بفكر أشترى السيتى 2013

**a_samy** · 25-09-2014 11:53 AM

السلام عليكم ورحمة الله
الأعضاء الكرام...
أنا كنت بفكر أشترى الهوندا سيتى 2013 بس كنت سمعت عنها بعض الملاحظات أرجو التأكيد بالنفى أو بصحة الكلام اللى سمعته
أولا:ناس قالتى إنها بتحك فى المطبات وخصوصا لو فى ناس قاعدين فى الكنبه اللى ورا.
ثانيا:ناس برضو بتقول أن الكاوتش بتاعها فيه مشكله وأنه بيبوظ بسرعه وأنه مش موجود المقاس بتاعه فى السوق.
برجاء الإفاده

**crazy car** · 25-09-2014 01:58 PM

2014 شكلها اجمل شبه السيفيك
هوندا سيتى - متفوقة على الجميع | هوندا مصر

**a_samy** · 26-09-2014 03:13 PM

هيا العيوب دى مش موجوده فى العربيه؟
ولا الناس بتفتى وخلاص؟

**a_samy** · 26-09-2014 03:37 PM

وبالنسبه لإعادة البيع هل هيبقى فيه مشكله؟

**a_samy** · 26-09-2014 09:10 PM

شكرا على ردودكم!!!!

**Totti999** · 27-09-2014 11:19 AM

بص ياباشا انا معايا دلوقتي نفس العربيه بس 2009 عربيه جميله جدا ومفهاش اي مشاكل بس فكرة انها بتحك هي بتحك بس في المطبات الاسمنتيه الي هي الناس بتعملها وده بيكون مع التحميل بس خلي بالك من حاجه حتي الشكل الجديد ال 2015 برده حتلاقيه كده لان المسافه مابين اقل نقطه في العربيه وبين الارض 15 سم وهو جزء من الشكمان موجود تحت الراكب الامامي انا بحلها ازاي لما بلاقي مطب زي كده وانا محمل باخد المطب بالعرض سنه بسيطه وبيساعدني على كده الebs في سهولة حركة الدريكسيون من اليمين للشمال وبالنسبه للمقاس موجود بس هدور عليه شويه

بالنسبه لموضوع الكاوتش العربيه مكنتش جايبه من الزيرو بس الي انا اعرفه انها بتنزل بريدج ستون وده ماركه نضيفه بس مع الحفر اكيد هتبوظ وهتبقلل

**a_samy** · 27-09-2014 04:11 PM

أشكرك على الإفاده وربنا يباركلك فى عربيتك.

**jalal** · 27-09-2014 04:40 PM

شوف حضرتك انا اشتريت سيتي 2013 ex من اكتر من سنة في الكويت الحمد لله العربية ماشاء الله عليها سحب وتكييف وعزل وما فيش فيها اي مشكلة وحكاية انها تحك انا معايا جنط سبور 16" ما فيش حاجه اسمها تحك في المطبات وعلى فكرة في الكويت مطبات عالية بس معمولة صح اما بالنسبة للطاسات ال 15" ما اعرفش عنها حاجه بس العربية اقتصادية جدا واعتمادية جدا جدا وانا اشتريتها عن قناعة تامة بالهوندا لانها مش بتعمل عربية وحشة

**محمد كرم** · 27-09-2014 08:34 PM

السلام عليكم
تعقيباً فقط على ما ورد بالمشاركة المُفيدة والقيِّمة للأخ Totti999 أن أحدث شكل للسيتى لدى التوكيل هو موديل ٢٠١٤ ويُكتب فى الرخصة ٢٠١٤ وليس ٢٠١٥ ، وللتأكد من صِحة المعلومة فرقم التوكيل كما نَعلْمهُ جميعاً هو ١٩٨١١ من ٩ صباحاً حتى ٨ مساءً عدا يوم الجمعة.
خالص تحياتى للجميع.