هل يوجد عيوب بالباسات 2006 ؟؟

**mostafassy** · 29-09-2014 11:27 AM

هل يوجد عيوب بالباسات 2006 ؟؟

هل يوجد مشاكل فتيس او موتور او بنزين 95 ؟؟

شكراا

**Ahmed Saad** · 29-09-2014 08:23 PM

بص ياباشا الباسات ال 2006 لو موتورها mpi يبقى مفيهاش مشاكل غير أنها هتبقى بطه بلدي أما لو fsi هتقابلك مشكله أن الموتور لازم بنزين 95 بس أغلب ال 2006 mpi وده نفس موتور الجيتا القديم والاوكتافيا A5 والفانتازيا وده موتور محترم ومفيهوش اي مشاكل وبالنسبه للفتيس مفيهوش مشاكل لو الزيت والفلتر بيتغيروا كل 60000كم بزيت وفلتر اصلي غير كده عربيه محترمه ووحش على الطريق وواسعه وشنطتها كبيره جدا وربنا يكرمك بحاجه محترمة ونضيفه

**mostafassy** · 30-09-2014 11:33 AM

انت قدامى عربيه ٢٠٠٦ fsi

العربيه بيتحطلها ٩٥ و ٩٢

ناس كنير قالولى هتاخد ٩٢ عادى بس مش هتجرى

لو حد عنده معلومه تانيه عن الموضوع ده يا ريت يقول

**Ahmed Saad** · 30-09-2014 12:02 PM

هتاخد 92 بس لو ضغطت عليها هتسقف لأن موتورها اصلا مصمم لبنزين 95 لأننسبه انضغاطه عاليه 1:12 فالنسبه دي لازم بنزين حرقه عالي وده ال95 اللي عندنا غالي طبعا فشوف انت هتعمل ايه وربنا يوفقك للاصلح

**mostafassy** · 30-09-2014 02:15 PM

مش مشكله التسقيف و هبقى كل فتره كده احطلها 95 بس فى ضرر عالموتور او هتبوظ مثلا ؟؟

شكراا لاهتمامك

**Ahmed Saad** · 30-09-2014 02:36 PM

المشاركة الأصلية كتبت بواسطة mostafassy

مش مشكله التسقيف و هبقى كل فتره كده احطلها 95 بس فى ضرر عالموتور او هتبوظ مثلا ؟؟

شكراا لاهتمامك

اكيد ياباشا هيبقى فى ضرر اصل التسقيف ده ظاهره غلط بتحصل جوا الموتور وهيا عباره عن موجات ارتداديه بتحصل في داخل غرفه الاحتراق فمع الوقت الطويل الموتور هيقصر عمره مع الاستخدام مش زي ماهيعيش لو بتحط بنزين 95 هوا الموتور مصمم للعمل مع اوكتين 95 بس المهم لو جبت العربيه ماتضغطش عليها علشان كتر التسقيف هيقللك من العمر الافتراضي للمحرك