لماذا الفورد فوكاس لا يتم و ضعاها في الاختيار في الفئة السعرية 150 - 200 الف

**drengine** · 07-10-2014 02:35 PM

بسم الله
اولا انا بدور على اني اشتري عربية في السعر ده و كنت كتبت اكتر من بوست على المنتدى و بقالي مدة كبيرة متابع المقارنات - و ان شاء الله هنفذ الشراء خلال اسبوعين - بس انا اخترت الفوكاس
و انا بشوف المقارنات و اراء الناس - لاحظت انه محدش بيجيب سيرة العربية ده بالرغم من انها تمتلك جميع العناصر التي تجعلها على راس القائمة - و خاصة بعد تخفيض سعرها 9 الاف جنيه
و اسعار صيانتها مثلها مثل باقي السيارات في فئتها - بل ممكن اقل و خمة افضل
فما هي الاسباب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟

**ENG.MaRk** · 07-10-2014 03:03 PM

الأسباب يا باشا إنها أولا بنزين 95 ... سوقها واقع في مصر و إعادة البيع مش تمام ...قطع غيارها أغلي واحدة في فئتها ... الناس بصراحة بتستحرم تسيب الكورولا اللي ليها سوق و توكيل محترم و كمان أوبشنز عظيمة و تروح للفوكاس بالرغم من إن الفوكاس في نظري أفضل عربية في فئتها بصراحة ... خلاصة القول لو مش هتبيع قريب و مش بتحب تغير كتير يبقي الفوكاس أحسن اختيار قدامك و لو ناوي تبيع قريب يبقي كورولا أو أسترا

**hany63** · 07-10-2014 03:16 PM

الفتيس بتاعها مش مريح في وسط البلد

**drengine** · 07-10-2014 03:28 PM

سالت على موضوع البنزين ناس شرينها قالولي انهم بيحطو 92 و كتوب في الكتالوج من 91 - بالنسبة لقطع الغيار هي ارخص من الالنترا و السيراتو و الكورولا الاشكال الجديدة - انما العربيات ده بتتميز بتوافر قطع الغيار خارج التوكيل الاستيراد- انما الفورد قليل جدا- و بالنسبة لاعادة البيع توكيل فورد من قبل عبد اللطيف الجميل عملين نظام انهم يشتروا منك العربية - و انا شفت اسعار اعادة البيع بتاعتها هي تقريبا اقل من المتوسط بحاجة بسيطة- بالنسبة للتوكيل ناس كتير بتشكر في توكيل اتو جميل

**drengine** · 07-10-2014 03:31 PM

المشاركة الأصلية كتبت بواسطة hany63

الفتيس بتاعها مش مريح في وسط البلد

انا منت سالت في التوكيل و ناس اشترت من اول 2014 قالوا ان المشكلة بتاعت الفتيس اتحلت تماما بعد ما غيرو السوفت ويير و الكلاتش - بس انا لسه مقلق من النقطة ده جامد

**ENG.MaRk** · 07-10-2014 04:55 PM

أنا كتبت مشاركتي بناءا علي موديل 2012 لأني ماسقتش بعده و بعدين مادام حضرتك بتحبها أوي كدة اتكل علي الله و اشتريها ... بصراحة أنا لو معايا تمنها كنت جبتها هي أو الأسترا

**hany63** · 07-10-2014 05:17 PM

المشاركة الأصلية كتبت بواسطة drengine

انا منت سالت في التوكيل و ناس اشترت من اول 2014 قالوا ان المشكلة بتاعت الفتيس اتحلت تماما بعد ما غيرو السوفت ويير و الكلاتش - بس انا لسه مقلق من النقطة ده جامد

الفتيس اللي يجيلك منه الريح اخلع و استريح

**drengine** · 07-10-2014 05:43 PM

المشاركة الأصلية كتبت بواسطة eng.mark

أنا كتبت مشاركتي بناءا علي موديل 2012 لأني ماسقتش بعده و بعدين مادام حضرتك بتحبها أوي كدة اتكل علي الله و اشتريها ... بصراحة أنا لو معايا تمنها كنت جبتها هي أو الأسترا

الموضوع مش موضوع حب هوا موضوع طريقة تفكير انا حتى كنت عملت مقارنة بالارقام - و الفوكاس كانت من افضل النتايج- بس قولت اكيد الناس ليها وجهة نظر مختلفة

**abokoko** · 07-10-2014 05:59 PM

انت بتفكر تشتريها
ولا مجرد سؤال

بتفكر تشريها
اعمل بحث اكتر عنها وعن العيوب والمزايا وبناء عليه
قرر تشتريها ولا تبعد عنها
بس لو اشتريتها
ابقي انقل تجربتك كاملة

لو مجرد سؤال
فعربيات كتير ممتازه والناس بتروح للاقل المنتشر

تقبل تحياتى