ايه رأيكم في زيت توتال 169933 ال5000 كيلو للماروتي

**elpilot** · 28-09-2014 11:13 PM

السلام عليكم
طول عمري بسمع ان انضف زيوت هي موبيلxhb و شيل هيلكس
النهارده وانا بغير زيت للماروتي في التوكيل وبعد لما روحت فوجئت انهم كاتبين في الفاتورة انهم حاطين زيت توتال 169933 ال5000كيلو
فانتوا ايه رأيكم في الزيت ده هل كويس ولا اغيرة بدل ما يبوظلي حاجه في العربية؟؟
ثانيا لقيتهم كاتبين تغيير 3لتر فهل كده كويس ولا هم مذودين1/4 لتر مع العلم انهم مغيرين زيت وفلتر علي حد ماهم كاتبين؟؟
ثالثا لما سألت المهندس هناك قولتله اغيره بعد قد ايه 3.5قالي لأ غيرة علي5 هو مصمم لكده فانتوا ايه رأيكم انهي احسن اغيرة علي3000ولا3500 ولا اسمع كلامهم واسيبه ل5000؟؟
رابعا كنت محتاج اعرف ايه غسيل الماتور اللي كل لما اروح يخلوني اغسلة واي اصلا اللي بيوسخ الماتور كده ومفيش طريقة تخليني انا انضفه كل شوية في البيت ؟؟؟
وشكرا لسعة صدوركم

**dadofranz** · 29-09-2014 11:02 AM

انا اعرف ان التوكيل بيحط زيت موبيل
واضح انهم غيرو لتوتال
اصل الموضوع موضوع بيزنس ومالوش دعوة بجودة الزيت
انا قريت كتير عن انواع الزيوت وبصراحة شكلهم كلهم زي بعض ومش هتفرق كتير
اعتقادي الشخصي ان 5000 مش كتير ولو عايز تغير قبل كده غير
غسيل الموتور مش لازم دي حاجة بيجيبوا بيها فلوس وخلاص
هي عملية نضافة مش اكتر

**lidosasa** · 29-09-2014 03:36 PM

فعلاًَ موضوع أنواع الزيوت كلها إتفاقات ومصالح وسبوبة وفى النهاية الفروق مش كبيرة بين أنواع الزيوت
بالنسبة لتغير الزيت مفيش حاجة إسمها زيت 3000 كيلو وزيت 5000 كيلو كلها إجتهادات لكن يجب تغيير الزيت حينما يفقد خواصه ( إهمها اللزوجة - ثم اللون لو أتحرق وإتحول للون الأسود ) وطبعاً دع بيعتمد على إستخدامك للعربية :
* مشاوير قصيرة - توقف العربية فترات طويلة دون تشغيل - طرق مزدحمة - طرق متربة وغير ممهدة - حرق على الغيارات - كهربة العربية مش مظبوطة ..... كل دى تعتبر ظروف تشغيل قاسية وممكن تحتاج تغير الزيت أقل من 3000 كيلو كمان ( حسب تغيير خواص الزيت زى ما سبق وشرحت )
* مشاوير طويلة - طرق مفتوحة - العربية مش بتتساب فترات طويلة دون تشغيل - مفيش اتربة كتير - نقل الغيار فى الوقت المناسب - كهربة العربية ومنظومة الإشعال مظبوطة ....... ظروف تشغيل مثالية وممكن تعدى ال 5000 كيلو .
بالنسبة لغسيل الموتور فيه فوم بيتباع فى المحطات ومحلات الإكسسوار تمنها 25 جنيه وبتكفى كذا مرة .... بترج العبوة وترش على الموتور والعربية باردة وتسيبه 10 دقايق وبعدها بالهوا أو فوطة ناشفة تجفف البقايا على قد ما تقدر وبعدها تدور العربية لحد ما تسخن عشان تتأكد من جفاف الموتور تماماً بعد الغسل .

**dadofranz** · 29-09-2014 10:43 PM

خد بالك ان الميكانيكية اول لما يسمعوا كلمة توكيل بيتكهربوا ويقولوا اي كلام
ما تنزلش الزيت ولا حاجة وسيبك منه الا لو فيه مشكلة فعلا في الزيت
اتأكد من ميكانيكي ثقة الاول لان معظمهم فهلوية وبيستعبطوا وعايز يفهمك ان هو اللي اخترع العربية اصلا
زيت توتال فيه ناس بتشكر فيه وفيه ناس لا
بس اللي انا اعرفه ان fit and fix بيستعمله
وده محل مش هيخاطر بسمعته علشان شوية زيت