عطل فيات برافا 98

**طارق غريب** · 30-09-2014 07:13 PM

السلام عليكم انا عندى سيارة فيات برافا 1998 1600cc غيرت ليها جوان ووش سلندر بعد ماركبهم الماكانيكى العربية السحب بتاعها كويس بس الماتور ليه صوت وبتكرر وموشر الحرارة بيوصل للنص او قبل النص وقربة الماء بتنقص الماء اللى فيها هل نقص الماء بسبب الحرارة وايه سبب الصوت والحرارة فى ناس تقلى ممكن التكيهات وناس تانى بتقول بسبب الكتينا عاوز ضبط انا احترت مكانيكى بيقلى وديها جهاز فى الحرافيين عند الابيض بى 50جنيه يكشف عليها انا قاعد فى مدينة الشروق عاوز لو حد عندة نفس السيارة اعرف منه مكانيكى شاطر وبيفهم ومش عارف انا اعمل ايه دة رقم موبايلى 01110572548

**Abo_Mazen** · 30-09-2014 07:55 PM

يادي جوان وش السلندر وحوارات جوان وش السلندر ..يا جماعة جوان وش السلندر ده لو متعملش صح ..ومتعملش صح دي معناها إنه يتعمل صح من ناحيه كل حاجه ..المسحه اللي هياخدها الوش ..خامة الجوان المستخدم ..الجوان هيتحط عليه جوملكه ولا لأ ..الجوان إستاندر ولا دوبل ..حتى طريقة ربطة المسامير ..هيربط بعزم على المسامير إزاي ..مسمار إتربط عليه بعزم أكتر من التاني الوش ما قفلش مع البلوك صح ..قصه قصه مش بسيطه..الجوان ده لو متعمل صح هتبقى مشكله هتعقد صاحب العربيه ..لالالالالالالالالالالالا لالازم ميكانيكي نظيف يعمل الشغل ده ..لازم صنايعني محترم يعمل الشغل ده ..ده أنا ليه قصه مع جوان وش السلندر كنت هبيع بسببها العربيه ..عشان ميكانيكي معندوش ضمير ولا زمه ..حقيقي أنا مش قادر أحط إيدي على مشكلة حضرتك من فين بالضبط ..لكن عموما ..ميكانيكي عنده ضمير يكشف عليها تاني ..شوف ميكانيكي تاني وتالت ورابع ..

**طارق غريب** · 30-09-2014 08:43 PM

ربنا يباركلك على الرد طيب انصحنى بمكانيكى شاطر غير صابر اللى عند مدينة طلبة الازهر فى واحد اسمة هانى ايه رائيك فية فى مدينة نصر ياريت تبعتلى رقم موبايلك

**Abo_Mazen** · 30-09-2014 09:03 PM

المشاركة الأصلية كتبت بواسطة طارق غريب

ربنا يباركلك على الرد طيب انصحنى بمكانيكى شاطر غير صابر اللى عند مدينة طلبة الازهر فى واحد اسمة هانى ايه رائيك فية فى مدينة نصر ياريت تبعتلى رقم موبايلك

أنا للأسف مش من القاهره ..أنا من إسكندريه ..وأرجوا من الساده الأفاضل اللي من القاهره إنهم يفيدوا حضرتك ..وممكن حضرتك تسأل برضه في نطاق المعارف والثقات يدلوك ..وياسلام لو ميكانيكي شغال في نفس النوعيه دي من العربيات وياسلام بقى ..يا سلام ..لو متجرب من حد ثقه ..تبقى كده فله