محتار في اتخاذ القرار

**elhelawy 3** · 28-09-2014 04:40 AM

حجزت بريليانسv5 ومتردد.من فضلكم عايز اعرف رأيكم فيها من حيث الامكانيات و الا مان والمتانةواعادة البيع .ولا خلينا في اللي نعرفه ونجيب لانسر بنفس السعر.

**ENG.MaRk** · 28-09-2014 07:53 AM

البريليانس فئة أنسب لشوارع مصر من اللانسر و ده سبب كفاية

**hesham fawzy h** · 28-09-2014 08:13 AM

ابعد عن الصينى بجميع انواعة

انا كنت هجيب ال v5 .. و كانت عجبانى جدا كشكل خارجى و هركب عربية عالية والشغل دة :)

بس الحمد لله رجعت فى كلامى

عربية ورق و الطابلوة بلاستك اعادة تصنيع :) خامات حقيرة جدا

غير ان الزراير الى فى العربية بتبوظ و بقع مع الاستخدام

نصيحة بلاش صينى

و جبلك ميتسوبيشى .. تكون راكب عربية و انت مطمن مش راكب صينى ..

اى حاجة غير الصينى فلوسها فيها

و ربنا يوفقك فى الاختيار

..

**Mostafa Hessen** · 30-09-2014 11:17 PM

اعتقد العريبات الصينى اصبحت حقيقه فى الشارع المصرى
سيارات منها ما تعدى 200000 كم فى الشارع واعتقد ده تحدى جيد
هيا سيارات جيده لا شك
تقبل تحياتى

**S O P H O S** · 07-10-2014 05:38 PM

مش هقول العربية وحشة لان كل عربية فيه ميزة وعيب
الاهم حضرتك اولوياتك ايه فالعربية يعني مقارنة العربية بالشارك
مش متناسبة وشايف تقارن معاها الرينو بس اعتقد هتكون مانيوال
والله اعلم

**Hmatchy** · 12-10-2014 07:05 AM

مش عارف ليه بحس الناس اللى بتقارن بين البريلليانس واى عربيه تانيه ان العربيه التانيه دى دبابه وهتفضل ماشيه طول العمر
عموما علشان الكلام ده اتقال 1000 مره قبل كده
الصينى درجات
العربيه زيها زى اى عربيه واحسن كمان
لو بطنك هتوجعك كل ما يحصل فيها حاجه وتقول علشان صينى يبقى ابعد عنها علشان متتعبش اعصابك
عاوز تركب عربيه ركوبه يبقى متفكرش

**khaledazizeg** · 15-10-2014 11:04 PM

والله انا عن نفسي هقولك عن تجربه انا كان معايا بريليانس frv العربية ممتازة وسبب البيع ان حصلت مشكله معايا في رجلي الشمال وبحكم الظروف الى انا فيها مابقتش اقدر اسوق مانيوال فبعتها وقلت اجيب اتوماتك المهم قلت اما اجيب كيا سيراتو لان كانت مشكلتي اني ماعرفش الموتور ال ١٥٠٠ ايه نظامه في الاوتوماتك فاقلت اجيب الكيا وبعد التجربة والمقارنه الكيا خامات تقفيل ممتازه وبتدلعك من جوا لكن ثبات والتعامل مع المطبات بتاعت بلدنا والطرق البايظه البريليانس ممتازة واعتماديه اكتر من الكيا يعنى انا متوسط مشاويري في اليوم من ٢٠٠ ل ٣٠٠ كيلو وسط البلد فالبريليانس كانت بتتحمل معايا والموتور مش بيتعب او بتقل كفائته بعكس الكيا بتحس انها بتضعف كده بعد اما تمشي مشاوير كتيره والموتور لما تريحه شويه يرجع كويس وديه حاجه مش عاجبانى فى الكيا وبالنسبه للورق انا عندي الكيا لو خبطه بأيدك ممكن اكسره بعكس البريليانس كان محترم وصاخ ممتاز وفوق الممتاز

**khaledazizeg** · 15-10-2014 11:08 PM

كفايه اوى زاويه ميل العجل والى فاهم اوى هوا الى هيعرف معنى كلامي لما تبقي بتلف بالعربيه حولين نفسك فى شارع ضيق وبتلف وترجع على مرتين تلاته احسن من لما تقعد ست او سبع مرات ولما تخش ملف بسرعه عاليه وانتا جوا العربية تحس انك ماشي عادي دا احساس ممتع البريليانس بجد عربيه لها مني كل احترام وتقدير