الموضوع: نيسان صنى ٢٠١٥ الشكل القديم ، أرحو المساعدة

المشاركة الأصلية كتبت بواسطة deviano_85

السلام عليكم يا أحلى منتدى ، ياريت تساعدونى يا جماعة عشان محتار جدا انا ناوى اشترى ان شاء الله نيسان صنى الشكل القديم زيرو
عايز اعرف مميزاتها وعيوبها ايه ، وهل هو اختيار موفق وخصوصا ان سعرها مناسب ليا جدا كونها يابانى وزيرو بنفس الوقت
وعايز اعرف سحبها عامل ايه والتكييف والفتيس واستهلاك البنزين والكاسيت والسماعات بتاعتها كجودة ونقاء
وهل فعلا فيها فرامل abs ولا لأ


والاهم من كده انى عجبتنى عربية منها كسر زيرو ٢٠١٤ مش ٢٠١٥ ماشية ٤٠٠٠ كيلو كاملة اتوماتيك نهائى ١١٢ الف
فى حين انى فيه معرض قالى ان الشكل القديم ٢٠١٥ كاملة اتوماتيك والاستلام فى خلال ٤٨ ساعة وكانت المفاجأة ١٠٩ الف جنية فقط فهل يعقل هذا ؟؟
وهل فعلا فيه حجز من التوكيل والاستلام بعد ٣ شهور بسعر اقل من كده


ساعدونى فى اتخاذ القرار المناسب

109 دى تثير شكوك كتيرة . مستحيل . سعرها معارض من 118 الى 120

المشاركة الأصلية كتبت بواسطة a.roushdy

109 دى اكيد ملعوب فيها
هى من التوكيل ب112 ومش موجودة

طيب هل فيه امكانية الحجز من التوكيل حتى لو هاستلم بعد 3 شهور انا مش مستعجل

ملعوب فيها ازاى وهى زيرو .يعنى ممكن يكون فيها ايه عشان اخد بالى منه. وبعدين دا انا هاختار اللون
اللى انا عايزه وادفع 1000 ولو عجبتنى ادفع باقى المبلغ

عامتا العربية صفقة جميلة بالنسبة لسعرها واسعار العربيات الحالية
فرامل وتكييف وسحب وكاسيت وسماعات وفتيس زى الفل
استهلاك البنزين هيكون عالى فى الاول وبعدين هيتظبط بعد صيانة ال1000 وهيبقى زيه زى اى عربية 1600

السوبر صالون هى اللى بتنزل ب abs وشوية تطعيمات كروم ونيكل وجنط سبور مش حديد
ولو المستعمله حالتها حلوة اطلع بيها عالتوكيل هيفصصوهالك وهناك قرر يا اة يا لا

بالمناسبة من عيوب العربية ان صالونها ضيق من ورا ضيق حبة وزى ماقولت فى الاول هيكون استهلاكها للبنزين عالى حبتين وبعدين هيتظبط والعربية واطية على الارض وهتحك فى المطبات لو معاك اكتر من 2 ورا

على عكس المتوقع انا فاكرها عاليه وهاخد المطبات براحتى

توكل علي الله العربية ممتازة ومعايا بقالها تلت سنين وما شاء الله زي الفل لو الزيرو متوفر بسعر 109 :112 توكل علي الله وهاتها بس اعتقد ان العربية 2014 اللي معروضه عليك سعرها مبالغ فيه شوف عربية تانية تكون 2012 او 2013 وتكون سعرها مريح وعدادها قليل وتوكل علي الله

اولا: لا يوجد حجز من اي وكيل منذ شهر مارس الماضي
ثانيا: السياره صفقه رابحه بكل معني الكلمه
ثالثا: اتمني لك التوفيق في القرار الصائب باذن الله