شرح ميكانيكة اتراج المصممة للطرق السريعة

**هانى شوقى** · 30-09-2014 02:49 PM

بعد تعب قلب كتير علشان الناس تفهم ايه الاتراج ومقارنتها ب اللوجان ومثيلاتها 1600 سى سى
تعالى بقى وشوف ميكانيكا السيارات بتقول ايه الموضوع طويل بس رائع ومنقول :
معنى الحروف DOHC المكتوبه على المحرك هي اختصار للكلمات Double OverHead Camshaft وتعني محرك ذو 2 كامه علويه وتسمي احيانا Twin Cam فاين تقع هذه الكامات وما هي فائده ازدواجها؟ عامود الكامات Camshaft هو الجزء الخاص بضبط تزامن فتح وغلق صمامات الوقود والعادم بشكل توافقي دقيق جدا وفي الماضي كانت المحركات تعمل بنظام احادي الكامه SOHC وتوجد محركات الي الان تعمل بهذه الطريقه ويمكن للكامه الاحاديه تشغيل حتي 3 صمامات لكل غرفه ولكن هذا النوع من المحركات ذو قدرات محدوده ولكن مع اضافه كامه اخري الي المحرك يتم تقليل زمن فتح وغلق الصمامات وكذلك ضبط ادق لتوقيتات الفتح والغلق كذلك زياده عدد الصمامات لكل اسطوانه لرفع قدرة المحرك , ومن مشكلات اعتماد المحرك علي كامه واحده هو زياده سرعه دوران الكامه لخدمه الاربعه سلندرات وذلك يعني سرعه تاكل محاور الكامات و تقليل عمر سير الكاتينه Timing Belt . وتتمثل فائده تقليل زمن فتح وغلق الصمامات وضبط التوقيتات في زياده الطاقه الصادره من المحرك وذلك كنتيجه لزياده السرعة التردديه للاسطوانات وبذلك تزداد قدره المحرك فعلي سبيل المثال ( محرك 1600 c.c ذو كامه واحده ينتج طاقه في حدود 105 hp ولكن مع محرك اخر ذو نفس السعة ولكن ذو كامه مزدوجه من الممكن ان ينتج قدره في حدود 135 hp . وتظهر قدره المحركات المزدوجه الكامه بصوره واضحه عند التسارع المفاجيء للسياره فنجد ان استجابه السياره تكون سريعه و فاعله . يعتقد البعض ان المحرك مزدوج الكامه استهلاكه للوقود اعلي من المحرك ذو الكامه الواحده وهذا الاعتقاد خاطيء ولكن المحدد الاقوي للاستهلاك هو سعه السلندرات للمحرك وكذلك مدي تقدم الشركه المصنعه للسياره .
والمكنة ال 2 كامة بتبقى معمولة للطرق السريعة علشان بتبقى مرتاحة فى السرعات العالية عن ال 8 صباب, وعلى العكس, ال 8صباب معمولة للمدينة علشان أستهلاكها للبنزين أقل وعزمها تحت ال 100 كيلو/ساعة مشابه للمكنة ال 2 كامة, وبالتالى فى السير داخل المدينة هى تكسب.
ل 8 صباب أستهلاكه فى البنزين أقل من ال 16 صباب
واغلب الشركات اللى بتصنع عربيات صغيرة بتكون 2 كامةوكل تصميم له مميزات وعيوب
الخلاصة : 1- الاتراج مش عربية مدينة دى عربية طرق سريعة واى حد تانى يقول غير كدة يبقى مش بتاع ميكانيكا و1600ب 8 صباب عربية مدينة
2- متسوبيشى فكرت فى عربية 2 كامة علشان تاخد منها اللى انت عايزه بس لما لقيت ان المتور 1200 ودا عمره مش طويل مع عربيات كتير فقللت الوزن علشان 1200 بوزن اتراج ميفرق عن 1600 لاى عربية تقيلة وكمان اتراج 3 بستم علشان الكامة تخدم على 3 بدل 4 ودا فى صالح عمر الكامة
3- 2 كامة مينفعش على 8 صباب لكن ممكن 12 او 16 واتراج 12 ودا بيدى سنة حرق بسيطة للبنزين ومن الذكاء انه مش 16 لان الحرق كان هيكون اكتر على 2 كامة ومش هتحس بتوفير بنزين
4- القدرة الحصانية 78 ليس مهما بقدر العزم انت كدة كدة هتوصل للسرعة اللى انت عايزها 130 مثلا مش هتاخد منك وقت عربيتك خفيفة و78 حلو قوى عليها ليها اديها اكترمن كدة وهى بتدى نفس اداء اللى اعلى منها وانت فى مصر مش محتاج احصنة كتير لعربيتك لان الطرق مش هتساعدك وفى عربيات بتوصل ل400 حصان بس ايه فايدتها فى طرق تعبانة

