كروت فيزا HSBC Advance

**khaled_sabry** · 29-09-2014 02:59 PM

السلام عليكم
انا عميل قديم لدى بنك HSBC
كان عندى Visa Card و Debit Card من الاول و بشتغل بيهم عمليات على النت (بكارت Visa Card فقط ) و سحب من ATM باى كارت من الاتنين
و بصراحه انا مرتاح فى تعاملاتى معاهم (مش موضوع للشكوى كالمعتاد)
المهم ربنا رزقنى بمبلغ من المال من شهر تقريبا (اللهم لا حسد)
لاقيتهم فى البنك مسكو فيا و قالولى انتا عديت حد العميل العادى و لازم تحول و تبقى عميل Advance و قعد يقولى مزايا تقريبا مش مهمه اوى بالنسبالى - زى يبقى ليك شباك عملاء لوحدك و نمرة تليفون لوحدك ... الخ
قولت ماشى مادمت مش خسران حاجه و اهه يبقى برستيج برضه

قالى ان حيطلعلى كارت Master card
و كارت تانى Debit Card - قولتله بس انا معايا الكارت ده من الاول قالى لا ده واحد تانى خاص بالعملاء Advance و اللى معاك حيتوقف

المهم استلمت Master card و لاقيت موظف اراميكس بيقولى تتصل بالبنك علشان تعمل كلمة السر
اتصلت بيهم لاقيت الموظف بيقولى الكارت اللى معاك مالهوش كلمه سر (لإن تعامله كله على النت او فى POS و دول بيحتاج فيهم رقم الكارت و 3 ارقام على ضهر الكارت)
و هو مفعل من اول لما اتبعتلك !!!!
يعنى معنى كده ان كل فلوسى كانت فى ظرف ممكن موظف ارامكس يشوف ارقامها و يسحب منها فى اى وقت (و لغايه لما الكارت يخلص ) و انا مش حاسس !!!! معقول كده و لا انا فاهم غلط

من شويه استلمت ال Debit Card و برضه بتاع اراميكس قالى نفس المعلومه
لكن المره دى Debit Card و ده اصلا معمول للسحب من مكن ATM يعنى ماينفعشى يبقى من غير PIN
و بعد كده لاحظت مكتوب عليها Electronic Use Only
هل معنى كده انى ماقدرشى اسحب بالكارت من المكنه و لا ايه ؟؟؟

**khaled_sabry** · 29-09-2014 03:48 PM

هو انا حاسس ليه انى كتبت موضوع بطالبكم فيه بفلوس
الموضوع بقاله ساعه و مافيش و لا مشاهده واحده ليه ؟؟
بلاش تعليق - افتح الموضوع و اقفله بس هههههههههههههههههههه

**Khalid_Mostafa** · 29-09-2014 03:58 PM

لأ ممكن تسحب بيه عادي من المكنة وتعامل معه عادي جداً و مبلغ السحب اليومي بقي 10000 جنيه .انا عن نفسي مبستعملش الـ Master cardخالص بس شايله معايا إحتياطي

**khaled_sabry** · 29-09-2014 04:07 PM

المشاركة الأصلية كتبت بواسطة Khalid_Mostafa

لأ ممكن تسحب بيه عادي من المكنة وتعامل معه عادي جداً و مبلغ السحب اليومي بقي 10000 جنيه .انا عن نفسي مبستعملش الـ Master cardخالص بس شايله معايا إحتياطي

اول رد - الحمد لله
انا غالبا برضه حشيل الماستر كارت معايا احتياطى
لكن بالنسبه لل Debit visa card ايه معنى كلمه Electron use only ??
و ازاى ممكن استعمله على مكنه هو لسه مالهوش كلمه سر ؟

**mr_green** · 29-09-2014 04:28 PM

بص يا سيدى

ليه طبعا pin بس واضح إن إللى كلمك فى التليفون مش فاهم أو فهم منك غلط إتصل تانى و وضحله إنك بتسأل على الكود إللى تسحب به من ال ATM

أما Electron use only
ممكن تاخد بصه سريعه على اللينك ده
What Does Electronic Use Only Mean on a Debit Card? - Budgeting Money

بإختصار ماينفعش تشترى به أو تدفع به أوفلاين ودى حاجة نادرة حاليا - أوفلاين يعنى من غير ما المكنة ترجع تتشك على رصيدك و إن الكارت سليم مجرد بيانات الكارت و توقيعك

**MotorX** · 29-09-2014 09:59 PM

في حاجة لازم تخلي بالك منها ان عميل advance لازم يحتفظ بحد ادنى من مجموع الارصده في البنك بيكون اعلى كتير من اي عميل عادي "تقريبا 150 الف جنيه" وفي حالة انخفاض مجموع الارصده عن المعدل ده بيتم تحصيل مبلغ 75 جنيه شهريا كمصروفات ، طبعا التفاصيل الدقيقة لازم تراجعها مع خدمه العملاء بالبنك علشان تعرف اللي ليك واللي عليك.

