الموضوع: هشترى بورا 2000 ةعايز اجوبه على بعض الاسئله

المشاركة الأصلية كتبت بواسطة quaresma

هشترى بورا 2000 اوتوماتيك
عايز اعرف اكشف على ايه
ولما اشتريها انشاء الله اعمل صيانه لايه واغير فيها ايهرةاسعار الحجات دى كام

وانواع الزيوت اللى استخدمها للمكنه وللفتيس

بص ياباشا اهم حاجه تكشف عليها في البورا الفتيس والموتور بالترتيب وطبعا الرش والحوادث وكده وماتخفش قطع غيارها رخيصه زيها زي الاوكتافيا A4 وموجود كتير جديد واستيراد وبسعر كويس وطبعا الموتور يتكشف عليه كبس موتور ومايبقاش في تسريب زيت للموتور وبالنسبه للفتيس أهم حاجه مايبقاش في نتشه أو رزعه بين النقلات ومفيش تأخير في النقلات وتجرب العربيه وتخليها تاخد وقتها في النقله وتدوس كيك داون وتشوف في هبد ولا لا لو مفيش حاجه يبقى تمام ولو ربنا كرمك وطلعت نضيفه ومن نصيبك الصيانات اللي هتعملها طقم كاتينه سير وبليه وسير مجموعه وسير تكييف ودول هيخشوا في 750ج الأصلي بالنسبه لزيت الموتور انا ماشي على توتال كوارتز 5000 في عربيتي الباسات موديل 2000 وماشاء الله عليه بنزله في 5000 ولسه فيه لزوجه وعلى فكره زيوت ومنتجات توتال معتمده من فولكس فاجن نخش على زيت الفتيس عندك حاجتين في الأصلي وده بيخش في 250ج للتر والعربيه بتاخد 4 لتر وطبعا الفلتر بتاع الفتيس اهم من الزيت نفسه بالنسبه للتغير وعندك زيت الماني اسمه فيبي ده اللتر ب100ج وزي الأصلي بالظبط وانا حاطه في عربيتي وماشي عليه 20000كم وزي الفل الحمد لله بس بيتغير على 40000كم مش زي الأصلي على 60000كم والفلتر بتاع الفتيس هات الفيبي محترم وزي الأصلي برضه وتمنه 90ج عندك الحلين والأفضل ليك هتعمله وتالت حاجه هتعملها تغير مياه التبريد ودي مهمه جدا لأن البورا موتورها ألومنيوم وأي سخونه ممكن يتعرضلها بيشيع فخللي بالك المياه اللي هتحطها مياه حمرا عندك الاصليه اسمها G12 ودي اللتر ونص ب 80ج وعندك مياه توتال الحمراء دي صناعه فرنسيه ومعتمده من فولكس فاجن الجركن 4لتر ب75ج والعربيه بتاخد في حدود 5 لتر إلى 6 لتر وبيتغير كل 250000كم أو 5 سنين أيهما أقرب بعد كده تغير زيت الفرامل بزيت توتال Dot4 وده مهم للحفاظ على دوره الفرامل من الأعطال وبعدين تغير زيت الباور بزيت جنك الأمريكي وده زيت ابيض ومحترم جدا وبيخلي الباور زي الميه وطبعا تغير الفلاتر هوا وبنزين وتكييف وبوجيهات 3 شمعه ملحوظه الزيت بتاع الفتيس لونه ابيض علشان محدش يحطلك زيت احمر ويقولك ده زيت الاوتوماتيك ويارب تكون اجابتي وفيه وأي استفسار انا تحت أمرك

المشاركة الأصلية كتبت بواسطة quaresma

العربيه بورا موديل 2000
1600
فبريكه بره وجوه عدا الاكصدامات
صالةن جلد
تاكيف تاتش
اةتوماتيك
مكنه وفتيس جداد من 3 سنين
العربيه حمرا
العربيه صاحبها مسافر فانا اول واحد ادورها من شهر
العربيه اول ما دةرت7ل وشغلت التاكيف نزلت ميه من الشكمان
صاحبها طاالب فيها 71
فانت شايف ايه

بص سعرها يتهز شويه يعني تخلص على 68000-70000 على حسب الحاله ودي بتبان من الكشف بالنسبه لمركز تكشف عليه في المنصوره بصراحه معرفش لاني من القاهره بس أي مركز صيانه فولكس أو اسكودا موجود عندك هيكشف عليها عادي وبالنسبه لقطع الغيار اي حد بتاع فولكس فاجن عندك في المنصوره هتلاقى عنده كل حاجه بإذن الله ومعلش انا معرفش حاجه في المنصوره علشان أدلك بس ان شاء الله أى عضو من المنصوره يدلك وربنا يكرمك بيها وتكون نضيفه وأي استفسار انا تحت أمرك