5-المتور الواحد كامة عمره اقل والناس اللى ركبت اتراج حست ان العربية بتستجيب بسرعة لاى شئ تطلبه منها ودا لانها 2 كامة
6- عمر محد اتعامل مع يبانى وخسر .

**eng.m7md.ali** · 30-09-2014 03:02 PM

اختلف معاك في اول نقطة ورابع نقطة واخر نقطة

اول نقطة هيا ان العربية مش بتاعت مدينة وانها بتاعت طرق سريعة .. اسمحلي الكلام ده غير صحيح لان ال 3 سليندر مش بتاع جري ولا سحب وسرعات عالية هو موفر فقط للبنزين وده كل اللي مطلوب منه .. وكمان ثبات العربية ميخلكش تجري لانها خفيفة وزناً وكمان تصميم العفشة بيزود الطين بلة

النقطة الرابعة هيا ان العزم مهم فعلا مع الوزن والمطالع .. بس محتاج قدرة حصانية كفاية عشان التكييف مع الوزن

اخر نقطة وللاسف كلنا مخدوعين وخلاص بالياباني .. عندك الصني الجديدة زفت الزفت اهيه وبيتقال عليها يابانيومحدش عايز يفهم انها هندي تقفيل مصري .. الكوري شرخ في كل حاجة تصميمات واداء واعتمادية كمان

**wella3330** · 30-09-2014 03:24 PM

"الاتراج مش عربية مدينة دى عربية طرق سريعة"
الحقيقة لا تعليق !!!

**هانى شوقى** · 30-09-2014 03:30 PM

المشاركة الأصلية كتبت بواسطة eng f3lix

اختلف معاك في اول نقطة ورابع نقطة واخر نقطة

اول نقطة هيا ان العربية مش بتاعت مدينة وانها بتاعت طرق سريعة .. اسمحلي الكلام ده غير صحيح لان ال 3 سليندر مش بتاع جري ولا سحب وسرعات عالية هو موفر فقط للبنزين وده كل اللي مطلوب منه .. وكمان ثبات العربية ميخلكش تجري لانها خفيفة وزناً وكمان تصميم العفشة بيزود الطين بلة

النقطة الرابعة هيا ان العزم مهم فعلا مع الوزن والمطالع .. بس محتاج قدرة حصانية كفاية عشان التكييف مع الوزن

اخر نقطة وللاسف كلنا مخدوعين وخلاص بالياباني .. عندك الصني الجديدة زفت الزفت اهيه وبيتقال عليها يابانيومحدش عايز يفهم انها هندي تقفيل مصري .. الكوري شرخ في كل حاجة تصميمات واداء واعتمادية كمان

حضرتك دا مش كلامى دا راى مهندسى السيارات مش بتاعة جرى صعب اوافقك عليها لانى العربية بتجرى وادائها بيزيد مش بيقل حتة الثبات لغاية دلوقت تصنف من العربيات اللى ثباتها كويس جدا بشهادة ركابها وكلمة وغير انى طول مانا بسافر بيها متحكم فيها بشكل كبير
انا رايى 2 كامة 3 سلندر احسن من كامة 4 سلندر
بتقول ليه مخدوعين باليبانى واشمعنى النيسان متنساش البومة والشارك من اكتر العربيات الاعتمادية واتراج من انتاج نفس الشركة
العزم بتاعها ممتاز مع وزنها يعنى مفيش مطلع مهمها كان بيقف قدامها والتكيف بتاعها رائع ملوش دعوة على مطلع على ارض
يعنى كل اللى مش متفق معايا فيه واللى معتبره عيوب مش موجود فى العربية يبقى ايه رايك