تحياتي.

**بحار** · 29-09-2014 10:11 PM

اصحالهم بقه واعرف باقى التفاصيل والعمولات وادنى رصيد يكون فى الحساب .. وراجع وراهم اول بأول ..

**samehafez** · 29-09-2014 10:25 PM

قبل اي حاجة ... انت وصلت للموظف ازاي علي التليفون ... انا بحس اني ممكن خدمة التليفون البنكي .. توصلني بباراك اوباما ولا انها توصلني ببني ادم اكلمه من خدمة العملاء ...

علي كلا. ده رقم الادفانس. اللي انا اعرفه +20 2 35359600
امشي تبع الخدمة الصوتية و اختار انشاء رقم سري للكريديت .. و هتدخل ال14 رقم ... و بعد كدة هتختار ال6 ارقام الpin code. هتدخلهم مرتين ... و بس
لو عرفت ازاي الناس بتتصل ب0800ADVANCE ابقي قولي ... انا حاسس انها يا اما اشتغاله يا اما انا مضطهد و محدش عاوز يقولي

**Trondo** · 30-09-2014 06:39 AM

مميزات الادفانس ممتازه طبعا
اهمهم

دفتر شيكات مجاني للحسابات الجاريه دولار و مصري
كارت الفيزا بلاتنيم بحد اإتماني ٢٥ الف مجاني و بدون مصاريف سنويه
كارت ال atm بلاتنيم برضه حد صرف يومي ١٠ الالاف
الكروت دي شكلها مميز و لما بتدفع في مكان بيه .. بيفهم انك شخص مميز
شباك خاص للتعامل لعملاء الادفانس بتحس بيه في الزحمه
رقم تليفون مميز تتصل بيهم عليه بيكون الويتنج اقل من العادي
لو انت بتسافر بيديك دخول للونج رجال الاعمال في مصر و السعوديه و دبي و الكويت وكام دوله بسبب الكارت البلاتيني
داتعاقد عامله شركه ماستر معاهم و دي حلوه قوي قوي و اللي بيسافر كتير فاهمها
تأمين لسفر مجاني ... لو مسافر اوروبا بتطلع وثيقه تأمين تغطي المده .. تقدر تطلعها من البنك فري
تأمين لتأخير رحلات الطيران و الغائها و تأخير الشنط و ضياعها
تأمين علي الحياه مجاني في حالات الموت لاقدر الله و العجز الكلي و الجزئي

موضوع الحساب لازم يكون فيه ١٥٠ الف و الا يتحسب مصاريف دا صحيح او لو بتحول عليهن المرتب برقم معين

دول المميزات اللي فاكرهم :)

**khaled_sabry** · 30-09-2014 06:59 AM

المشاركة الأصلية كتبت بواسطة trondo

مميزات الادفانس ممتازه طبعا
اهمهم

دفتر شيكات مجاني للحسابات الجاريه دولار و مصري
كارت الفيزا بلاتنيم بحد اإتماني ٢٥ الف مجاني و بدون مصاريف سنويه
كارت ال atm بلاتنيم برضه حد صرف يومي ١٠ الالاف
الكروت دي شكلها مميز و لما بتدفع في مكان بيه .. بيفهم انك شخص مميز
شباك خاص للتعامل لعملاء الادفانس بتحس بيه في الزحمه
رقم تليفون مميز تتصل بيهم عليه بيكون الويتنج اقل من العادي
لو انت بتسافر بيديك دخول للونج رجال الاعمال في مصر و السعوديه و دبي و الكويت وكام دوله بسبب الكارت البلاتيني
داتعاقد عامله شركه ماستر معاهم و دي حلوه قوي قوي و اللي بيسافر كتير فاهمها
تأمين لسفر مجاني ... لو مسافر اوروبا بتطلع وثيقه تأمين تغطي المده .. تقدر تطلعها من البنك فري
تأمين لتأخير رحلات الطيران و الغائها و تأخير الشنط و ضياعها
تأمين علي الحياه مجاني في حالات الموت لاقدر الله و العجز الكلي و الجزئي

موضوع الحساب لازم يكون فيه ١٥٠ الف و الا يتحسب مصاريف دا صحيح او لو بتحول عليهن المرتب برقم معين

دول المميزات اللي فاكرهم :)

ايوه كشفتك - انتا موظف البنك اللى قعد معايا

اصلك قولت نفس الكلام اللى قالهولى بالحرف
موضوع الحد الادنى ده عارفه و هما نبهونى منه

الموضوع: كروت فيزا HSBC Advance

LinkBack

أدوات الموضوع

عرض

-

-

المواضيع المتشابهه

ايداع فى hsbc atm

سؤال فني hsbc

فيزا hsbc

كروت فيزا انترنت

please advise .............thanks in advance

الكلمات الدلالية لهذا الموضوع

المفضلات

المفضلات

ضوابط المشاركة