مشكلة ال 301 و التكييف ارجو الدخول للاهمية

**Mghany0** · 28-09-2014 02:42 PM

السلام عليكم انا عضو جديد و معايا 301 فيرانى و عاملة كيلو 2800 و العربية فى الزحمة داخل الطريق مبتتحركش فعلا بمعنى الكلمة لو فاتح التكييف ﻻزم تقرص جامد على البنزين و صوت الموتور يعلى علشان تتحرك و المشكلة دية بتتحل عن طريق توطية التكيف لحد النص او بعد النص بشرطتين انا عابز اعرف حلها من التوكيل اية انا رحتلهم مرتين يوم لما كانت عاملة 700 و مرة تانية صيانة ال 2500 و كل مرة يقولولى اتحلت و لسة بردة العربية فيها المشكلة دية هل فى حد اتحلت معاه تماما و مبقتش موجودة

الشرح اكتر لو فتحت التكييف على الاخر و دة طبعا المعتاد فى الايام الحر الفظيعه اللى بتعدى علينا و انا ماشى داخل البلد فى الاشارات و كدة حتلاقى استجابة العربية للضغط على دواسة البنزين تكاد تكون معدومة لكن لو سايق على طريق مفتوح و بتجرى مش حتحس بحاجة خالص و العربية لما بيطفى تكييفها بتبقى طيارة بس الله ماشاء الله و مفيهاش اى عيب من وجهة نظرى غير التكييف و عايزكم تساعدونى

ازاى ممكن الواحد يرجع لجهاز حماية المستهلك و اية الاجراءات المشكلة دية مشكلة عامة فى ال 301 و بتظهر اكتر فى الاوتوماتيك

**Mghany0** · 28-09-2014 03:01 PM

خصوصاً لو فى ملفات اليو تيرن أو طالع من شارع جانبى لشارع رئيسى و العربية كانت فى وضع الوقوف التام.

**J A G U A R** · 28-09-2014 04:50 PM

فى ناس اشتكت من المشكله دى برضه بس مش لدرجه ان العربيه مبتتحركش خالص
عليك وعلى التوكيل

**Mghany0** · 28-09-2014 05:40 PM

انا قريت على جروب على الفيس بوك بوجود سوفت وير جديد لل ecu نزل النهاردة من فرنسا هل الكلام دة صح ولا غلط وياريت لو حد عندة معلومات يشاركها معانا ارجوكم

**hany63** · 28-09-2014 08:18 PM

موضوع حماية المستهلك
هتصور امر الشغل اللي مكتوب فيه الكشف على للتكييف و اللي بتستلم بيه العربيه
هتكلم الخط الساخن و تاخد منهم فاكس قسم شكاوي السيارات
هتكتب طلب و تشرح فيه اللي حصل و تبعته مع امر الشغل و صورة الضمان و تكلمهم و تاخد رقم الشكوى بتاعتك
تقعد تتكلم كل شويه و تتابع معاهم و هما يقولوا لك تروح امتى و لمين بالظبط في التوكيل
هتفضل رايح جاي على التوكيل و ابقى قابلني لو الموضوع اتحل عن طريقهم

**Mghany0** · 28-09-2014 10:21 PM

والله يا استاذ هانى اهى محاولة علشان مبقاش قصرت فى حاجة من ناحية العربية
سؤال هوة انتا معانا فى الفيس بوك :d رابطة ملاك ال 508 ولا لسة و اسم حضرتك هانى نجيب ولا دة حد تانى

**Mghany0** · 28-09-2014 10:45 PM

النهارده اول يوم للسوفت الوير الجديد لل ecu لسه مبعوت من فرنسا .. لسه هشوف الفرق وابلغكم .

الكلام دة انا شوفتة على جروب على الفيس بوك و بكرة إن شاء الله حعرف هل بيحل مشكلة التكييف ولا لاء وربنا يكرم إن شاء الله

**sadek9** · 28-09-2014 11:48 PM

اسم الجروب ايه لو سمحت؟

**hany63** · 29-09-2014 09:28 AM

المشاركة الأصلية كتبت بواسطة mghany0

والله يا استاذ هانى اهى محاولة علشان مبقاش قصرت فى حاجة من ناحية العربية
سؤال هوة انتا معانا فى الفيس بوك :d رابطة ملاك ال 508 ولا لسة و اسم حضرتك هانى نجيب ولا دة حد تانى

اه انا هاني نجيب اللي معاكم في الرابطه

-

الموضوع: مشكلة ال 301 و التكييف ارجو الدخول للاهمية

LinkBack

أدوات الموضوع

عرض

-

-

-

-

-

المواضيع المتشابهه

ارجو الدخول للاهمية

ارجو الدخول للاهمية

ارجو الدخول للاهمية القصوة

الدخول للاهمية ارجو الرد

الكلمات الدلالية لهذا الموضوع

المفضلات

المفضلات

ضوابط المشاركة