**wella3330** · 30-09-2014 03:30 PM

اول نقطة هيا ان العربية مش بتاعت مدينة وانها بتاعت طرق سريعة .. اسمحلي الكلام ده غير صحيح لان ال 3 سليندر مش بتاع جري ولا سحب وسرعات عالية هو موفر فقط للبنزين وده كل اللي مطلوب منه .. وكمان ثبات العربية ميخلكش تجري لانها خفيفة وزناً وكمان تصميم العفشة بيزود الطين بلة

والله اول ما شوفتها قولت ايه العربية الهلامية دي بس لما عرفت سعرها في الخليج قلت معقول علي قد امكانيتها المتواضعة

**amr elsisi** · 30-09-2014 04:03 PM

اعزرني مين قال ان الموتور زو الكامة الواحدة الكامة بتلف اسرع من الاتنين كامة
ومين قال ان سير التقسيمة بيبوظ في الكامة الواحدة اسرع
دة سير التقسيمة في الاتنين كامة علية نقط تلامس اكتر
من ناحية طنبورة اضافية وبلية شداد اضافية
الحاجة التانية ازاي 78 حصان مقبولين وزي الفل
لم تجرب مرة تشد بيها حترعف يعني اية 78 او مشغل تكييف ومحمل ركاب وطالع مطلع
علي سرعة اقل من 60

**mohbasyouni** · 30-09-2014 04:20 PM

تصميم العربيه للطرق السريعه مش بس موتور ده تصميم عفشه و ارتفاع و ثبات و حجم و عزل صوت و غيره ده مع اعتبار ان الموتور dohc مصمم للطرق السريعه و ده غير صخيخ

**هانى شوقى** · 30-09-2014 04:57 PM

يا جماعة استوب شوية انا اقصد مينفعش نحصر اتراج ونسميها عربية مدينة دى مصصمة لكل شئ مش مدينة فقط تكنولوجيا تقدر تمشى بيها سرعات بارتياحية من غير اجهاد للمتور مش تقولولو مدينة يعنى اخرك تمشى على 60 علشان السحب والكلام الفارغ افهموها بقى العربية وصلت ل170 مع ناس كتير ومفيش مشاكل سحب و التكييف ممتاز
وعلى الطريق السريع ممتازة يبقى بلاش نظلم اى حد جديد ونقوله مدينة وعلشان انت بتسافر كتير هات 1600
بلاش كلام مرسل بدون فهم تكنولوجيا العربية وياللى يتكلم يجرب وهيرجع يغير رايه
اللى مصممين العربية مش فاتحين وكالة عايز عربية مدينة خد عايز عربية طريق سريع خد
العربية مناسبة لفلوسها وكل اللى فى سعرها اقل منها بجد وعن تجارب وبلاش حد ينط ويقولى العربية كذا احسن منها وتكون اعلى منها ب 30 اف
المقصد من الموضوع ان فى ناس اعرفها بعدت عن العربية علشان كلمة مدينة فحبيت اقول ان العربية تنفع كويس جدااا للطرق واى حد عايزها العربية فى اسيوط بدات تظهر بشكل ملحوظ ولما نزلت القاهرة شوفتها كتير ومسجلتش شكوى واحدة والحمد لله
عربية فلوسك فيها

**eng.m7md.ali** · 30-09-2014 05:59 PM

احلى حاجة فينا .. ان الفاشل في جميع انحاء العالم بينجح عندنا احنا

الثبات يااخونا هو القدرة والتحكم الكامل في العربية على سرعة عالية .. مش مجرد اجيب سرعة عالية في خط مستقيم .. بلاش الكلام ده عشان ناس بتنخدع فيه ولما بتشتري بتلاقي حاجة تانية زي ماحصل في النيسان