هل لازم الواحد يتصور في رخصة القيادة

**kar!m** · 01-10-2014 09:23 PM

السلام عليكم و رحمة الله

ان شاء الله هجدد رخصة القيادة .. طبعا الصورة اللي فيها لا تمت ليه بأي صله حاليا.

المهم واحد صاحبي قال لي خد 4 صور و الشهادات الطبية وروح.

السؤال .. هل هتصور هناك؟ .. ولا هيحطوا صورة من الصور اللي هديهالهم؟ .. عشان لما طلعت الرخصة من عشر سنين كنت بتصور هناك.

**hamadaghfar** · 02-10-2014 12:42 AM

بص حضرتك الصور اللي انت واخدها دي للشهادات الطبيه و في صوره بتبقي في الملف لكن لو الرخصه كمبيوتر لازم تتصور في المرور و الصوره بتبقي في الرخصه و شكرا

**J A G U A R** · 02-10-2014 01:51 AM

اللى اعرفه لازم تروح تتصور من جديد

**hateeem** · 13-10-2014 03:28 AM

هما عاملين حساب الكلام ده كله

وبيصوروك من جديد وبتجيب شهادات وصور من جديد

**Tiar** · 20-10-2014 03:57 PM

المشاركة الأصلية كتبت بواسطة kar!m

أنا رحت يوم الأربعاء و اتصورت هناك .. و الحمد لله انهم صوروني عشان بدون مبالغة مكنش في أي شبه بين شكلي حاليا و شكلي في الرخصة القديمة من عشر سنين :d

و شكرا على الافادة :-)

ياريت تقولنا ايه الاوراق المطلوبة علشان انا سمعت انهم بيعملوا كومسيون طبي عندهم معدشي ينفع موضوع الشهادة الصحية من أي مركز زي الاول

طيار

**kar!m** · 08-12-2014 12:02 PM

المشاركة الأصلية كتبت بواسطة tiar

ياريت تقولنا ايه الاوراق المطلوبة علشان انا سمعت انهم بيعملوا كومسيون طبي عندهم معدشي ينفع موضوع الشهادة الصحية من أي مركز زي الاول

طيار

اسف على التأخير في الرد

الأوراق المطلوبة :

- صورة البطاقة

- شهادة باطنة وعيون عليها الصورة الشخصية

- نموذج 256

- ملف ورق فارغ

- رخصتك القديمة

الخطوات:

- تقوم بشراء نموذج 256 من الخزينة.

- الذهاب لنيابة المرور لدفع مخالفات رخصة القيادة واستلام النموذج والرخصة وشهادة المخالفات.

- بعد ذلك تدهب إلى شباك تجديد رخص القيادة لتسليم الأوراق ليتم مراجعتها وتستلم ورقة بالرسوم.

- الخزينة لدفع الرسوم.

- العودة لشباك تجديد رخص القيادة بوصل دفع الرسوم والرخصة يتم إرفاقها في الملف وتُسلم البطاقة الشخصية.

- يتم مراجعة الملف ويرسل لحجرة الكمبيوتر لأخذ صورتك الشخصية على الرخصة.

- في النهاية تتسلم رخصة القيادة الجديدة.