المشاركة الأصلية كتبت بواسطة bougee

كل سنة وحضرتك طيب يا أستاذ أحمد سعد وكل المنتدى بخير
عندي طلب بعد إذنك يا أحمد باشا ؟ وهو
أنا بدور بقالي كام شهر على عربية أشتريها ونفسي تكون إعتمادية وفيها عوامل أمان وقطع غيار متوفرة ومش غالية ...
المهم دخلت دماغي سكودا علشان الصاج والإعتمادية والأوبشينز إيلي فيها ومن يومين لفت إنتباهي كام موضوع عن الباسات وخصوصآ موديل 2000 ( وهي مش بعيده عن سكودا بردو ... عائلة واحده )
السؤال هو؟ إيه أحسن موديل في الباسات فيه حيث السعر المتوسط والإعتمادية وقطع الغيار المتوفرة بسعر مناسب لشخص متوسط الدخل .... وهل يوجد منه أوتوماتيك ولا كلها مانيوال وأيهم أفضل في رأي حضرتك ؟

آسف لو طولت على حضرتك ولكن ربنا يجعلك دايمآ من أهل الخير ...

بص ياباشا بالنسبه للباسات فدي فئه أعلى من اوكتافيا وبورا وجولف والموديل ده بالتحديد في الباسات من أفضل ماصنعت فولكس فاجن والدليل انه اتصنع 10 سنين متواصله من 1996-2005 وعموما الموديل ده من 96-2005 واحد في كل مسمار عدا أن من موديل 2001 اتعملها فيس ليفت غيروا الشكل الامامي والفوانيس الخلفيه ومسند الذراع الداخلي وبس والعربيتين نفس كل حاجه وكمان الموديل ده نسخه من الاودي A4 من الاكصدام الاكصدام يعني شاسيه وموتور وضفيره وعغشه وكهرباء واحده في الاتنين عربيه ثباتها عالي جدا واعتماديه جدا ومفيهاش أعطال تذكر وقطع غيارها كويسه ورخيصه مش غاليه يعني أرخص من الصني والبومه والشارك والسيراتو أغلى حاجه فيها طقم المقصات الامامي وهما عباره عن 8 مقصات و2 شداد ميزان و2باره دريكسيون الطقم ده كله بيعمل 3500-4000ج فيبي الماني وده انضف حاجه وفي حاجه تانيه اسمها توبران الماني بس مش زي الفيبي وده بيعمل 2500ج وفيه صيني ب1300ج والاستيراد بيعمل 1200ج باقي قطع الغيار رخيصه يعني تيل أمامي 180ج تيل خلفي 200ج بوش فلتر بنزين 75ج فلتر هوا 75ج طنابير فرامل أمامي أو خلفي جديد 500ج للجوز أمامي أو خلفي مساعدين أمامي 900ج kyb-مونرو1100ج مساعدين خلفي 700ج جديد مايلي اكصدام أمامي 800ج وخلفي800برضه استيراد موبينه استيراد 300ج مسطره الرشاشات 300ج فتيس اوتوماتيك استيراد 3000-3500ج كبالن خارجي جديد الواحد 320ج الماني دي بعض أسعار قطع الغيار اللي فاكرها دلوقتي بالنسبه للعربية طبعا ثبات ممتاز وأحسن من الموديلات اللي بعدها لأن عفشتها لوحدها تتكلم على ثباتها عامل ازاي تكيفها ممتاز زي الياباني يعني عندك التكييف التاتش بتاعها 7 سرعات ماتستحملوش في عز الحر على السرعه التانيه وطبعا صاجها قوي جدا وأمان عالي وفراملها فوق الممتازه مشكلتها الوحيده أنها لازم واحد فاهم علشان يشتغل فيها صح لأنها معقده شويه بالذات عفشتها متداخله مع بعض العفشه الامامي وطبعا غلو طقم المقصات الامامي بس االطقم بيعيش وممكن تقضيها استيراد وبيبقوا زي الفل غير كده العربيه لو حالتها حلوه بتعتبر كنز وركوبتها ماتعرفش تركب بعدها أقل من مرسيدس أو بي ام أو اختها الاودي كفايه اني اقولك بدون مبالغه والله ان عمي معاه اسكودا فانتازيا وفيه فرق لما اركبها واركب عربيتي الباسات طبعا الباسات أفخم لاكن الفانتازيا اوبشنها أعلى فرق سنين بس لاكن الخامات والتقفيل وحتى قفله الباب وتقله لصالح الباسات فلو نويت قوللي وانا هتابع معاك بس أهم حاجه الحاله لأنك لو ماركبتش العربيه دي حلوه هتكرهك فيها وفي كل العربيات فالحاله مهمه جدا فيها وربنا يكرمك بحاجه محترمة ونضيفه وأي استفسار انا تحت أمرك ه