الموضوع: مطلوب معلومات عن كيا سيراتو كوبيه

ImageBam

المشاركة الأصلية كتبت بواسطة car crazy

imagebam

اهي هي دي صورة الكشاف اللي من ورا اللي بسأل عليه

العفشة بتاعة كل السيراتو الكوبيه ناشفة عشان هي عفشة رياضية و عشان الجنوط 17 و الصراحة هي مش مريحة.
الفتيش الجديد اعتقد من 2011 و ده 6 نقلات مش 4 فقط زي القديم و الصراحة فرق السما من الأرض. أنا جربته في الكوبيه و العادية فعلا فارق جامد.
العربية لو فيها ايموبيلايزر صعب جدا تدور لكن مش مستحيل. قبل كده حرامي حاول يدور عربية أخويا و كانت كوبيه خليج ما عرفش و دور اسبيرانزا كانت واقفة جنبها و خادها.
ما أقدرش أفيدك في حاجة تاني للأسف. بالتوفيق.

والله يا رجاله شكرا علي الردود الجميلة دي و شكرا جزيلا

المشاركة الأصلية كتبت بواسطة yehia atia

بص يا باشا هفيدك على اد معلوماتى الفتيس الجديد فى موديل اخر 2011 لان عربيتى 2011 بس الفتيس القديم 4 نقلات والفتيس الجديد 6 نقلات على ما اسمع موفر اكتر فى البنزين وافضل فى التسارع وممكن التحكم فى النقل يدوى من الطارة شيفت درايف....
اما مفتاح العربية مشفر صعب جدا السرقة الا بمفتاح العربية فصعب سرقتها الا بمفتاحها ...
اما العفشة رياضية وجنوط 17 فهى ناشفة غير مريحة ومستفزة شوية ولكن هى عربية مميزة الصراحة وشكل خارجى وداخلى ولكن اى عربية راحة نفسية فلازم تجربها بنفسك لو بتفكر فى الشراء ...
اما الفوانيس الصورة مش واضحة ولكن اكيد قصدك على الفوانيس الليدات بتنزل بعد موديل 2011 وبيكون فى زيادة فى الاوبشن عن 2011 وهى فوانيس ليدات وفتيس جديد وبلوتوث ....
ولكن وجهة نظرى اهم حاجة حالة العربية ويكون السعر مناسب والفتيس الجديد بيفرق فى السعر عن القديم

طيب يا ريت توضحلي اكتر عن قصدك في عفشة الكوبيه اللي معاك يعني ايه ناشفه و لو توضحلي ب امثله يبقي كتر الف خيرك
سؤال تاني برده هل الكوبيه اللي مع حضرتك هل فيها ناقل السرعات في الطارة
و لو عندك فكرة عن اسعار الكوبيه اجيب مثلا الخليجي اللي بيبقي فيها وسائل الامان الكاملة و ناقل السرعة في الطارة و فتيس جديد و ايموبلايزر و الخ تكون عامله كام ده لو عندك فكرة
و جزاك الله كل خير علي الافادة في المعلومات

http://www.imagebam.com/image/8bb610356037892

http://www.imagebam.com/image/7a162d356037888

http://www.imagebam.com/image/efeb43356037885


دول برده صور للاضاءة الخلفية اللي قصدي عليها