتاج عربيه تعتبر عائليه و بشنطه
هل حضرتك الأهم عندك رخص قطع الغيار و انها تكون متوفره ؟؟
هل حضرتك مهتم بالأوفر فأستهلاك البنزين ؟؟
هل حضرتك مهتم بسعر اعاده البيع ؟؟
هل حضرتك ممكن تضيف عربيات تانيه للمقارنه يكون سعرها قريب من 95 الف ولا لأ او فيه امكانيه لزياده المبلغ اكتر من 95 الف ؟؟

**Mohamed_Ezz** · 25-09-2014 01:50 PM

المشاركة الأصلية كتبت بواسطة shiko85

وعليكم السلام ورحمة الله وبركاته
المقارنه بين البيكانتو و الفيرنا صعبه شويه لان حضرتك لازم تحدد متطلباتك ايه من العربيه
هل حضرتك متزوج و عندك اولاد ؟؟ فمحتاج عربيه تعتبر عائليه و بشنطه
هل حضرتك الأهم عندك رخص قطع الغيار و انها تكون متوفره ؟؟
هل حضرتك مهتم بالأوفر فأستهلاك البنزين ؟؟
هل حضرتك مهتم بسعر اعاده البيع ؟؟
هل حضرتك ممكن تضيف عربيات تانيه للمقارنه يكون سعرها قريب من 95 الف ولا لأ او فيه امكانيه لزياده المبلغ اكتر من 95 الف ؟؟

شكرا على اهتمامك بالرد.

لا انا مش متزوج بس بحب العربيات الhatchback عن الsedan و كمان جربت سواقة الcarens و الrio و كانت عجبانى العربية من جوه, انا كل اللى خايف منه انى لما اقرر ابيعها و اكون خلاص متمكن من السواقة بشكل كبير اخسر فيها كتير و مش هقدر بصراحة ادفع اكتر من السعر دا.

ممكن حضرتك تقولى هل العربية سهلة فى إعادة البيع و لا لأ و تقريبا ممكن ابيعها بكام لو بعتها بعد 3 سنين مثلا و هل قطع الغيار غالية اوى ولا لأ (انا عارف انها اغلى من الفيرنا طبعا). و شكرا.