افضل عربيه فى مصر حاليا ضيف رأيك(حلقه نقاش )

**amostafa85** · 25-09-2014 12:13 PM

السلام عليكم ورحمه والله وبركاته اعضاء نيل موتور الكرام ز
ده موضوع علشان اللى ربنا كرمه وعاوز يشترى عربيه جديده ومحتار ياخد ايه ويحقق اللى هو عاوزة من قوة تحمل و خدمه صيانه ممتازة و قطع غيار متوفرة و اسعارها مقبوله وامان وثبات وكل الاشياء اللى الواحد بيفكر فيها مليون مرة قبل مايشترى عربيه .
كلنا ملاحظين ارتفاع الاسعار الجنونى فى العربيات فى مصر و كثرة الموديلات والخ
فياريت جميع الاعضاء تشترك علشان نشوف ايه افضل عربيات فى السوق المصرى
طبعا لازم نحدد تصنيف للعربيات من ناحيه السعر علشان يكون فى مساواة
ممكن نبدا بشويه عربيات كده غالبا هايكونو قريبين فى السعر من بعض
نيسان صنى و هيونداى اكسنت و تيوتا ياريس لانسر و اوبترا وده الفقه اللى سعرها من فوق 100 الف لحد 150 الف
لو عاوزين نقلل الفروق شويه فى الاسعار ياريت نشترك وكل واحد يقول رايه ؟

**Ahmed abdkarim** · 25-09-2014 03:12 PM

ميتسوبيشى لانسر شارك .

فى الفترة الحالية والواحد لما شاف ارتفاع الاسعار الجنونى و امكانيات العربيات الموجودة . اللانسر الشارك احسن عربية فى الفئة بتاعتها و تنافس عربيات اغلى منها كمان . عربية سعرها 140000 تقريبا . يابانى . موتور 1600 عربية رياضية عالية عن الارض ثابته جدا لانها بتنزل بره مكنه 2400 cc . تصميم فوق الرائع . مقارنه بالكورولا انا شايفها احسن من الكورولا كتير بدون مقارنة السعر

**mohamed hussei** · 25-09-2014 03:18 PM

متابع ومفيش عربية بالسعر دة فيها كلام دة كلة :(

**amostafa85** · 25-09-2014 03:35 PM

المشاركة الأصلية كتبت بواسطة mohamed hussei

متابع ومفيش عربية بالسعر دة فيها كلام دة كلة :(

mohamed hussei عندك حق هنا فى مصر الوكله بيتعاملو مع وسائل الامان فى العربيه على انها من الكماليات حاجه تيييت .. بس ده برضو مش يمنع ان احنا نصنف العربيات على حسب سعرها ونشوف المزايا والعيوب وكده

**amostafa85** · 25-09-2014 03:41 PM

المشاركة الأصلية كتبت بواسطة ahmed abdkarim

ميتسوبيشى لانسر شارك .

فى الفترة الحالية والواحد لما شاف ارتفاع الاسعار الجنونى و امكانيات العربيات الموجودة . اللانسر الشارك احسن عربية فى الفئة بتاعتها و تنافس عربيات اغلى منها كمان . عربية سعرها 140000 تقريبا . يابانى . موتور 1600 عربية رياضية عالية عن الارض ثابته جدا لانها بتنزل بره مكنه 2400 cc . تصميم فوق الرائع . مقارنه بالكورولا انا شايفها احسن من الكورولا كتير بدون مقارنة السعر

انا عن نفسى بحاول اقنع نفسى بلهيونداى ... عربيات كل مصر ركبها قطع غير موجوده فى كل حته ... بس اللى وحش بقى ان اعتبر وسائل الامان فى العربيه من الرفاهيات .......
لانسر اكيد عربيه محترمه انا مركبتش الشارك مش عارف بقى فقيرة من جوة زى البوما ولا لا